প্ৰদূষণ ৰোধৰ বাৰ্তা বিলাই ভাতৃ-ভগ্নীৰ পদযাত্ৰা - Foot march across India

ৰঙিয়া,১১ জুন: দুই ভাতৃ-ভগ্নীৰ প্ৰশংসনীয় পদক্ষেপ । হাতত এটকাও নোহোৱাকৈ খোজকাঢ়ি কেদাৰনাথ, বৃন্দাবন আৰু নেপাল ভ্ৰমণৰ লক্ষ্যৰে ডেৰ বছৰীয়া পদযাত্ৰা ভাতৃ-ভগ্নীৰ । ২০ মে'ৰ পৰা লখিমপুৰৰ ঘিলামাৰাৰ পৰা আৰম্ভ কৰিছিল পদযাত্ৰা । এক মহান উদ্দেশ্যৰে যাত্ৰা আৰম্ভ কৰা ভাতৃ-ভগ্নীহাল মঙলবাৰে উপস্থিত হয় ৰঙিয়াত । জীৱনটোত আনে নকৰা কিবা এটা কৰাৰ দুৰ্বাৰ হেঁপাহ জিন্তু বৰুৱা আৰু দীপিকা চুতীয়াৰ ।  

কেইবাটাও উদ্দেশ্য লৈ আৰম্ভ কৰা যাত্ৰাত ৰাইজৰ যথেষ্ট সঁহাৰি লাভ কৰা বুলি উল্লেখ কৰে দুয়োয়ে । পৰিৱেশ প্ৰদূষণ, জৰুৰীকালীন সেৱাৰ বাহিৰে যান-বাহনৰ চলোৱা বন্ধ কৰি খোজকঢ়াৰ অভ্যাস গ্ৰহণ কৰা, উৎকট গৰমৰ পৰা ৰক্ষা পাবৰ বাবে গছ-গছনি ৰোপণ কৰাৰ বাৰ্তা প্ৰেৰণ কৰি আহিছে ভাতৃ ভগ্নীয়ে । গোটেই দিনটো খোজকাঢ়ি নিশাৰ ভাগত আশ্ৰয় লৈ জিৰণি লয় পুলিচ থানা আৰু পেট্ৰল পাম্পত । দুয়োৰে প্ৰচেষ্টাক আদৰণী জনাই ৰঙিয়াবাসীয়ে ।

লগতে পঢ়ক: A Tour All Over India On Foot: সমাজত সজাগতা অনাৰ উদ্দেশ্যে খোজকাঢ়ি ভাৰত ভ্ৰমণ দুই ভাতৃৰ