স্প’ৰ্টছ ডেস্ক, 30 জুন: বাৰ্বাডোছৰ ব্ৰিজটাউনৰ কিংচটাউন অভেল ষ্টেডিয়ামত দক্ষিণ আফ্ৰিকাক সাত ৰাণত পৰাস্ত কৰি টী 20 বিশ্বকাপৰ চেম্পিয়নত পৰিণত হয় ভাৰতীয় ক্ৰিকেট দলটো ৷ যি ঐতিহাসিক ক্ষণৰ বাবে অপেক্ষা কৰি আছিল কোটি কোটি ভাৰতীয়ই ৷
Spoke to the Indian 🏏 team and congratulated them on their exemplary success at the T20 World Cup. They have shown excellent skill and spirit throughout the tournament. Each player’s commitment is very motivating. 🇮🇳 🏆
— Narendra Modi (@narendramodi) June 30, 2024
ভাৰতীয় ক্ৰিকেট দলটোৰ এই সাফল্যত আনন্দিত প্ৰধানমন্ত্ৰী নৰেন্দ্ৰ মোদীয়ে প্ৰতিগৰাকীয়ে খেলুৱৈকে এই বিজয়ৰ বাবে জনায় শুভেচ্ছা ৷ ইতিমধ্যে প্ৰধানমন্ত্ৰী মোদীয়ে সামাজিক মাধ্যম এক্সৰ জৰিয়তে এই কথা শ্বেয়াৰ কৰিছে ৷
লগতে পঢ়ক: ১৭ বছৰৰ পাচত ICC T20 বিশ্বকাপৰ খিতাপ দখল ভাৰতৰ - T20 WORLD CUP 2024
প্ৰধানমন্ত্ৰীগৰাকীয়ে দলটোৰ মুখ্য প্ৰশিক্ষক ৰাহুল দ্ৰাবিড়ক বিশেষ ধন্যবাদ জ্ঞাপন কৰে ৷ এই শৃংখলাৰ পিছতে দ্ৰাবিড়ৰ কাৰ্যকাল সমাপ্ত হ’ব ৷ কিন্তু মুখ্য প্ৰশিক্ষকগৰাকীৰ এই কাৰ্যকাল স্মৰণীয় কৰি তোলে ভাৰতীয় ক্ৰিকেট দলটোৱে ৷
অধিনায়ক ৰোহিত শৰ্মাৰ আক্ৰমণাত্মক মানসিকতা, বেটিং আৰু অধিনায়কত্বক প্ৰশংসা কৰি প্ৰধানমন্ত্ৰী মোদীয়ে পৰৱৰ্তী সময়ত এই টী 20 বিশ্বকাপৰ সময়খিনি সকলোৱে আনন্দৰে সুঁৱৰিব বুলি কয় ৷ তদুপৰি প্ৰধানমন্ত্ৰীগৰাকীয়ে ভাৰতীয় দলটোৰ অন্যতম শীৰ্ষ বেটছমেন বিৰাট কোহলীৰো উচ্চ প্ৰশংসা কৰে ৷
Dear @ImRo45,
— Narendra Modi (@narendramodi) June 30, 2024
You are excellence personified. Your aggressive mindset, batting and captaincy has given a new dimension to the Indian team. Your T20 career will be remembered fondly. Delighted to have spoken to you earlier today. pic.twitter.com/D5Ue9jHaad
যেতিয়াই দলটোৰ আটাইতকৈ বেছি প্ৰয়োজন, তেতিয়াই কোহলীয়ে উৎকৃষ্ট প্ৰদৰ্শন কৰি দলটোক বিপদৰ পৰা উদ্ধাৰ কৰি আহিছিল ৷ শনিবাৰৰ মেচখনতো কোহলীয়ে 59 টা বলত গুৰুত্বপূৰ্ণ 76 ৰাণ সংগ্ৰহ কৰে । এতিয়াৰে পৰা টী 20 ক্ৰিকেটে খেলুৱৈগৰাকীক হেৰুৱাব লাগিব বুলিও মোদীয়ে সামাজিক মাধ্যম এক্সৰ জৰিয়তে প্ৰকাশ কৰে ৷ লগতে বিৰাট কোহলী নৱপ্ৰজন্মৰ খেলুৱৈসকলৰ বাবে আদৰ্শ হৈ ৰ’ব বুলিও প্ৰধানমন্ত্ৰী নৰেন্দ্ৰ মোদীয়ে কয় ৷
Dear @imVkohli,
— Narendra Modi (@narendramodi) June 30, 2024
Glad to have spoken to you. Like the innings in the Finals, you have anchored Indian batting splendidly. You’ve shone in all forms of the game. T20 Cricket will miss you but I am confident you’ll continue to motivate the new generation of players. pic.twitter.com/rw8fKvgTbA
লগতে পঢ়ক: টি-20 ৰ পৰা অৱসৰ ল’লে ৰোহিত শৰ্মা আৰু বিৰাট কোহলীয়ে - T20 World Cup 2024
প্ৰধানমন্ত্ৰী মোদীয়ে ভাৰতীয় ক্ৰিকেটৰ সফলতাক গঢ় দিয়া এক স্মৰণীয় প্ৰশিক্ষণ কাৰ্যকালৰ বাবে বিদায়ী মুখ্য প্ৰশিক্ষক ৰাহুল দ্ৰাবিড়ক উচ্চ প্ৰশংসা কৰে । "ৰাহুল দ্ৰাবিড়ৰ এই প্ৰশিক্ষণ যাত্ৰাই ভাৰতীয় ক্ৰিকেটৰ সফলতাক গঢ় দিছে । দ্ৰাবিড়ৰ অটল নিষ্ঠা, কৌশলগত অন্তৰ্দৃষ্টি আৰু সঠিক প্ৰতিভাৰ প্ৰতিপালনে দলটোক পৰিৱৰ্তন কৰিছে । ভাৰতে তেওঁৰ অৱদানৰ বাবে আৰু নতুন প্ৰজন্মক দিয়া অনুপ্ৰেৰণাৰ বাবে তেওঁৰ ওচৰত কৃতজ্ঞ । দ্ৰাবিড়ৰ হাতত বিশ্বকাপ দেখি আমি সুখী । তেওঁক অভিনন্দন জনাই সুখী" বুলি প্ৰধানমন্ত্ৰী মোদীয়ে এক্সৰ জৰিয়তে সুখ প্ৰকাশ কৰে ৷
Rahul Dravid’s incredible coaching journey has shaped the success of Indian cricket.
— Narendra Modi (@narendramodi) June 30, 2024
His unwavering dedication, strategic insights and nurturing the right talent have transformed the team.
India is grateful to him for his contributions and for inspiring generations. We are… pic.twitter.com/8MKSPqztDV
