কাজিৰঙা বিশ্ববিদ্যালয়ৰ ছাত্ৰ ৰহস্যজনকভাৱে সন্ধানহীন - Student missing

যোৰহাট, 29 আগষ্ট: যোৰহাটত ৰহস্যজনকভাৱে সন্ধানহীন হৈছে কাজিৰঙা বিশ্ববিদ্যালয়ৰ এজন ছাত্র । যোৱা বুধবাৰৰ পৰা সন্ধান নাই যোৰহাট কাজিৰঙা বিশ্ববিদ্যালয়ৰ ছাত্র হিমজ্যোতি দাসৰ । হিমজ্যোতিৰ ঘৰ বৰপেটাৰ সৰভোগত । বি-টেক চিভিলৰ পঞ্চম ষান্মাসিকৰ ছাত্রজন সন্ধানহীন হোৱা সম্পৰ্কে ইতিমধ্যে পৰিয়ালৰ লোকে পুলিবৰ থানাত দাখিল কৰিছে এজাহাৰ । আৰক্ষীৰ প্ৰাৰম্ভিক তদন্তত ওলাইছে বহু বিস্ফোৰক তথ্য । 

মঙলবাৰে বিশ্ববিদ্যালয়ৰ সমীপৰ ঢাপকটা অঞ্চলৰ সহপাঠীৰ ৰূমত নিশা কটোৱাৰ পাছত বুধবাৰে দুপৰীয়াৰ পৰাই ৰহস্যজনকভাৱে সন্ধানহীন হয় হিমজ্যোতি দাস । হোষ্টেলৰ একাংশ ছাত্ৰৰ পৰা লক্ষাধিক টকা ধাৰ লৈ অনলাইন জুৱাত সৰ্বশ্ৰান্ত হোৱাৰ ভয়ংকৰ অভিযোগ উঠিছে হিমজ্যোতি দাসৰ বিৰুদ্ধে ৷ অভিভাৱকৰ মতে ধাৰে লোৱা টকাৰ বাবে ভাবুকিৰ সন্মুখীন হৈছিল হিমজ্যোতি । বিশ্ববিদ্যালয়খনৰ ভিতৰভাগত চলা এনে অনলাইন জুৱাৰ ঘটনাকেই একমাত্ৰ কাৰণ হিচাপে লৈ যোৰহাট আৰক্ষীয়ে বৰ্তমান তদন্ত আৰম্ভ কৰিছে । 

লগতে পঢ়ক: উদণ্ড যুৱকৰ প্ৰহাৰত প্ৰাণ গ’ল গীটাৰিষ্ট জিয়াউৰ ৰহমানৰ - Veteran guitarist Jiyaur Rahman