মাজুলীত হাহাকাৰ : সোমবাৰে নিশা ছিগিল মথাউৰি - Assam Flood 2024

মাজুলী, 1 জুলাই : আহাৰমহীয়া বানত বুৰ গৈছে মাজুলীৰ নৈপৰীয়া গাঁওসমূহ ৷ ঘৰৰ ভিতৰত একঁকাল, এবুকু পৰ্যন্ত পানী ৷ যোৱা কেবাদিনো ধৰি হৈ থকা নেৰানেপেৰা বৰষুণৰ ফলত বৃদ্ধি পাইছে ব্ৰহ্মপুত্ৰৰ জলস্তৰ ৷ ফলত বাঢ়নী পানীয়ে বুৰাই পেলাইছে মাজুলীৰ বিভিন্ন অঞ্চল ৷  

ইফালে ব্ৰহ্মপুত্ৰৰ বাঢ়নী পানীয়ে সোমবাৰে নিশা মাজুলীত উটুৱাই নিলে মথাউৰি ৷ ব্ৰহ্মপুত্ৰৰ বাঢ়নী পানীয়ে ছিগিলে মাজুলী আউনীআটী সত্ৰৰ সমীপৰ জুগুনধাৰী গাঁও আৰু বোকোৰা গাঁৱৰ মাজৰ মথাউৰি ৷ এই ঠাইত মথাউৰি ছিগাৰ ফলত আউনীআটী সত্ৰৰ লগতে মাজুলীলৈ বৃহৎ ভাবুকি আহি পৰিছে ৷ স্থানীয় ৰাইজৰ অভিযোগ অনুসৰি বিজ্ঞানসন্মতভাৱে মথাউৰি নিৰ্মাণ নকৰাৰ ফলতেই বহ্মপুত্ৰৰ বানে উটুৱাই নিলে মথাউৰিটো ৷ ইতিমধ্যে বহ্মপুত্ৰৰ পানীয়ে বুৰাই পেলাইছে মথাউৰিৰ ভিতৰৰ বহুকেইখন গাঁও ৷ কেবাটাও পৰিয়াল এতিয়াও আৱদ্ধ হৈ আছে বুলি জানিব পৰা গৈছে ৷

লগতে পঢ়ক : চৌদিশে প্ৰলয় : বলিয়া বানৰ বাবে বাতিল হ’ল বিবাহ অনুষ্ঠান - Assam Flood 2024