মদিনাত পুনৰ অসমৰ হজযাত্ৰীৰ মৃত্যু - Assam Pilgrims Died In Medina

মাণিকপুৰ, ২৯ জুলাই: ছৌদি আৰৱৰ মদিনাত পুনৰ অসমৰ এজন হজযাত্ৰীৰ মৃত্যু । মৃত হজযাত্ৰীজনৰ ঘৰ চিৰাং জিলাৰ বাসুগাঁও আৰক্ষী থানাৰ অন্তগৰ্ত চৰাইগাঁৱত । আব্দুৰ ৰহিম প্ৰামাণিক নামৰ হজযাত্ৰীজন বিগত কিছুদিন ধৰি ৰোগত আক্ৰান্ত হৈ চিকিৎসালয়ত চিকিৎসাধীন হৈ আছিল ৷  

উল্লেখ্য যে হজযাত্ৰীজনে যোৱা মে'ত গুৱাহাটীৰ পৰা মক্কালৈ হজ কৰিবলৈ গৈছিল ৷ ইয়াৰ পিচতেই হজযাত্ৰীজনৰ শাৰীৰিক অৱস্থাৰ অধিক অৱনতি ঘটাত ছৌদি চৰকাৰৰ তত্ত্বাৱধানত বিগত এমাহ মদিনাৰ আল-আহমেদীয়া চিকিৎসালয়ত চিকিৎসাধীন হৈ আছিল । কালি চিকিৎসাধীন অৱস্থাত হজযাত্ৰীজনৰ মৃত্য়ু হয় ৷ তেওঁৰ মৃত্যুত মদিনাত আলহাজ আব্দুল হাইৰ তত্ত্বাৱধানত চলি থকা আল আমিনা ট্যুৰছ ট্ৰেভেলছৰ ওমৰাহ হজযাত্ৰী সকলে নববী মছজিদত আল্লাহৰ ওচৰত দোৱা কৰে ৷

লগতে পঢ়ক:মক্কাত পুনৰ অসমৰ হজযাত্ৰীৰ মৃত্যু