উপ-নিৰ্বাচনৰ প্ৰাকক্ষণত ধলাইত ৭ কোটি টকাৰ ড্ৰাগছ জব্দ

শিলচৰ: অসমৰ উপ-নিৰ্বাচন সমাগত । ৰাজ্যখনৰ ৫ টাকৈ সমষ্টিত ইতিমধ্যে নিৰ্বাচনৰ প্ৰচাৰ তীব্ৰতৰ কৰি ৰাখিছে প্ৰতিটো ৰাজনৈতিক দলে । তাৰ ভিতৰত অন্যতম কাছাৰৰ ধলাই সমষ্টি । উপ-নিৰ্বাচনক কেন্দ্ৰ কৰি সমষ্টিটোত কটকটীয়া নিৰাপত্তা গঢ়ি তোলা হৈছে । ঠায়ে ঠায়ে তালাচী চকী স্থাপন কৰা হৈছে । তেনে এক তালাচীৰ মাজতে আৰক্ষীয়ে জব্দ কৰিবলৈ সক্ষম হ'ল বৃহৎ পৰিমাণৰ ড্ৰাগছ ।

যোৱানিশা মিজোৰামৰ পৰা অহা এখন ট্ৰাকৰ পৰা আৰক্ষীয়ে জব্দ কৰে ড্ৰাগছখিনি । ধলাইৰ লায়লাপুৰত আৰক্ষীয়ে জব্দ কৰে ড্ৰাগছসহ ট্ৰাকখন । ৩০ টা চাবোনৰ বাকচত লুকুৱাই অনা হৈছিল প্ৰায় ৩৭৫ গ্ৰাম নিষিদ্ধ হেৰ'ইনখিনি । ২০ হাজাৰৰো অধিক নিচাজাতীয় টেবলেটো জব্দ কৰে আৰক্ষীয়ে । লগতে আৰক্ষীয়ে এজন সৰবৰাহকাৰীকো গ্ৰেপ্তাৰ কৰে । জব্দ হোৱা ড্ৰাগছখিনিৰ মূল্য প্ৰায় ৭ কোটি টকা হ'ব আৰক্ষীয়ে অনুমান কৰিছে ।

লগতে পঢ়ক :মুকুটে বিয়া পাতি কৰিলে আচৰিত কাণ্ড; হুচ উৰি গ’ল পত্নীৰ