স্প’ৰ্টছ ডেস্ক, 26 আগষ্ট: দেশৰ তথ্য আৰু সম্প্ৰচাৰ বিভাগৰ প্ৰাক্তন কেন্দ্ৰীয় মন্ত্ৰী প্ৰয়াত অৰুণ জেটলীৰ পুত্ৰৰ নাম সঘনে উচ্চাