পশ্চিম যোৰহাটত ড্ৰাগছসহ সৰৱৰাহকাৰীক আটক - Drugs Seized In Jorhat

যোৰহাট, ৫ মে: ৰাজ্য়ত আৰক্ষীয়ে ড্ৰাগছৰ বিৰুদ্ধে তীব্ৰ অভিযান চলাই আহিছে যদিও এই বেহা অব্য়াহত আছে । ইয়াৰ মাজতেই যোৰহাট সদৰ আৰক্ষী আৰু ভোগদৈ চকীৰ আৰক্ষীয়ে যৌথভাৱে অভিযান চলাই পশ্চিম যোৰহাটৰ খাজুৰীগুৰীত আজি ড্ৰাগছসহ এটা সৰৱৰাহকাৰীক আটক কৰে ।

ধৃত সৰৱৰাহকাৰীটো হৈছে যোৰহাট আৰক্ষী থানাৰ অন্তৰ্গত মাছৰহাটৰ মনজিত দাস । ড্ৰাগছ সৰৱৰাহকাৰী মনজিতে দেওবাৰে সৰু সৰু টেমাত ভৰাই খাজুৰীগুৰী অঞ্চলৰ একাংশ লোকক বিক্ৰী কৰিবলৈ যোৱাৰ সময়তেই আৰক্ষীয়ে আটক কৰিবলৈ সক্ষম হয় ।  

যুৱ প্ৰজন্মৰ মাজত মহামাৰী ৰূপে দেখা দিয়া বৰবিহস্বৰূপ ড্ৰাগছৰ বিৰুদ্ধে যোৰহাট আৰক্ষীয়ে অভিযান চলাই আহিছে যদিও একাংশই আৰক্ষীৰ চকুত ধূলি দি নিৰ্বিঘ্নে ড্ৰাগছ সৰবৰাহ কৰি আহিছে । 

লগতে পঢ়ক:মাজুলীত ড্ৰাগছসহ ৰাইজে আটক কৰিলে দুটাকৈ সৰবৰাহকাৰী - Drugs Seized In Majuli