নিউজ ডেস্ক, 30 আগষ্ট: যদিও এতিয়া মানুহে স্মাৰ্টফোনত 5G নেটৱৰ্ক সেৱা লাভ কৰিছে, কিন্তু দেশৰ বহু ঠাইত এতিয়াও লেহেমীয়া ইন্টাৰনেটৰ সমস্যা আছে । ইয়াৰ বাহিৰেও কেতিয়াবা ফোনটোৰ বাবে দ্ৰুত ইন্টাৰনেট ব্যৱহাৰ কৰাত সমস্যাৰ সৃষ্টি হয় । এনে পৰিস্থিতিত আপুনি ভিডিঅ’ ষ্ট্ৰীমিং, ছ’চিয়েল মিডিয়া ব্ৰাউজিং বা আনকি যাতায়তৰ সময়ত কাম কৰাৰ সময়তো বহু অসুবিধাৰ সন্মুখীন হয় ।
স্মাৰ্টফোনত ইণ্টাৰনেট লেহেমীয়া হোৱাৰ বহু কাৰণ থাকিব পাৰে ৷ পুৰণি চফট্ ৱেৰৰ পৰা বেকগ্ৰাউণ্ড এপলৈকে যিকোনো কাৰণৰ বাবে ইণ্টাৰনেটৰ গতি লেহেমীয়া হৈ পৰিব পাৰে । অৱশ্যে বহু উপায় আছে যাৰ সহায়ত আপুনি আপোনাৰ স্মাৰ্টফোনৰ ইণ্টাৰনেট সেৱা উন্নত কৰিব পাৰে । ইয়াত আমি আপোনালোকক এনে কিছুমান কৌশলৰ বিষয়ে ক’ম, যাৰ সহায়ত আপুনি আপোনাৰ ফোনটোৰ ইণ্টাৰনেটৰ গতি বৃদ্ধি কৰিব পাৰে ।
1) ফোনটো পুনৰ আৰম্ভ কৰক: সময়ৰ লগে লগে আপোনাৰ ফোনটোৱে চফ্টৱেৰৰ গ্লিচৰ সন্মুখীন হ’ব পাৰে যাৰ ফলত ই লেহেমীয়া হ’ব পাৰে । ফোনটোৰ চফটৱেৰ অবিৰতভাৱে চলি থাকিলেও বিজুতি ঘটিব পাৰে । আপুনি চফ্টৱেৰটো সতেজ কৰিবলৈ আপোনাৰ ফোনটো পুনৰাৰম্ভ কৰিব পাৰে ।
2) বেকগ্ৰাউণ্ড এপ বন্ধ কৰক: বহু সময়ত বহু এপ আপোনাৰ ফোনটোৰ বেকগ্ৰাউণ্ডত চলি থাকে, যিয়ে আপোনাৰ ফোনৰ বহু ডাটা খৰচ কৰে । ইয়াৰ ফলত আপোনাৰ ফোনটোৰ ইণ্টাৰনেট লেহেমীয়া হৈ পৰিব পাৰে । ডাটা চেভ কৰিবলৈ আৰু ইণ্টাৰনেটৰ গতি বৃদ্ধি কৰিবলৈ আপুনি ব্যৱহাৰ নকৰা এপবোৰ বন্ধ কৰিব লাগে ।
3) এড ব্লকাৰৰ ব্যৱহাৰ: স্মাৰ্টফোনত বহু ধৰণৰ এড পপ-আপ যেনে ছবি আৰু লিংক দেখা দি থাকে, এইবোৰৰ বাবেও আপোনাৰ স্মাৰ্টফোনৰ ডাটা শেষ হৈ যায় আৰু ইণ্টাৰনেটৰ গতি লেহেমীয়া হয় । এই বিজ্ঞাপনসমূহ বন্ধ কৰিবলৈ আপুনি এড ব্লকাৰ এপ ব্যৱহাৰ কৰিব পাৰে । গুগল প্লে ষ্ট’ৰত আপুনি বহু ধৰণৰ এড ব্লকাৰ এপ পাব, যাৰ ভিতৰত আপুনি এটা উন্নত এপ বাছি ল’ব পাৰিব ।
