ভয়ংকৰ পথ দুৰ্ঘটনা : ১ জন মৃত্যু, ৬ জন আহত - Road accident

তেজপুৰ, 17 জুন : শোণিতপুৰৰ চাৰিদুৱাৰত ভয়ংকৰ পথ দুৰ্ঘটনা । ভালুকপুঙৰ পৰা বালিপৰাৰ অভিমুখে আহি থকা AS 12 E 9543 নম্বৰৰ টেম্পুখনে পথৰ দাঁতিত ৰখাই থোৱা এখন ট্ৰেক্টৰৰ পিচফালে খুন্দিওৱাৰ ফলত থিতাতে নিহত হয় টেম্পুখনত থকা এজন যুৱক । আনহাতে আহত হয় 6 জনকৈ আৰোহী ।

জানিব পৰা মতে, টেম্পুখনত থকা আৰোহীকেইজন ভালুকপুঙৰ পৰা বনভোজ খাই উভতি আহি আছিল । ইফালে, ট্ৰেক্টৰখনে অবৈধভাৱে বালি কঢ়িয়াই আনি আছিল বুলি জানিব পৰা গৈছে । মৃত যুৱকজনৰ নাম জোন কলিতা । ইফালে আহতকেইগৰাকী হৈছে গৌতম দাস, দীপাংকৰ দাস, লুকুমনি ডেকা, সুশীল বৰা, দিগন্ত দাস আৰু নয়নজ্যোতি দাস । আটাইকেইজনক অতি সংকটজনক অৱস্থাত তেজপুৰলৈ প্ৰেৰণ কৰা হৈছে ৷

লগতে পঢ়ক : গন্তব্যস্থান নাপালেগৈ, আদবাটতে যমে ভেটিলে বাট - Road accident