গুৱাহাটী,৩০ জুন : ১৭ বছৰীয়া দীঘলীয়া অপেক্ষাৰ অৱসান ঘটাই ভাৰতে দ্বিতীয়বাৰলৈ টী-২০ বিশ্বকাপ ট্ৰফী জয় কৰাৰ পিচতে দেশজুৰি উৎসৱমুখৰ পৰিৱেশ বিৰাজ কৰে । দেশৰ বিভিন্ন প্ৰান্তৰ লগতে ৰাজ্যৰ বিভিন্ন প্ৰান্তটো ক্ৰিকেট অনুৰাগীসকলে ওলাই আহি আনন্দ উল্লাস কৰে ।
ইয়াৰ ব্যতিক্ৰম নহয় গুৱাহাটী মহানগৰী । মহানগৰীৰ বিভিন্ন স্থানত ক্ৰীণ টানি টী-২০ বিশ্বকাপৰ চূড়ান্ত খেলখন উপভোগ কৰাৰ লগতে ভাৰত জয়ী হোৱাৰ পিচতে মাজনিশা ক্ৰিকেট অনুৰাগীসকলে ৰাজপথলৈ ওলাই আহি ফটকা ফুটাই আনন্দ প্ৰকাশ কৰে ।
ভাৰত জয়ী হোৱাৰ লগে লগে গণেশগুৰি, জি এছ ৰোডকে ধৰি মহানগৰীৰ প্ৰায়সমূহ স্থানতে আৱতৰীয়া দীপাৱলী দেখা যায় । ভাৰতীয় দলে জয় লাভ কৰাৰ পিচতে ভাৰতীয় দলক অভিনন্দন জনায় মুখ্যমন্ত্ৰী ড৹ হিমন্ত বিশ্ব শৰ্মাই ।
WORLD T20 CHAMPIONS! 🏆🏆 The trophy is back home 🇮🇳
— Himanta Biswa Sarma (@himantabiswa) June 29, 2024
Congratulations to Team India on lifting the T20 World Cup 2024 after 17 years of wait. This win truly justifies the team's excellent campaign throughout the tournament as the undefeated and undisputed champion team.@BCCI pic.twitter.com/CBt6pAA3x4
লগতে প্ৰধানমন্ত্ৰী নৰেন্দ্ৰ মোদীয়েও টুইটাৰযোগ অভিনন্দন জনায় ভাৰতীয় ক্ৰীকেট দলক ৷
CHAMPIONS!
— Narendra Modi (@narendramodi) June 29, 2024
Our team brings the T20 World Cup home in STYLE!
We are proud of the Indian Cricket Team.
This match was HISTORIC. 🇮🇳 🏏 🏆 pic.twitter.com/HhaKGwwEDt
উল্লেখ্য যে টী-২০ বিশ্বকাপৰ নৱম সংস্কৰণৰ ফাইনেলত ভাৰতে দক্ষিণ আফ্ৰিকাৰ বিৰুদ্ধে ৭ ৰাণত জয়লাভ কৰে । ৰোমাঞ্চকৰ যুঁজখনত ১৭৭ ৰাণৰ লক্ষ্য অনুসৰণ কৰি ২০ অভাৰত ৮ উইকেটত ১৬৯ ৰাণহে কৰিবলৈ সক্ষম হয় দক্ষিণ আফ্রিকা ।
জয়ৰ বাবে দক্ষিণ আফ্রিকাক অন্তিম অভাৰত ১৬ ৰাণৰ প্রয়োজন হৈছিল । কিন্তু হার্দিক পাণ্ডিয়াই দক্ষিণ আফ্রিকাক লক্ষ্যত উপনীত হ'বলৈ নিদিলে । হার্দিকৰ প্ৰথম বলটোতে সূর্যকুমাৰ যাদৱে এক অবিশ্বাস্য কেচেৰে ডেভিদ মিলাৰক বিদায় দিয়ে ।
মিলাৰ আউট হোৱাৰ লগে লগে দক্ষিণ আফ্ৰিকাৰ জয়ৰ আশা কার্যতঃ নির্বাপিত হয় । অথচ ইয়াৰ আগলৈকে জয়ৰ দিশতে ধাৱমান হৈছিল দক্ষিণ আফ্ৰিকা । কিন্তু অৱশেষত বিশ্বৰ বুকুত জিলিকিল ত্ৰিৰংগা ।
