তিনিচুকীয়া, 15 আগষ্ট: দেশৰ স্বাধীনতা দিৱসৰ প্ৰাকক্ষণত অসমবাসীক উদ্দেশ্যি আলফা স্বাধীনৰ সেনাধ্যক্ষ পৰেশ বৰুৱাই স্বাধীনতা দিৱস বৰ্জন কৰিবলৈ আহ্বান জনোৱাৰ লগতে শদিয়াৰ পৰা ধুবুৰীলৈ সামৰিক অভিযানৰ কথা উল্লেখ কৰিছিল ৷ সমান্তৰালভাৱে আজি পুৱা 6 বজাৰ পৰা দিনৰ 12 বজালৈ সময় নিৰ্ধাৰিত কৰিছিল ৷ তাৰ পাচতে আজি সংবাদমাধ্যমলৈ আলফা স্বাধীনে প্ৰেৰণ কৰিছে এক বিস্ফোৰক প্ৰেছ বিবৃতি ৷
এই প্ৰেছ বিবৃতিত আলফা স্বাধীনে স্পষ্টকৈ উল্লেখ কৰিছে যে তিনিচুকীয়াৰ পৰা নলবাৰীলৈকে 25 টাকৈ স্থানত বোমা সংস্থাপন কৰা হৈছিল ৷ কাৰিকৰী কাৰণত সময়মতে সামৰিক অভিযান সফল কৰিব নোৱৰা বুলিও সংগঠনটোৱে উল্লেখ কৰে বিবৃতিটোত ৷
লগতে যিকেইটা স্থানত বোমাসমূহ সংস্থাপন কৰা হৈছিল, উক্ত স্থানৰ পৰা বোমাসমূহ আঁতৰাই নি নিষ্ক্রিয় কৰোৱাবলৈ সমূহ জনগণৰ পৰা সহযোগিতা কামনা কৰে-
- শিৱসাগৰৰ ডি টি অ’ অফিচত পৰি থকা পুৰণা গাড়ী এখনত
- শিৱসাগৰ বি জি ৰ’ড ONGC 5 নং গেট পাৰ হৈ পথৰ কাষত থকা পুৰণ এম্বুলেন্সখনত
- লাকুৱা তিনি আলিত, থানাৰ সমীপত
- অসম ৰাজ্যিক পৰিবহন নিগম ডিব্ৰুগড়, পুৰণা বাছ এখনত
- অসম ৰাজ্যিক পৰিবহন নিগম লখিমপুৰ, পুৰণা বাছ এখনত
- লখিমপুৰ আৰক্ষী অধীক্ষকৰ কাষৰ পেৰেড গ্ৰাউণ্ডত (A Team Field) থকা NHPCৰ পুৰণা গাড়ীখনত
- লালুক দৈনিক বজাৰ, IB সমীপত
- বৰঘাট আৰক্ষী চকীৰ সমীপত গছ-লতাৰে আৱৰি ৰখা পুৰণা গাড়ীখনত
- নগাঁও মেডিকেল কলেজলৈ যোৱা পথত আদিত্য হাস্পতাল পোৱাৰ আগত পোৱা ইটা ভাটাৰ সমীপত মাটিত পুতি থোৱা আছে
- দিছপুৰ লাষ্টগেটৰ বিপৰীতে থকা মুকলি মাটিখিনি পুতি থোৱা আছে
- গান্ধী মণ্ডপলৈ উঠা পথটোৰ বাওঁফালে থকা ট্ৰেন্সফৰ্মাৰ ব’ৰ্ডৰ বাকচটোত
- নাৰেংগী আৰ্মি কেম্পলৈ যোৱা পথত CDA গেটৰ সমীপত পুতি থোৱা আছে
- ব্ৰহ্মপুত্ৰ উদ্যোগ পাৰ হৈ পোৱা ঘুমটিখনৰ তলত, পানবজাৰ, গুৱাহাটী
- যোৰাবাট উৰণীয়া সেতুৰ সমীপত
- ভেটাপাৰা
- মালিগাঁও
- ৰাজগড়
- নলবাৰী পুৰণা মেডিকেললৈ সোমোৱা পথটোৰ কাষত থকা পুৰণা এম্বুলেন্স এখনৰ ভিতৰত
- ৰঙিয়া-তামুলপুৰ ৰ’ডৰ SBI Welcome ব’ৰ্ডখন পাৰ হৈয়ে পোৱা প্ৰথম দোকানখনৰ কাষৰ খালি ঠাইখিনিত, গোৰেশ্বৰ চ’ক, তামুলপুৰ
ইফালে, তিনিচুকীয়া জিলাৰ পানীতোলাৰ লগতে তিনিচুকীয়াৰ দুটা স্থান, ডিব্ৰুগড়ৰ এটা স্থান, গোলাঘাট-সৰুপথাৰ দুটা স্থানৰ সঠিক স্থান নিৰূপন কৰিব পৰা নগ’ল বুলি উল্লেখ কৰা হৈছে বিবৃতিটোত ৷
লগতে পঢ়ক: লালকিল্লাত স্বাধীনতা দিৱসৰ পতাকা উত্তোলন প্ৰধানমন্ত্ৰী মোদীৰ - 78th Independence Day
ঐতিহাসিক অসম চুক্তিয়ে ভৰি দিলে ৪০ বছৰত : কি পালে অসমে ? - Assam Accord
