আচৰিত নহ'ব : 300 টকাত দুখনকৈ বাছ-এখন মটৰ চাইকেল - Lottery in Bongaigaon

বঙাইগাঁও, ২৭ এপ্ৰিল : কাৰ ভাগ্য় কেতিয়া উদয় হয় সেয়া কোনে জানে ? আজিৰ দুখীয়া লোকজনে হয়তো কাইলৈ লাখ টকাৰ গৰাকী হ'ব পাৰে । বঙাইগাঁৱৰ দিন হাজিৰা কৰা অমূল্য বৰ্মনেও আন দিনাৰ দৰে ঘৰৰ পৰা ওলাই যাওতে ভবাই নাছিল যে তেওঁ ১০০ টকাত ক্ৰয় কৰা এটা উপহাৰ কুপনে ভাগ্য সলনি কৰিব । যোৱা ২৫ এপ্ৰিলত অনুষ্ঠিত উপহাৰ কুপনৰ খেলত এই শ্ৰমিকজনে উপহাৰ কুপনৰ খেলৰ দিনাই ক্ৰয় কৰিছিল এটা টিকট । সিদিনা লক্ষ্মী দেৱী আছিল সুপ্ৰসন্ন । সেয়েহে তেওঁ সিদিনাই প্ৰথম পুৰস্কাৰ হিচাপে লাভ কৰিবলৈ সক্ষম হয় ৪৫ লাখ টকীয়া এখন আল্ট্ৰা বাছ ।

ইয়াৰ পিচতেই অমূল্য বৰ্মনে সংবাদমাধ্যমৰ আগত কয় যে এই বাছখন বিক্ৰী কৰি লাভ কৰা টকাৰে মাটি কিনাৰ লগতে ব্যৱসায় কৰিব । বঙাইগাঁও কেন্দ্ৰীয় ৰঙালী বিহু উদযাপন সমিতিৰ সৌজন্যত অনুষ্ঠিত কৰা হৈছিল এই উপহাৰ কুপনৰ খেল । এই খেলত মুঠ ১৫জনৰ ভাগ্য সলনি হয় । অমূল্য বৰ্মনৰ লগতে দোকানত কাম কৰা সুমন বৰ্মনেও লাভ কৰিলে আন এখন আলট্ৰা বাছ । সুমন বৰ্মনে লগতে লাভ কৰিলে বুক প্ৰাইজ গ্লেমাৰ বাইকো । অহা ১ মে'ত এই খেলৰ পুৰস্কাৰ সমূহ প্ৰদান কৰা হ'ব বুলি উদ্য়োক্তাসকলে সদৰী কৰিছে ।

লগতে পঢ়ক:দৃষ্টিহীন বিকাশ প্ৰশিক্ষণ কেন্দ্ৰক সহায়ৰ হাত ৰ'টাৰী ক্লাৱ গোলাঘাট এলিগেন্সৰ - Helping Hand