4) চফট্ ৱেৰ আপডেটৰ বাবে পৰীক্ষা কৰা: আপোনাৰ নেটৱৰ্ক শক্তিশালী হোৱাৰ পাচতো পুৰণি চফ্টৱেৰৰ বাবেও আপোনাৰ ফোনটোৰ পৰিৱেশন বেয়া হোৱাৰ এটা সাধাৰণ কাৰণ হ’ব পাৰে । সেয়েহে আপুনি সদায় চফট্ ৱেৰ বা এপ আপডেটৰ ওপৰত চকু ৰাখিব লাগে আৰু উন্নত প্ৰদৰ্শনৰ বাবে তৎক্ষণাত ইনষ্টল কৰিব লাগে ।
5) অন্য নে'টৱৰ্কৰ সৈতে সংযোগ কৰক: যদি আপোনাৰ বৰ্তমান নে'টৱৰ্কে লেহেমীয়া গতি প্ৰদান কৰিছে, অন্য নে'টৱৰ্কৰ সৈতে সংযোগ কৰিবলৈ চেষ্টা কৰক, যেনে এটা ৰাজহুৱা ৱাই-ফাই হটস্পট বা চেলুলাৰ নে'টৱৰ্ক । ই আপোনাৰ সমস্যাটো আপোনাৰ ফোনত আছে নে আপোনাৰ নেটৱৰ্কৰ সৈতে আছে সেইটো চিনাক্ত কৰাত সহায় কৰিব পাৰে ।
6) আপোনাৰ কেচ আৰু কুকীজ পৰিষ্কাৰ কৰক: সময়ৰ লগে লগে আপোনাৰ ফোনটোৱে এপসমূহৰ পৰা ডাটা জমা কৰি থাকে, যিয়ে আপোনাৰ নেটৱৰ্ককো প্ৰভাৱিত কৰে আৰু ইণ্টাৰনেটৰ গতি লেহেমীয়া কৰে । আপোনাৰ কেচ আৰু কুকীজ পৰিষ্কাৰ কৰিলে ফোনটোৰ ইণ্টাৰনেটৰ গতি উন্নত হ’ব পাৰে । ইয়াৰ বাবে Settings > Apps & notifications > See all apps. তাৰ পিছত, এটা app ত ক্লিক কৰক আৰু খোলক Storage & Cache > Clear cache and Clear storage.
7) এটা VPN ব্যৱহাৰ কৰক: যদিও VPN সমূহে আপোনাৰ ইণ্টাৰনেটৰ গতি লেহেমীয়া কৰে বুলি ভবা হয়, কিছুমান ক্ষেত্ৰত, ই আপোনাৰ ট্ৰেফিক এনক্ৰিপ্ট কৰি আৰু সুৰক্ষিত চাৰ্ভাৰৰ জৰিয়তে ইয়াক ৰাউট কৰি আপোনাৰ ইণ্টাৰনেটৰ গতি উন্নত কৰিব পাৰে । ই কেতিয়াবা অধিক সুস্থিৰ আৰু দ্ৰুত সংযোগ প্ৰদান কৰিব পাৰে ।
8) সৰ্বোচ্চ ডাটা লোডিং বিকল্প: এণ্ড্ৰইড ফোনত বেতাঁৰ আৰু নেটৱৰ্ক ছেটিংছৰ অধীনত ‘GPRS to Data Prefer’ নামৰ এটা বৈশিষ্ট্য প্ৰদান কৰা হয় । ইয়াক সৰ্বাধিক ডাটা লোডিং বিকল্প বুলিও কোৱা হয় । ই আপোনাৰ ফোনক প্ৰতিটো চাইটত অধিক ডাটা ডাউনলোড কৰাৰ অনুমতি দিয়ে, ইণ্টাৰনেটৰ গতি বৃদ্ধি কৰে আৰু ব্ৰাউজাৰ লোডৰ সময় উন্নত কৰে ।
