দীর্ঘবিৰতিৰ অন্তত ৰাজনীতিৰ পথাৰত নৃত্য আঙুৰলতা ডেকাৰ

চামগুৰি: বটদ্ৰৱা সমষ্টিৰ প্ৰাক্তন বিধায়িকা তথা মোহময়ী অভিনেত্ৰী আঙুৰলতা ডেকাক মনত পৰেনে আপোনাৰ ? ভাৰতীয় জনতা পাৰ্টীৰ মহিলা মৰ্চাৰ সভানেত্ৰীৰ পদ ত্যাগ কৰাৰ পাছৰে পৰা ৰাজ্যৰ ৰাজনীতিৰ পৰাও যেন বিদায় লৈছিল আঙুৰলতা ডেকাই । কিন্তু দীৰ্ঘবিৰতিৰ অন্তত পুনৰ ৰাজনীতিৰ পথাৰত পদাৰ্পণ আঙুৰলতা ডেকাৰ ৷ 

শনিবাৰে চামগুৰিৰ উপ-নিৰ্বাচনৰ প্ৰচাৰ চলাবলৈ উপস্থিত হৈয়েই নাচি বাগি দৰ্শকক আকৰ্ষণৰ চেষ্টা চলালে আঙুৰলতা ডেকাই । চামগুৰি সমষ্টিৰ কাৱৈমাৰীত অনুষ্ঠিত হোৱা কেন্দ্ৰীয় মন্ত্ৰী সৰ্বানন্দ সোণোৱাল এখন প্ৰচাৰ সভাত অংশগ্ৰহণ কৰি সমষ্টিটোৰ বিজেপি প্ৰাৰ্থী দিপ্লুৰঞ্জন শৰ্মাৰ হৈ প্ৰচাৰ চলালে আঙুৰলতাই ।

উন্নয়নৰ স্বাৰ্থত সকলোকে বিজেপিক ভোটদান কৰিবলৈ আহ্বান জনাই বিজেপি নেত্ৰী তথা অভিনেত্ৰীগৰাকীয়ে । মঞ্চৰ পৰা দৰ্শকৰ কাষত উপস্থিত হৈ দৰ্শকৰ সৈতে নৃত্য কৰি ৰাইজক মুহিলে আঙুৰলতা ডেকাই ।

লগতে পঢ়ক: উপ-নিৰ্বাচনত পুত্ৰ পৰাজিত হোৱাৰ ভয়ত ৰকিবুল হুছেইন নাৰ্ভাছ হৈ পৰিছে : হিমন্ত বিশ্ব শৰ্মা