ডিব্ৰুগড়,৩ অক্টোবৰ : নাহৰৰ দেশ হিচাপে জনাজাত ডিব্ৰুগড় বিশ্ববিদ্যালয়ত উখল-মাখল পৰিৱেশ । স্নাতকোত্তৰ পৰ্যায়ৰ ছাত্ৰ একতা সভাৰ নিৰ্বাচনক কেন্দ্ৰ কৰি শিক্ষাৰ্থীসকলৰ মাজত ব্যাপক উছাহ দেখিবলৈ পোৱা গৈছে । উজনি অসমৰ উচ্চ শিক্ষাৰ প্ৰাণকেন্দ্ৰ ডিব্ৰুগড় বিশ্ববিদ্যালয়ত পুৱাৰে পৰা অনুষ্ঠিত হৈছে নিৰ্বাচনৰ ভোটগ্ৰহণ প্ৰক্ৰিয়া । ডিব্ৰুগড় বিশ্ববিদ্যালয়ৰ স্নাতকোত্তৰ ছাত্ৰ একতা সভাত ১৮ টা পদ আছে যদিও বৃহস্পতিবাৰে ১৪ টা পদৰ বাবেহে নিৰ্বাচন অনুষ্ঠিত হৈছে । কিয়নো ছাত্ৰ একতা সভাৰ বাকী ৪ টা পদত বিনা প্ৰতিদ্বন্দ্বিতাৰে প্ৰাৰ্থী বিজয়ী হৈছে । ১৪ টা পদত মুঠ ২৯ গৰাকী প্ৰাৰ্থীয়ে প্ৰতিদ্বন্দ্বিতা আগবঢ়াইছে ।
সভাপতি পদত তিনি গৰাকী প্ৰাৰ্থীয়ে প্ৰতিদ্বন্দ্বিতা কৰিছে । একেদৰে সাধাৰণ সম্পাদককে ধৰি আন কেইবাটাও পদত দুগৰাকীকৈ প্ৰাৰ্থীয়ে প্ৰতিদ্বন্দ্বিতা আগবঢ়াইছে । বিশ্ববিদ্যালয়ৰ ৫ হাজাৰ শিক্ষাৰ্থীয়ে নিৰ্বাচিত কৰিব তেওঁলোকৰ ছাত্ৰ একতা সভাৰ প্ৰতিনিধিসকলক । বিয়লি ভোটগ্ৰহণ প্ৰক্ৰিয়া সমাপ্ত হোৱাৰ পিচতে আৰম্ভ হ'ব ভোটগণনা । ডিব্ৰুগড় বিশ্ববিদ্যালয়ত স্নাতকোত্তৰ ছাত্ৰ একতা সভাৰ নিৰ্বাচনক লৈ বিগত প্ৰায় এটা মাহে উৎসৱমুখৰ পৰিৱেশে বিৰাজ কৰিছে ।
প্ৰতিদ্বন্দ্বিতা আগবঢ়োৱা প্ৰাৰ্থীসকল :
সভাপতি : অৰ্চনা কলিতা, যুগল কিশোৰ গগৈ আৰু সুভাংশু শইকীয়া
উপ-সভাপতি : ভাস্কৰ জ্যোতি পাৱে, শুভাংগ বৰঠাকুৰ
সাধাৰণ সম্পাদক : অৰুণাভ হাজৰিকা, লেনিশ মিলি
সহকাৰী সাধাৰণ সম্পাদক : হিৰুজ বৰুৱা, পলাশ জ্যোতি চলিহা
আলোচনী সম্পাদক : ধ্ৰুৱজ্যোতি বৰগোঁহাই, মৃণ্ময় বৰা
সংগীত সম্পাদক : গৌৰৱজ্যোতি নেওগ, ৰাজদ্বীপ হাজৰিকা
সাংস্কৃতিক সম্পাদক : ভৈৰৱ কুমাৰ গগৈ, উতথ্য কাশ্যপ
তৰ্ক আৰু আলোচনা চক্ৰ সম্পাদক : হামিম শাফিক শইকীয়া, নিয়াজুল ইছলাম
কলা আৰু সাহিত্য সম্পাদক : অংকিতা শৰ্মা, কৰৱী গগৈ
সাধাৰণ ক্ৰীড়া সম্পাদক : অনুৰাগ শইকীয়া, উদয়নজ্যোতি বুঢ়াগোঁহাই
আন্তঃদ্বাৰ ক্ৰীড়া সম্পাদক : চিৰঞ্জীৱ বৰা, হেমা লামা
ফুটবল সম্পাদক : অবিনাশ সুত, ৰাহুল ডাৰিক
সমাজ সেৱা সম্পাদক : গ্লৰী মুছাহাৰী, খামীৰঞ্জন ভূঞা
জিমনেচিয়াম সম্পাদক : জাখ্যজ্যোতি গগৈ, পলাশ ৰঞ্জন শইকীয়া
ভলীবল সম্পাদক : নিজম বসুমতাৰী
ছাত্ৰ জিৰণি কোঠা : দ্বীপ জ্যোতি ফুকন
ছাত্ৰী জিৰণি কোঠা : প্ৰতিষ্ঠা কাশ্যপ
ক্ৰিকেট সম্পাদক : জয়িং চাওহাই
লগতে পঢ়ক :কৃষ্ণচূড়াৰ দেশত উৰিল গেৰুৱা পতাকা - GU Election results 2024
