নিউজ ডেস্ক, 25 ছেপ্টেম্বৰ: বিশ্বজুৰি বৃদ্ধি পাইছে কৃত্ৰিম বুদ্ধিমত্তাৰ প্ৰতি গুৰুত্ব ৷ শেহতীয়াকৈ মোবাইল, কম্পিউটাৰ, লেপটপ আদিৰ পাচত চিকিৎসা জগততো কৃত্ৰিম বুদ্ধিমত্তায়ে আত্মপ্ৰকাশ কৰিছে, যাৰ অংশ হিচাপে এইচ চি জি কেন্সাৰ চেণ্টাৰে দেশত প্ৰথমবাৰৰ বাবে কেন্সাৰ বাহক টেমুনা সঠিকভাৱে ধৰা পেলাবলৈ চাইবাৰনাইফ - এছ 7 নামৰ কৃত্ৰিম বুদ্ধিমত্তা চালিত ব্যৱস্থা উন্মোচন কৰিছে ।
এই সন্দৰ্ভত হেল্থকেয়াৰ গ্ল’বেল এণ্টাৰপ্ৰাইজ লিমিটেডৰ কাৰ্যবাহী অধ্যক্ষ ডাঃ বি. অজয় কুমাৰে চিকিৎসা জগতত কৃত্ৰিম বুদ্ধিমত্তাৰ প্ৰয়োজন আছে বুলি উল্লেখ কৰে । কুমাৰে এই সন্দৰ্ভত পুনৰ কয়, " চিকিৎসা জগতত কৃত্ৰিম বুদ্ধিমত্তালৈ লক্ষ্য ৰাখি আমাৰ সংস্থাই যিকোনো অংগত কেন্সাৰ বাহক টেমুনা সঠিকভাৱে ধৰা পেলাবলৈ AI গ্ৰহণ কৰিছে । বৰ্তমান কেন্সাৰ বাহক টেমুনা ধৰা পেলাবলৈ চাইবাৰনাইফ নামৰ প্ৰযুক্তি ব্যৱহাৰ কৰা হৈছে, যাৰ শেহতীয়া সংস্কৰণটো মাত্ৰ মুকলি কৰা হৈছে ।"
এই নতুন এআই-চালিত চাইবাৰনাইফ-এছ7 কেন্সাৰ বাহক টেমুনা আৰু অকেন্সাৰ টিউমাৰ সঠিকভাৱে চিনাক্ত কৰি আঁতৰোৱাত অধিক সহায়ক হ’ব । কাৰ্যবাহী অধ্যক্ষ ডাঃ বি. অজয় কুমাৰে কয় যে যদি মগজু, হাওঁফাওঁ, মেৰুদণ্ড, প্ৰষ্টেট আৰু পেটকে ধৰি শৰীৰৰ যিকোনো অংশত টিউমাৰ বাঢ়িছে তেন্তে অস্ত্ৰোপচাৰৰ জৰিয়তে সহজে ধৰা পেলাব পৰা যায় আৰু নিৰাময় কৰিব পৰা যায় ।"
লগতে প্ৰথম চেষ্টাতে ফলাফল দিয়ে আৰু কম সময়ৰ ভিতৰতে অস্ত্ৰোপচাৰ কৰিব পাৰি । কাৰ্যবাহী অধ্যক্ষ ডাঃ বি. অজয় কুমাৰে জনোৱা মতে, পূৰ্বে ব্যৱহৃত চাইবাৰ ছুৰীৰ জৰিয়তে 7500 ৰো অধিক অস্ত্ৰোপচাৰ সম্পন্ন কৰা হৈছে ।
