নিৰ্বাচনৰ পূৰ্বেই ডিব্ৰুগড় লোকসভা সমষ্টিত বিজেপিৰ প্ৰথম পৰাজয়: লুৰীণজ্যোতি গগৈ

তিনিচুকীয়া, ১৪ মাৰ্চ : লোকসভা নিৰ্বাচনৰ পূৰ্বে বিজেপি দলে ডিব্ৰুগড় সমষ্টিত প্ৰথম পৰাজয় সাব্যস্ত কৰিছে । এই মন্তব্য অসম জাতীয় পৰিষদৰ সভাপতি তথা দলৰ সম্ভাব্য ডিব্ৰুগড় সমষ্টিৰ প্ৰাৰ্থী লুৰীণজ্যোতি গগৈৰ । তিনিচুকীয়াৰ ফিল'বাৰীৰ ভিতৰুৱা তৰাণী গাঁৱত বুধবাৰে উপস্থিত হৈ এই মন্তব্য কৰে নেতাগৰাকীয়ে । লুৰীণজ্যোতিৰ মতে পূৰ্বৰ সাংসদ তথা কেন্দ্ৰীয় ৰাজ্যিক মন্ত্ৰীগৰাকীৰ দলীয় টিকট কৰ্তন কৰি দলে আন এগৰাকীক ডিব্ৰুগড়ৰ পৰা প্ৰাৰ্থিত্ব প্ৰদান কৰিছে ।

ডিব্ৰুগড় লোকসভা সমষ্টিত ১০ গৰাকী বিধায়ক, ৰাজ্য চৰকাৰৰ দুগৰাকী মন্ত্ৰী, দুগৰাকী কেন্দ্ৰীয় মন্ত্ৰী, ৪২ লাখ কৰ্মকৰ্তা থকাৰ পিচতো বিজেপিয়ে কিয় ভয় খাইছে বুলি লুৰীণজ্যোতি গগৈয়ে প্ৰশ্ন কৰে । ইফালে দুই-এদিনতেই অসম জাতীয় পৰিষদৰ তৰফৰ পৰাও দলৰ প্ৰাৰ্থীৰ তালিকা প্ৰকাশ কৰা হ'ব বুলি তেওঁ ঘোষণা কৰে  ৷ গগৈৰ মতে কংগ্ৰেছৰ লগতে বিৰোধী ঐক্যমঞ্চৰ দলসমূহৰ শীৰ্ষ নেতৃত্বৰ সৈতে নিৰ্বাচনী ৰণনীতি সম্পৰ্কীয় আলোচনা সম্পন্ন হৈছে ৷

লগতে পঢ়ক :কোকৰাঝাৰ লোকসভা সমষ্টিৰ বাবে প্ৰাৰ্থীৰ নাম ঘোষণা ইউ পি পি এলৰ