বিটিআৰত জব্দ অবৈধ অস্ত্ৰ-শস্ত্ৰ; দুজনক আটক - Arms Recovered in Udalguri

ওদালগুৰি, ১৮ জুন : সোমবাৰে ওদালগুৰি আৰক্ষী থানাৰ অন্তৰ্গত ওদালগুৰি চহৰৰ সমীপৰ শান্তিপুৰ নামৰ এখন গাঁৱত আৰক্ষীয়ে জব্দ কৰে কিছুসংখ্যক অবৈধ অস্ত্ৰ-শস্ত্ৰ ৷ আৰক্ষীৰ এই অভিযানকালত জব্দ হৈছে এ কে ৫৬ ৰাইফল, এখন আলোচনী আৰু ৬৬৮ টা সজীৱ গুলী ৷

সোমবাৰে বিয়লি প্ৰায় ৬ বজাত শান্তিপুৰ গাঁৱৰ এটা ঘৰৰ পৰা অবৈধ অস্ত্ৰসমূহ জব্দ কৰে আৰক্ষীৰ এটা দলে ৷ যিসমূহ বিক্ৰীৰ বাবে মজুত কৰি ৰাখিছিল স্থানীয় এজন যুৱকে ৷ এনেদৰে অবৈধভাৱে অস্ত্ৰ ক্ৰয়-বিক্ৰয়ৰ সৈতে জড়িত দুজন যুৱকক আৰক্ষীৰ অভিযানকাৰী দলটোৱে আটক কৰে ৷

অৱশ্যে তদন্তৰ খাতিৰতে আৰক্ষীয়ে যুৱকদ্বয়ৰ নাম প্ৰকাশৰ পৰা বিৰত আছে ৷ ঘটনা সন্দৰ্ভত আৰক্ষীৰ অভিযান এতিয়াও অব্যাহত থকা বুলি জানিব পৰা গৈছে ৷

লগতে পঢ়ক: ডিফুত আৰক্ষী আৰু চিআৰপিএফৰ যুটীয়া অভিযানত বৃহৎ পৰিমাণৰ মাৰণাস্ত্ৰ জব্দ