নিউজ ডেস্ক, 8 অক্টোবৰ: জনপ্ৰিয় ছ’চিয়েল মিডিয়া প্লেটফৰ্ম ইনষ্টাগ্ৰামৰ সেৱা 8 অক্টোবৰৰ দিনা পুনৰ বন্ধ হৈ পৰিছে । হঠাতে বহু ব্যৱহাৰকাৰীয়ে এই এপটো ব্যৱহাৰ কৰিব পৰা নাই । মানুহে ছ’চিয়েল মিডিয়া আৰু বিভিন্ন ৱেবছাইটৰ বিজুতি নিৰীক্ষণ কৰা ৱেবছাইট ডাউনডিটেক্টৰত ইনষ্টাগ্ৰাম ডাউন হোৱাৰ কথাও প্ৰকাশ কৰিছে ।
পোষ্ট কৰিব নোৱাৰা সমস্যাৰ সন্মুখীন: জানিব পৰা মতে, স্মাৰ্টফোন আৰু ৱেব ফৰ্মেটত এপ্লিকেচনটো ব্যৱহাৰ কৰাৰ সময়ত ব্যৱহাৰকাৰীয়ে সমস্যাৰ সন্মুখীন হৈছে । মাইক্ৰ’ব্লগিং প্লেটফৰ্ম X ত ব্যৱহাৰকাৰীসকলেও ইনষ্টাগ্ৰাম ডাউন বুলি ৰিপ’ৰ্ট কৰিছে । ব্যৱহাৰকাৰীসকলে অভিযোগ তুলি কয়, "কোনো ৰিল বা পোষ্ট নোখোলে । আমি যেতিয়া এপ্লিকেচনটো খোলো, তেতিয়া ডিছপ্লেত ‘ক্ষমা কৰিব, কিবা এটা ভুল হ’ল’ বুলি লিখা দেখিবলৈ পোৱা যায় ।
নচলাৰ অভিযোগ: আনহাতে, বহু ব্যৱহাৰকাৰীয়ে কয় যে তেওঁলোকৰ ইনষ্টাগ্ৰাম চলি থাকে । কিন্তু মাজতে নচলা হৈ যোৱাৰ দৰে সমস্যাৰ সন্মুখীন হৈছে । অৱশ্যে ইনষ্টাগ্ৰাম আৰু ইয়াৰ মূল কোম্পানী মেটাই এই সন্দৰ্ভত কোনো আনুষ্ঠানিক তথ্য প্ৰকাশ কৰা নাই । ইনষ্টাগ্ৰাম ডাউন হোৱাৰ লগে লগে ছ’চিয়েল মিডিয়া মিম তথা হাস্যৰসিকৰ পোষ্টেৰে ভৰি পৰা দেখিবলৈ পোৱা গৈছে ।
স্বয়ংক্ৰিয়ভাৱে লগ আউট: প্ৰায় হাজাৰ ব্যৱহাৰকাৰীয়ে ডাউনডিটেক্টৰত ইনষ্টাগ্ৰাম ডাউন বুলি ৰিপ’ৰ্ট কৰিছে । এই ইনষ্টাগ্ৰাম বিজুতিৰ সমস্যাটো দুপৰীয়া 12 বজাৰ ভিতৰত সংঘটিত হয় । ব্যৱহাৰকাৰীয়ে তেওঁলোকৰ অভিযোগত উল্লেখ কৰিছে, "ইনষ্টাগ্ৰাম ব্যৱহাৰ কৰিব পৰা নাই ।" আনহাতে, একাংশ ব্যৱহাৰকাৰীয়ে ৰিপৰ্ট কৰিছে যে এপ্লিকেচনসমূহ স্বয়ংক্ৰিয়ভাৱে লগ আউট হৈছে ।
ডাউনডিটেক্টৰৰ তথ্য অনুসৰি 64%তকৈ অধিক ব্যৱহাৰকাৰীয়ে এপটোত লগ ইন কৰাত সমস্যাৰ সন্মুখীন হয়, আনহাতে 24% ব্যৱহাৰকাৰীয়ে চাৰ্ভাৰৰ সৈতে সংযোগ কৰাত সমস্যাৰ সন্মুখীন হয় ৷
