নিউজ ডেস্ক, 4 অক্টোবৰ: চৰকাৰী টেলিকম কোম্পানী ভাৰত সঞ্চাৰ নিগম লিমিটেডে দ্ৰুতগতিত 4G নেটৱৰ্ক সম্প্ৰসাৰণ কৰি আছে । লগতে, গ্ৰাহকক আকৰ্ষণ কৰিবলৈ নতুন প্লেন মুকলি কৰিছে । শেহতীয়াকৈ ই কম মূল্যত উচ্চ বৈধতাৰ প্লেন গ্ৰাহকৰ বাবে মুকলি কৰিছে আৰু শেহতীয়াকৈ ইয়াৰ গ্ৰাহকসকলৰ বাবেও বিভিন্ন আকৰ্ষণীয় অফাৰ অনা পৰিলক্ষিত হৈছে । কোম্পানীটোয়ে ইতিমধ্যে 24 বছৰ সম্পূৰ্ণ কৰি 25 বছৰত ভৰি দিছে । এই সময়ত BSNL এ গ্ৰাহকৰ বাবে এক বিশেষ অফাৰ ঘোষণা কৰিছে । 24GB ডাটা বিনামূলীয়াকৈ দিয়া হ’ব বুলি ঘোষণা কৰিছে BSNL এ ।
কেনেকৈ পাব এই অফাৰ
24 বছৰ সম্পূৰ্ণ হোৱা উপলক্ষে BSNL এ ছ’চিয়েল মিডিয়া প্লেটফৰ্ম X ৰ জৰিয়তে ঘোষণা কৰিছে যে তেওঁলোকে গ্ৰাহকক বিনামূলীয়াকৈ ডাটা প্ৰদান কৰিছে । BSNL এ আগবঢ়োৱা এই অফাৰটো পাবলৈ হ’লে 500 টকাতকৈ অধিক মূল্যৰ ভাউচাৰেৰে ৰিচাৰ্জ কৰিব লাগিব । 500 টকাৰ ওপৰত ৰিচাৰ্জ কৰা সকলোকে 24 GB বিনামূলীয়া ডাটা দিয়া হৈছে ৷ এই অফাৰ ইতিমধ্যে উপলব্ধ । কিন্তু 24 অক্টোবৰৰ পূৰ্বে ৰিচাৰ্জ কৰাসকলেহে এই সুবিধাসমূহ লাভ কৰিব ।
24 Years of Trust, Service, and Innovation!#BSNL has been #ConnectingIndia for 24 years, and we couldn’t have done it without you. Celebrate this milestone with us and enjoy 24 GB extra data on recharge vouchers over ₹500/-. #BSNLDay #BSNLLegacy #BSNLFoundationDay #BSNL pic.twitter.com/PpnHGe5G3S
— BSNL India (@BSNLCorporate) October 1, 2024
উল্লেখ কৰা প্ৰয়োজন যে শেহতীয়াকৈ সকলো ব্যক্তিগত টেলিকম কোম্পানীয়ে ৰিচাৰ্জৰ হাৰ বৃদ্ধি কৰিছে । ফলত বহু ব্যৱহাৰকাৰীয়ে BSNL ৰ ৰিচাৰ্জ প্লেনৰ প্ৰতি আগ্ৰহী হৈছে । ইয়াৰ সুবিধা লৈ BSNL এ নতুন প্লেন মুকলি কৰিছে । 2000 চনৰ 15 ছেপ্টেম্বৰত বি এছ এন এল প্ৰতিষ্ঠা কৰা হয় । সেই বছৰৰ 1 অক্টোবৰৰ পৰা দিল্লী আৰু মুম্বাইৰ বাহিৰে দেশৰ বাকী অংশত টেলিকম সেৱা উপলব্ধ কৰা হয় ।
কম মূল্য, অধিক দিনৰ বৈধতা
সকলো ব্যক্তিগত টেলিকম কোম্পানীয়ে ৰিচাৰ্জৰ হাৰ বৃদ্ধি কৰি থকাৰ সময়তে শেহতীয়াকৈ বি এছ এন এলে ইয়াৰ প্ৰিপেইড ব্যৱহাৰকাৰীৰ বাবে নতুন নতুন পৰিকল্পনা আনিছে । 60 দিনৰ বৈধতাৰ সৈতে উপলব্ধ এই নতুন ৰিচাৰ্জ প্লেনৰ জৰিয়তে BSNL ৰ গ্ৰাহকৰ সংখ্যা বৃদ্ধিৰ সম্ভাৱনা আছে ।
