মাজুলীত বন বিভাগৰ ৰেড এলাৰ্ট; গঁড় বিচাৰি বন বিভাগৰ অভিযান
![ETV Bharat Assamese Team](https://etvbharatimages.akamaized.net/etvbharat/prod-images/authors/assam-1716535099.jpeg?imwidth=128)
Published : Feb 26, 2024, 10:23 AM IST
![ETV Thumbnail thumbnail](https://etvbharatimages.akamaized.net/etvbharat/prod-images/26-02-2024/640-480-20841808-thumbnail-16x9-majuli.jpg)
মাজুলী, 26 ফেব্ৰুৱাৰী : মাজুলীত বন বিভাগে জাৰি কৰিছে ৰেড এলাৰ্ট । বিগত মঙলবাৰে গঁড়ৰ আক্ৰমণত এজন লোকৰ মৃত্যু হোৱাৰ পাচতেই তৎপৰ হৈছে মাজুলীৰ বন বিভাগ । বিয়লি ভাগত চাপৰি অঞ্চলৰ ৰাইজে যাতে বাহিৰত ঘূৰা ফুৰা নকৰে আৰু পুৱাৰ ভাগত সোনকালে ঘৰৰ পৰা বাহিৰ নহয় তাৰ বাবে মাজুলীবাসীক আহ্বান জনাইছে বন বিভাগে ।
অৱশ্যে বন বিভাগৰ এই আহ্বানৰ প্ৰতি কোনো গুৰুত্ব নিদি বাহিৰত ঘূৰি ফুৰিছে একাংশ লোক । বন বিভাগৰ আহ্বান, ‘‘এনে কাম যাতে ভুলটো কোনেও নকৰে ৰাইজে ।’’ ইফালে দিনৰ ভাগতো বন কৰ্মীয়ে চাপৰিৰ মাজত গঁড়ৰ সন্ধান অব্যাহত ৰাখিছে ৷ নিশাৰ ভাগত জনাঞ্চলত যাতে গঁড়ে প্ৰৱেশ কৰিব নোৱাৰে তাৰ বাবে পহৰাৰ ব্যৱস্থা কৰিছে মাজুলীৰ বন বিভাগে ।
বন বিভাগৰ আহ্বান যোৱা মঙলবাৰৰ ঘটনাৰ যাতে পুনৰাবৃত্তি নহয়, তাৰ বাবে সাধাৰণ লোকসকল সাৱধান হ’বলৈ বাৰম্বাৰ আহ্বান জনাইছে মাজুলীৰ বন বিভাগে ।
লগতে পঢ়ক : কিবা এটা হোৱাৰ পিচতহে কিয় গা লৰে কৰ্তৃপক্ষৰ ?