স্পৰ্টছ ডেস্ক,২১ জুলাই : আজি গুৰু পূৰ্ণিমা । গুৰুক পূজা কৰাৰ দিন হিচাপে বহুতে ইয়াক গণ্য কৰে । যাৰ বাবে বহুতে গুৰুক শুভেচ্ছা জনোৱা দেখা গৈছে । ক্ৰিকেট তাৰকা ৰোহিত শৰ্মা আৰু ঋষভ পণ্টেও তেওঁলোকৰ ক্ৰিকেট কেৰিয়াৰৰ উল্লেখযোগ্য ব্যক্তিসকলক কৃতিত্ব দিছে যিয়ে তেওঁলোকৰ বিকাশত গুৰুত্বপূৰ্ণ ভূমিকা পালন কৰিছিল । গুৰু পূৰ্ণিমা উপলক্ষে ষ্টাৰ স্পৰ্টছৰ দ্বাৰা শ্বেয়াৰ কৰা এটা ভিডিঅ'ত দুয়োগৰাকীয়ে ক্ৰমে ৰাহুল দ্ৰাবিড় আৰু এম এছ ধোনীক সন্মানিত কৰিছে ।
ভাৰতীয় অধিনায়ক ৰোহিত শৰ্মাৰ নেতৃত্বত শেহতীয়াকৈ ভাৰতীয় দলটোৱে বিশ্বকাপ ট্ৰফী লাভ কৰিছে । তাৰ পিচতে তেওঁ টি-২০ৰ পৰা অৱসৰ লৈছে । ৰাহুল দ্ৰাবিড় বিশ্বকাপ বিজয়ী দলৰ মুখ্য প্ৰশিক্ষক আছিল আৰু তেওঁ দলটোক খিতাপ অৰ্জনৰ দিশত পথ প্ৰদৰ্শন কৰাত গুৰুত্বপূৰ্ণ ভূমিকা পালন কৰিছিল । ৰোহিতে দ্ৰাবিড়ক তেওঁৰ খেলৰ দিনবোৰত দেখুওৱা দৃঢ়তাৰ বাবে প্ৰশংসা কৰে । লগতে কয় যে ৰাহুল দ্ৰাবিড়ৰ নিৰ্দেশনাই তেওঁক তেওঁৰ ক্ৰিকেট কেৰিয়াৰ বৃদ্ধি কৰাত যথেষ্ট সহায় কৰিছিল ।
ৰোহিতে ভিডিঅ'টোত কয় যে ৰাহুল দ্ৰাবিড় আয়াৰলেণ্ডত তেওঁৰ প্ৰথম আন্তঃৰাষ্ট্ৰীয় অধিনায়ক আছিল । ৰোহিত শৰ্মাৰ মতে ৰাহুল দ্ৰাবিড় সকলোৰে বাবে এক আদৰ্শ । ৰাহুলে ব্যক্তিগতভাৱে কঠিন পৰিস্থিতিৰ পৰা আঁতৰাই অনাত সহায় কৰিছে । প্ৰশিক্ষক হিচাপে ৰোহিতে ৰাহুল দ্ৰাবিড়ৰ পৰা যথেষ্ট শিকিব পাৰিছে । যাৰ বাবে বিশ্বকাপৰ উপৰিও তেওঁৰ নিৰ্দেশনাত কেইবাটাও মুখ্য প্ৰতিযোগিতা আৰু শৃংখলা জয়ী হ'ব পাৰিছে বুলি ৰোহিতে উল্লেখ কৰে ।
This Guru Purnima, celebrate the mentors who guide us! 🙏
— Star Sports (@StarSportsIndia) July 20, 2024
From cricket legends like Rohit Sharma praising Rahul Dravid to Rishabh Pant crediting MS Dhoni's mentorship, see how these stars acknowledge their guiding lights 😍#RohitSharma #RishabhPant #ShivamDube #AbhishekSharma… pic.twitter.com/ZyrUpij4QC
ঋষভ পণ্টেও ধোনীক গুৰুৰ সন্মান দিয়ে । পণ্টৰ মতে ধোনীয়ে তেওঁক খেলপথাৰৰ উপৰিও বাহিৰতো সহায় কৰিছে । পণ্টে কৈছে, "কেৱল খেলপথাৰতে নহয়, খেলপথাৰৰ বাহিৰতো এম এছ ধোনীয়ে সদায় মোক সমৰ্থন আৰু পথ প্ৰদৰ্শন কৰি থাকে । যেতিয়াই মই সিদ্ধান্ত ল'ব নোৱাৰো তেওঁ মোৰ ওচৰলৈ যায় আৰু তেওঁ মোৰ চিন্তা আঁতৰাবলৈ উৎসাহিত কৰে ।"
