খৰি বিচাৰি যোৱা মহিলাক ডিঙি ৰেপি হত্যা কৰিলে যুৱকে - GOLAGHAT MURDER

গোলাঘাট, 16 জুন : গোলাঘাটৰ ৰঙাঘাট অঞ্চলত এজন যুৱকে ডিঙি কাটি হত্যা কৰিলে এগৰাকী মহিলাক ৷ এই হত্যাকাণ্ডক কেন্দ্ৰ কৰি উত্তপ্ত পৰিস্থিতিৰ সৃষ্টি হয় কমাৰগাঁও আৰক্ষী থানাত ৷ বাগিচাত খৰি বিচাৰি যোৱা এগৰাকী মহিলাক অঞ্চলটোৰ এজন যুৱকে ডিঙি কাটি হত্যা কৰাৰ অভিযোগ উত্থাপন হৈছে ৷ ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰি মৰোণোত্তৰ পৰীক্ষাৰ বাবে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়লৈ প্ৰেৰণ কৰে ৷

আৰক্ষীয়ে এই হত্যাকাণ্ডৰ লগত জড়িত এজন যুৱকক আটক কৰিছে ৷ ইফালে ৰঙাঘাট অঞ্চলৰ ৰাইজে কমাৰগাঁও আৰক্ষী থানাত উপস্থিত হৈ দোষীক কঠোৰ শাস্তি বিহাৰ দাবীত এক উত্তপ্ত পৰিস্থিতিৰ সৃষ্টি কৰে ৷ অৱশ্য কি কাৰণত যুৱকজনে মহিলাগৰাকীক হত্যা কৰিলে সেয়া বৰ্তমানলৈকে জানিব পৰা হোৱা নাই ৷

লগতে পঢ়ক : ছাত্ৰীৰ ৰহস্য়জনক মৃত্যু: অভিযুক্ত জোৱানক গ্ৰেপ্তাৰ নকৰাত কাকপথাৰ আৰক্ষী থানা ঘেৰাও ক্ষুব্ধ ৰাইজৰ - Mysterious death of student