ৰাজপথৰ সমান্তৰালভাৱে ন্যায়ালয়তো অব্যাহত থাকিব কা বিৰোধী যুঁজ: আছু

AASU against CAA: সোমবাৰে সমগ্ৰ দেশজুৰি কা ৰ অধিসূচনা জাৰি হোৱাৰ পাচত প্ৰতিক্ৰিয়া ব্যক্ত কৰিছে সদৌ অসম ছাত্ৰ সন্থাই ৷ শান্তিপূৰ্ণ আন্দোলন তথা ইয়াৰ বিৰুদ্ধে আইনী যুঁজ চলি থাকিব বুলি কয় আছু নেতৃত্বই ৷

গুৱাহাটী, 11 মাৰ্চ: সোমবাৰে সমগ্ৰ দেশজুৰি বলবৎ হ’ল নাগৰিকত্ব (সংশোধনী) আইন (কা) ৰ অধিসূচনা ৷ 2019 বৰ্ষত কা গৃহীত হোৱাৰ পাচত ৰাজপথৰ সমান্তৰালভাবে আদালততো অব্যাহত আছিল কা বিৰোধী আন্দোলন ৷ আন্দোলন অব্যাহত থকাৰ সময়তে কেন্দ্ৰীয় গৃহ মন্ত্ৰণালয়ে সোমবাৰে সমগ্ৰ দেশজুৰি জাৰি কৰে কাৰ বিধি ৷

• " class="align-text-top noRightClick twitterSection" data="">

উল্লেখ কৰা প্ৰয়োজন যে আজি এই বিধি জাৰি কৰাৰ পূৰ্বে গৃহমন্ত্ৰী অমিত শ্বাহে একাধিকবাৰ লোকসভা নিৰ্বাচনৰ পূৰ্বে 'কা'ৰ নিয়মসমূহ জাৰি কৰা হ’ব বুলি পশ্চিমবংগৰ এখন ৰাজহুৱা সভাত উল্লেখ কৰিছিল আৰু এই ঘোষণাৰ পাচতে জাঙুৰ খাই উঠা পৰিলক্ষিত হৈছিল দেশৰ লগতে ৰাজ্যৰ বিভিন্ন দল-সংগঠনবোৰ ৷

আজি কাৰ অধিসূচনা জাৰি হোৱাৰ পিচতে প্ৰতিক্ৰিয়া ব্যক্ত কৰি সদৌ অসম ছাত্ৰ সন্থাৰ মুখ্য উপদেষ্টা সমুজ্জ্বল কুমাৰ ভট্টাচাৰ্যই একেষাৰে ‘আমি কা নামানো’ বুলি সংবাদ মাধ্যমৰ আগত উল্লেখ কৰে । এই অধিসূচনা প্ৰয়োগৰ লগে লগে প্ৰতিলিপি দাহ কৰা হ'ব বুলিও কয় উপদেষ্টাগৰাকীয়ে ।