চামগুৰিৰ হদহদী জলপ্ৰপাতত যুৱকৰ মৃতদেহ উদ্ধাৰ - DEATH BY DROWNING

চামগুৰি,১২ মে': নগাঁও জিলাৰ চামগুৰিৰ অন্তৰ্গত হদহদী জলপ্ৰপাতত জলকেলী কৰি নিৰুদ্দেশ হোৱা কিশোৰৰ মৃতদেহ উদ্ধাৰ । চামগুৰি এছ ডি আৰ এফ বাহিনীয়ে উদ্ধাৰ কৰে কিশোৰজনৰ মৃতদেহটো । চামগুৰিৰ লুং চুংস্থিত হদহদী জলপ্ৰপাতত জলকেলী কৰি থকা অৱস্থাতে সন্ধানহীন হৈছিল নগাঁৱৰ ইছলামপট্টিৰ মাহীন হুছেইন নামৰ কিশোৰটি । আন চাৰিগৰাকী কিশোৰৰ সৈতে হদহদী জলপ্ৰপাতত গা-ধুবলৈ অহাৰ সময়তে হঠাৎ সন্ধানহীন পৰে মাহীন হুছেইন ।  

দেওবাৰে দিনৰ ২ মান বজাত উক্ত ঘটনা সংঘটিত হোৱাৰ পাছতে পৰৱৰ্তী সময়ছোৱাত চামগুৰি আৰক্ষী তথা এছ ডি আৰ এফ বাহিনী উপস্থিত হৈ উদ্ধাৰ অভিযান চলাই মাহীনৰ মৃতদেহ উদ্ধাৰ কৰিবলৈ সক্ষম হয় । মন কৰিবলগীয়া বিষয়টো হ'ল যে পূৰ্বেও হদহদী জলপ্ৰপাত জলকেলী কৰি আঠ জন যুৱকে মৃত্যুক সাৱটি ল’বলগীয়া হৈছিল । কিন্তু বৰ্তমান সময়লৈকে জিলা প্ৰশাসনে কোনোধৰণৰ সুৰক্ষামূলক ব্যৱস্থা গ্ৰহণ কৰা পৰিলক্ষিত নহ'ল । ইয়াকে লৈ উদ্বিগ্নতা প্ৰকাশ কৰিছে স্থানীয় লোকে ।

লগতে পঢ়ক: পুখুৰীত উদ্ধাৰ তিনিদিনে নিৰুদ্দেশ হৈ থকা কিশোৰৰ মৃতদেহ - Teenagers DIES BY DROWNING