নিউজ ডেস্ক, 27 ছেপ্টেম্বৰ: ফেচবুকে বাৰ্ষিক অনুষ্ঠান মেটা কানেক্ট 2024 ত কেইবাটাও নতুন সামগ্ৰী মুকলি কৰিছে ।ইয়াৰ লগতে কোম্পানীটোৱে এআই মডেল লামাৰ এডভান্স সংস্কৰণো মুকলি কৰিছে । ইয়াৰ লগতে কোম্পানীটোৱে মিক্সড ৰিয়েলিটি আৰু অগমেণ্টেড ৰিয়েলিটি ডিভাইচো প্ৰৱৰ্তন কৰিছে । ইয়াত জেনেৰেটিভ এআই মডেল প্ৰদান কৰা হৈছে । মেটা কানেক্ট 2024 ত মুকলি কৰা সামগ্ৰীসমূহ---
মেটা কুৱেষ্ট 3S : মেটাৰ শেহতীয়া হেডছেট Meta Quest 3S মুকলি কৰা হৈছে । কোম্পানীটোৱে এই ডিভাইচটো 299.99 ডলাৰত মুকলি কৰিছে । কোম্পানীটোৱে নতুন Quest 3S ৰ ডিজাইনত বিশেষ পৰিৱৰ্তন কৰা নাই যদিও ইয়াত বহুতো নতুন বৈশিষ্ট্য অন্তৰ্ভুক্ত কৰা হৈছে । ইয়াৰ লগতে মেটা হৰাইজন অ’ এছও উন্নীত কৰা হৈছে । এতিয়া ই ইউটিউব, ফেচবুক আৰু ইনষ্টাগ্ৰাম এপসমূহক ভালদৰে সমৰ্থন কৰিব ।
Here’s a sneak peek at Meta’s new small form glasses, called Orion. They’re fully standalone and feature eye, hand, and even neural tracking. Can’t wait to try these! pic.twitter.com/gIN2NOllMW
— Nathie @ Meta Connect (@NathieVR) September 25, 2024
মেটা কুৱেষ্ট 3: মেটা কুৱেষ্ট 3 এছ মুকলি কৰাৰ পিছত মেটাই মেটা কুৱেষ্ট 3 ৰ মূল্য হ্ৰাস কৰিছে । 512 GB ষ্ট’ৰেজৰ সৈতে মেটা কুৱেষ্ট 3 ৰ এতিয়া আৰম্ভণিৰ মূল্য 499.99 ডলাৰত ক্ৰয় কৰিব পাৰিব । কোম্পানীটোৱে ইয়াক 649.99 ডলাৰত মুকলি কৰিছিল ।
মেটা অৰিয়ান এ আৰ প্ৰ’ট’টাইপ গ্লাছ: মেটাই মুকলি কৰিছে এ আৰ চশমা । কোম্পানীটোৱে এই প্ৰ’ট’-ডিভাইচটোৰ নাম অৰিয়ান ৰাখিছে । মেটাই কয় যে মেটা অৰিয়ান চশমাৰে এটা বৃহৎ হ’ল’গ্ৰাফিক ডিছপ্লেত 2D আৰু থ্ৰীডিৰ অভিজ্ঞতা লাভ কৰিব পাৰি । মেটাৰ এই চশমাবোৰ লঘু আৰু আৰামদায়ক ডিজাইনৰ সৈতে মুকলি কৰা হ’ব ।
Get more details and pre-order here: https://t.co/kylKxQYPjQ
— Meta (@Meta) September 25, 2024
ৰে-বেন মেটা স্মাৰ্ট চশমা আপডেট: মেটা ৰে-বেন স্মাৰ্ট চশমা এটা অতি জনপ্ৰিয় সামগ্ৰী । ইয়াত কোম্পানীয়ে অধিক বৈশিষ্ট্য প্ৰদান কৰিছে । এতিয়া ব্যৱহাৰকাৰীয়ে মেটা গ্লাছৰ পৰা হোৱাটছএপ আৰু মেচেঞ্জাৰত মেছেজ প্ৰেৰণ কৰিব পাৰিব । এইক্ষেত্ৰত ভিডিঅ’ৰ ব্যৱস্থাও শীঘ্ৰে প্ৰৱৰ্তন হ’ব ।
লামা 3.2 এআই মডেল: মেটাই লামা 3.2 সৰু আকাৰৰ এআই মডেল আৰু এলএলএমসমূহৰ মজলীয়া আকাৰৰ সংস্কৰণ (11B আৰু 90B) প্ৰৱৰ্তন কৰে । এই AI সমূহে মোবাইলত সহজে কাম কৰিব বুলিও মেটাই কয় । এই মডেলসমূহ ভি আৰ, ৰবটিক্স আৰু আৰু অন্যান্য ঠাইতো ব্যৱহাৰ কৰিব পাৰি বুলি মেটাই কয় ৷
