স্পৰ্টছ ডেস্ক, ৬ এপ্ৰিল: ৰাজস্থানৰ জয়পুৰৰ ছাৱাই মানসিং ষ্টেডিয়ামত ৰাজস্থান ৰয়েলছ আৰু ৰয়েল চেলেঞ্জাৰছ বেংগালুৰুৰ মাজত আজি অনুষ্ঠিত হৈছে আই পি এল ২০২৪ৰ ১৯ সংখ্যক খেল । ৰাজস্থান ৰয়েলছৰ অধিনায়ক সঞ্জু চেমছনে টছত জয়লাভ কৰি ৰয়েল চেলেঞ্জাৰছ বেংগালুৰুক প্ৰথমে বেটিং কৰাৰ বাবে আমন্ত্ৰণ জনায় ৷
আৰচিবিৰ হৈ ইনিংছ মুকলি কৰিবলৈ আহিছিল অধিনায়ক ফাফ ডুপলেছিছ আৰু বিৰাট কোহলী । বিৰাট কোহলী আৰু অধিনায়ক ফাফ ডুপলেছিছৰ উদ্বোধনী যুটিয়ে ৰাজস্থান ৰয়েলছৰ বিৰুদ্ধে আৰ চি বিক স্থিৰ আৰম্ভণি কৰাৰ লগে লগে চেমছনৰ এই সিদ্ধান্তৰ প্ৰতিক্ৰিয়াৰ সৃষ্টি হয় । দুয়োগৰাকী বেটছমেনে প্ৰথম উইকেটৰ বাবে পাৱাৰপ্লেৰ শেষলৈকে অৰ্ধশতকৰ অংশীদাৰিত্ব সম্পূৰ্ণ কৰে । ছয় অভাৰ শেষ হোৱাৰ পাচত আৰ চি বিয়ে কোনো উইকেট নেহেৰুৱাকৈ ৫৩ ৰান সংগ্ৰহ কৰে ।
আই পি এলৰ চলিত সংস্কৰণত প্ৰথমবাৰৰ বাবে পাৱাৰপ্লেৰ সময়ত আৰ চি বিয়ে কোনো উইকেট নেহেৰুৱাকৈ ক্ৰিজত বৰ্তি আছিল । একে সময়তে বিৰাট কোহলী চলিত সংস্কৰণত পাৱাৰপ্লেত সৰ্বাধিক ৰান সংগ্ৰহ কৰা খেলুৱৈ হিচাপে পৰিগণিত হয় । আই পি এলত পঞ্চমবাৰৰ বাবে কোহলী আৰু ডুপলেছিছৰ শতক অংশীদাৰিত্ব লাভ কৰি আই পি এলত সৰ্বোচ্চ শতকীয় অংশীদাৰিত্ব গঢ়ি তোলা যৌথ দ্বিতীয় যুটি হিচাপে পৰিগণিত হয় ।
- " class="align-text-top noRightClick twitterSection" data="">
বিৰাট কোহলিৰ অপৰাজিত ইনিংছ ১১৩ ৰানৰ ভিত্তিত ৰাজস্থান ৰয়েলছে ২০ অভাৰত তিনিটা উইকেটত হেৰুৱাই ১৮৩ ৰান সংগ্ৰহ কৰে । ৰাজস্থানৰ হৈ স্পিনাৰ যুজবেন্দ্ৰ চাহালে চাৰি অভাৰত ৩৪ ৰানত দুটা উইকেট দখল কৰি দলৰ সবাতোকৈ সফল বলাৰ হিচাপে পৰিগণিত হয় ।
উল্লেখ্য যে, সঞ্জু চেমছনৰ নেতৃত্বত ৰাজস্থান ৰয়েলছে আইপিএলৰ চলিত সংস্কৰণত আগ্ৰাসী ৰূপত দেখা দিছে । প্ৰতিযোগিতাখনৰ আৰম্ভণিতে ৰাজস্থান ৰয়েলছে একেৰাহে তিনিখন মেচত জয়লাভ কৰি ছয় পইণ্ট আৰু নেট ৰান ৰেট +১.২৪৯ লৈ পইণ্ট তালিকাত দ্বিতীয় স্থানত আছে । আনহাতে, ৰয়েল চেলেঞ্জাৰছ বেংগালুৰুৱে চাৰিখন মেচত এখন জয় আৰু তিনিখন পৰাজয়ৰ সৈতে বৰ্তমান পইণ্ট তালিকাৰ অষ্টম স্থানত আছে ।
ইফালে আইপিএলৰ ইতিহাসত দল দুটাৰ মাজত এতিয়ালৈকে ৩০খন মেচ অনুষ্ঠিত হৈছে, য’ত বেংগালুৰুৱে ১৫খন আৰু ৰাজস্থানে ১২খন খেলত জয়লাভ কৰিছে । আনহাতে ৩খন মেচ ড্ৰ হৈছে ।
লগতে পঢ়ক: চেন্নাই ছুপাৰ কিংছৰ বিৰুদ্ধে 6 উইকেটত জয়লাভ ছান ৰাইজাৰ্ছ হায়দৰাবাদৰ - IPL 2024
