নিউজ ডেস্ক, 6 ছেপ্টেম্বৰ: তথ্য-প্ৰযুক্তিৰ অগ্ৰগতিৰ লগে লগে বজাৰত উপলব্ধ হৈছে বিভিন্ন স্মাৰ্টফোন ৷ মানুহৰ ইচ্ছা-ৰুচিৰ প্ৰতি গুৰুত্ব প্ৰদান কৰি বজাৰত উপলব্ধ হৈছে বিভিন্ন ধৰণৰ মোবাইল ৷ গ্ৰাহকৰ পছন্দ আৰু ৰুচি অনুসৰি স্মাৰ্টফোনবোৰ ডিজাইন কৰি বজাৰত মুকলি কৰে প্ৰস্তুতকৰ্তা কোম্পানীবোৰে । বৰ্তমান বজাৰত ভাঁজ কৰিব পৰা মোবাইল ফোনৰ চাহিদা বৃদ্ধি হোৱা দেখা গৈছে । ইয়াৰ লগে লগে বহু কোম্পানীয়ে এই ধৰণৰ স্মাৰ্টফোনৰ ওপৰত গুৰুত্ব আৰোপ কৰিছে । এই পৰিপ্ৰেক্ষিতত Huawei এ ঘোষণা কৰিছে যে তেওঁলোকে অতি সোনকালে প্ৰথমটো ট্ৰাই-ফোল্ডেবল স্মাৰ্টফোন মুকলি কৰিব ।
কোম্পানীটোৰ চিইঅ’ ৰিচাৰ্ডে জনোৱা মতে, এই স্মাৰ্টফোনটো Huawei Mate XT নামেৰে মুকলি কৰা হ’ব । কিন্তু টেকন’ কোম্পানীটোৱে ইতিমধ্যে এই ছেগমেণ্টত এটা মোবাইল মুকলি কৰাৰ কথা ঘোষণা কৰিছে । অৱশ্যে কেতিয়া প্ৰকাশ পাব সেই সবিশেষ এতিয়াও প্ৰকাশ কৰা হোৱা নাই । ইয়াৰ লগে লগে Huawei হ’ব বিশ্বৰ প্ৰথমটো ট্ৰাই ফ’ল্ডেবল ফোন মুকলি কৰা কোম্পানী । কেতিয়া মুকলি কৰিব তথা দাম আৰু বৈশিষ্ট্যসমূহ জানো আহক---
Huawei Tri Fold মোবাইল কেতিয়া মুকলি হ’ব
Huawei য়ে নিজৰ প্ৰথমটো ট্ৰাই ফল্ডেবল ফোন বজাৰলৈ আনিব বুলি ঘোষণা কৰিছে ।
ইয়াক Huawei Mate XT হিচাপে মুকলি কৰা হ’ব ।
হুৱেইয়ে স্পষ্ট কৰি দিছে যে 10 ছেপ্টেম্বৰত চীনৰ বজাৰত ইয়াক মুকলি কৰা হ’ব ।
Huawei Mate XT বৈশিষ্ট্যসমূহ
ভিতৰলৈ যোৱাকৈ দুখন স্ক্ৰীণ
এটা বাহিৰৰ পৰ্দাৰ দ্বৈত হিঞ্জ ব্যৱস্থা
মূল্য: জানিব পৰা মতে, বজাৰত ইয়াৰ মূল্য হ’ব 3,35,000 টকা
টেকন' ট্ৰাই ফল্ড মোবাইল মুকলিৰ সময়:
Techno কোম্পানীটোৱে প্ৰথমবাৰৰ বাবে ফেব্ৰুৱাৰী মাহত অনুষ্ঠিত হোৱা ম’বাইল ৱৰ্ল্ড কংগ্ৰেছ 2024 (MWC 2024)ত এই ট্ৰাই-ফল্ড কনচেপ্ট ঘোষণা কৰিছিল ।
শেহতীয়াকৈ IFA বাৰ্লিনত অনুষ্ঠিত হোৱা এটা ঔদ্যোগিক অনুষ্ঠানত ইয়াক আংশিকভাৱে মুকলি কৰা হৈছে ।
অৱশ্যে কেতিয়া বজাৰত মুকলি কৰা হ’ব সেয়া এতিয়াও জানিব পৰা হোৱা নাই ।
টেক বিশেষজ্ঞসকলে ভৱিষ্যদ্বাণী কৰিছে যে অহা বছৰৰ শেষৰ ফালে টেকন’ ট্ৰাইফ’ল্ড স্মাৰ্টফোন বজাৰত উপলব্ধ হ’ব ।
চীনৰ হুৱেইয়েও টেকন’ৰ পূৰ্বে এই ধৰণৰ স্মাৰ্টফোন মুকলি কৰাৰ তাৰিখ চূড়ান্ত কৰিছে ।
