গোলাঘাট, ১৬ এপ্ৰিল: আজি মহুৰামুখৰ ৰোহিতা অঞ্চলত উদ্ধাৰ হয় গঁড়ৰ মৃতদেহ । গৰু বিহুৰ দিনা দেৰগাঁও গেলাবিল অঞ্চলত এটা গঁড়ে এজন যুৱকক আক্ৰমণ কৰি গুৰুতৰভাৱে আঘাতপ্ৰাপ্ত কৰাৰ পাচত বন বিভাগে উক্ত গঁড়টোক কাজিৰঙা ৰাষ্ট্ৰীয় উদ্যানলৈ খেদি পঠিয়াবলৈ চেষ্টা অব্যাহত ৰাখিছিল । বন বিভাগৰ লোকে গঁড়টো কাজিৰঙা ৰাষ্ট্ৰীয় উদ্যানলৈ খেদিবলৈ চেষ্টা কৰাৰ সময়তেই মহুৰামুখৰ নৈপৰীয়া ৰোহিতা অঞ্চলত মুক্ত বিচৰণ কৰা পৰিলক্ষিত হৈছিল । আনকি সোমবাৰে গঁড়টো বনকৰ্মীক আক্ৰমণ কৰিছিল যদিও কোনোমতে ৰক্ষা পাবলৈ সক্ষম হয় ৷
- " class="align-text-top noRightClick twitterSection" data="">
সোমবাৰে দিনত ৰাইজৰ সহযোগত বন বিভাগৰ কৰ্মীয়ে উক্ত অঞ্চলৰ পৰা কাজিৰঙাৰ দিশে খেদাৰ চেষ্টা কৰিছিল যদিও বিফল হয় ৷ তাৰ পাচত নিশাটো গঁড়টোৱে ৰোহিতা অঞ্চলৰ ওচৰৰে অন্য এটা চাপৰিলৈ অহা-যোৱা কৰাৰ খোজৰ চাপ ৰাইজে প্ৰত্য়ক্ষ কৰিছে যদিও আজি মৃত অৱস্থাত উদ্ধাৰ হয় গড়ঁটো ৷ এই গঁড়টোৰ মৃত্যুৰ কাৰণ বৰ্তমানলৈকে জানিব পৰা নাই যদিও বাৰ্ধক্যজনিত কাৰণত মৃত্যু হোৱা বুলি জানিবলৈ দিছে বন বিভাগৰ বিষয়াই ৷
ইয়াৰ পিচতেই বন বিভাগৰ লোক উক্ত স্থানত উপস্থিত হৈ গঁড়টোৰ মৃতদেহ উদ্ধাৰ কৰি মৰোণোত্তৰ পৰীক্ষাৰ ব্যৱস্থা গ্ৰহণ কৰে । উল্লেখযোগ্য যে বিভিন্ন সময়ত কাজিৰঙা ৰাষ্ট্ৰীয় উদ্যানৰ পৰা কাষতে থকা অঞ্চলসমূহত প্ৰৱেশ কৰি সন্ত্ৰাসৰ সৃষ্টি কৰে বন্য জীৱ-জন্তুৱে । বন বিভাগৰ লোকৰ হাতত এই বন্য জীৱ-জন্তু সমূহক পুনৰ ৰাষ্ট্ৰীয় উদ্যানলৈ খেদি পঠিয়াবলৈ নাই কোনো ধৰণৰ বিজ্ঞানসন্মত পদ্ধতি । ফলত বিভিন্ন সময়ত কাজিৰঙা ৰাষ্ট্ৰীয় উদ্যানৰ জীৱ-জন্তু এনেদৰে মৃত্যুমুখত পৰি আহিছে ।
লগতে পঢ়ক:ৰাজ্যত অব্যাহত গঁড়ৰ আতংক; গোলাঘাটত বাতিল হ’ল হুঁচৰি অনুষ্ঠান - Rhino Roaming Freely In Golaghat
