হায়দৰাবাদ: এপলে নিজৰ চফটৱেৰৰ বিটা ভাৰ্চন প্ৰিভিউ মুকলি কৰিছে । ইয়াত নতুন বুদ্ধিমত্তা ক্ষমতাসমূহকে ধৰি বহুলভাৱে চৰ্চিত ChatGPT সংহতি অন্তৰ্ভুক্ত কৰা হৈছে । বৰ্তমান ই পৰীক্ষণ পৰ্যায়ত আছে আৰু অতি সোনকালে ব্যৱহাৰকাৰীৰ বাবে উপলব্ধ হ’ব ।
কেবামাহো ধৰি পৰীক্ষা চলি আছে এপল ইন্টেলিজেন্সৰ । টেক জায়ান্টটোৱে iOS 18.1 আপডেটত Apple Intelligence ৰ প্ৰথম ঢৌ প্ৰৱৰ্তন কৰিব । অহা সপ্তাহত এপল ব্যৱহাৰকাৰীৰ বাবে উপলব্ধ হোৱাৰ সম্ভাৱনা আছে ।
এপলে চলিত বৰ্ষৰ আৰম্ভণিতে বাৰ্ষিক ডেভেলপাৰ সন্মিলনত এই বৈশিষ্ট্যসমূহ প্ৰৱৰ্তন কৰিছিল । ইয়াত Genmoji, Image Playground, Camera Control ৰ সৈতে Visual Intelligence, OpenAI ChatGPT আৰু অন্যান্য বৈশিষ্ট্য আছে । ব্যৱহাৰকাৰীসকললৈ বাৰ্তা প্ৰেৰণ কৰিবলৈ দৃশ্যমান ছবি সৃষ্টিৰ বাবে Genmoji আৰু ImagePlayground উপযোগী ।
Apple Intelligence Feature Connects with ChatGPT: কোম্পানীটোৱে প্ৰকাশ কৰা তথ্য অনুসৰি, Apple Intelligence বৈশিষ্ট্য ChatGPTৰ সৈতে সংযোগ কৰা হ’ব । যদি আপুনি এপল চিৰিক কঠিন প্ৰশ্ন কৰে তেন্তে চিৰিয়ে ক'ব "চেট-জিপিটি ব্যৱহাৰ কৰক?" । তাৰ পিছত আপুনি ইচ্ছা কৰিলে সেই বিকল্পটো বাছি ল’ব পাৰে ৷ যদি নিবিচাৰে তেন্তে নাকচ কৰিব পাৰে । যদি আপুনি ChatGPT বিকল্প বাছি লয় তেন্তে ই Gen-AI সেৱাৰ যোগেদি কাম কৰিব । ইয়াৰ পিছত মোবাইল ডিছপ্লেত উত্তৰটো ওলাব ।
প্ৰিমিয়াম চেট-জিপিটি ব্যৱহাৰ কৰাৰ এটা অতিৰিক্ত সুবিধা: এই সুবিধা সকলো এপল ব্যৱহাৰকাৰীৰ বাবে বিনামূলীয়া । যিসকলে ChatGPT Premium বাছি লয় তেওঁলোকে অতিৰিক্ত সুবিধা লাভ কৰিবলৈ এপলৰ নিয়ম মানি চলিব লাগিব । কেৱল সেয়াই নহয়, ভিজুৱেল এপল এআইৰ সৈতেও ই সংযুক্ত । এই বৈশিষ্ট্যৰ জৰিয়তে ফোনটোৰ কেমেৰাই কন্টেন্ট বা বস্তু ধৰা পেলাই উত্তৰ দিয়ে ।
চলিত বৰ্ষৰ জুন মাহত যেতিয়া এপলে নিজৰ AI বৈশিষ্ট্য ঘোষণা কৰিছিল, তেতিয়া এই চফট্ ৱেৰটো কেৱল দুটা আইফোন মডেল, কিছুমান আইপেড আৰু মেকৰ বাবেহে উপলব্ধ আছিল । অৱশ্যে এতিয়া নতুনকৈ মুকলি কৰা আইফোন 16 মডেল আৰু নতুনকৈ মুকলি কৰা আইপেড মিনিকে ধৰি সকলো মেকে এপল ইন্টেলিজেন্সক সমৰ্থন কৰে । এপলে অতি সোনকালে আন এখন নতুন M4-Macs আনিবলৈ বিচাৰিছে । ইয়াৰ উপৰিও ই এপল ইনটেলিজেন্সকো সমৰ্থন কৰে । এই নতুন প্ৰচেছৰবোৰে AI টাস্ক আৰু দ্ৰুত কৰি তোলে ।
