লোকসভা নিৰ্বাচনৰ পূৰ্বে চৰাইদেউত বিজেপিত যোগদান শতাধিক কংগ্ৰেছ নেতা-কৰ্মীৰ

ডিব্ৰুগড়, 3 মাৰ্চ : লোকসভা নিৰ্বাচনক লৈ ব্যাপক প্ৰস্তুতি চলাইছে শাসক-বিৰোধী সকলো ৰাজনৈতিক দলে ৷ বিজেপিৰ বিৰুদ্ধে ৰাজ্যত গঠন হোৱা বিৰোধী ঐক্যত অন্তৰ্ভুক্ত দলসমূহেও সমষ্টিয়ে সমষ্টিয়ে সাংগঠনিক কাম-কাজ তীব্ৰ গতিত চলাই নিয়া পৰিলক্ষিত হৈছে ৷  

ইয়াৰ মাজতে লোকসভা নিৰ্বাচনৰ পূৰ্বে চৰাইদেউত কংগ্ৰেছ দলত মোক্ষম আঘাত ৷ আজি চৰাইদেউত শতাধিক কংগ্ৰেছ নেতা-কৰ্মীয়ে আনুষ্ঠানিকভাৱে বিজেপি দলত যোগদান কৰে ৷ চৰাইদেউ জিলা যুৱ কংগ্ৰেছৰ উপ-সভাপতি ৰাকেশ চেতিয়াসহ শতাধিক কংগ্ৰেছ কৰ্মীয়ে যোগদান কৰিলে বিজেপি দলত ৷ 

মৰাণত অনুষ্ঠিত এই যোগদান কাৰ্যসূচীত ৰাজ্য চৰকাৰৰ মন্ত্ৰী তথা মাহমৰা সমষ্টিৰ বিধায়ক যোগেন মহনৰ উপস্থিতিত কংগ্ৰেছ কৰ্মীসকলে আনুষ্ঠানিকভাৱে যোগদান কৰে বিজেপি দলত ৷ কংগ্ৰেছ কৰ্মীসকলক বিজেপি লৈ আদৰণি জনাই চৰাইদেউ জিলাত লোকসভা নিৰ্বাচনৰ পূৰ্বে বিৰোধী শূন্য হ'ব বুলি মন্তব্য কৰে মন্ত্ৰী যোগেন মহনে ৷

লগতে পঢ়ক : নগাঁৱৰ নিৰ্বাচনী যুঁজখন হ’ব ত্ৰিকোণীয়া :বিজেপি বিধায়ক ৰূপক শৰ্মা