লুৰীণজ্যোতি গগৈক পৰাজিত নায়ক আখ্যা ভৱেশ কলিতাৰ

ডিব্ৰুগড়, 6 মাৰ্চ : বুধবাৰে ভাৰতীয় জনতা পাৰ্টীৰ চৰাইদেউ জিলা সমিতিৰ মুখ্য কাৰ্যালয়ত উপস্থিত হয় অসম ৰাজ্যিক বিজেপিৰ সভাপতি ভৱেশ কলিতা । প্ৰধানমন্ত্ৰী নৰেন্দ্ৰ মোদীৰ অসম ভ্ৰমণক লৈ চৰাইদেউ জিলা বিজেপিৰ কাৰ্যালয়ত পৰ্যালোচনা সভাত অংশগ্ৰহণ কৰে সভাপতি গৰাকীয়ে ৷

এই অনুষ্ঠানত অংশগ্ৰহণ কৰি কেইবাটাও গুৰুত্বপূৰ্ণ মন্তব্য কৰে ভৱেশ কলিতাই । "অসম জাতীয় পৰিষদৰ সভাপতি লুৰীণজ্যোতি গগৈ পৰাজিত নায়ক । বেচেৰাই আৰু কিমান হাৰিব", এই মন্তব্য বিজেপিৰ সভাপতি ভৱেশ কলিতাৰ । ৰাজ্যত কংগ্ৰেছকে ধৰি বিৰোধী ৰাজনৈতিক দল তছনছ হৈ গ’ল ৷ আদৰ্শ নথকা তথা দেশক আগবঢ়াই নিবলৈ কোনো পৰিকল্পনা নথকা বিৰোধী দলক ৰাইজে লগ এৰা দিছে বুলি মন্তব্য কৰে ভৱেশ কলিতাই । আনহাতে আইনত ৰূপান্তৰিত হোৱা ‘কা’ আদালতে যদি বাতিল কৰে তেন্তে বাতিল হ’ব বুলিও তেওঁ উল্লেখ কৰে ।

লগতে পঢ়ক : ফটা বাঁহৰ দৰে কংগ্ৰেছৰ এলায়েঞ্চ, কেতিয়াও জোৰা নালাগে : ভৱেশ কলিতা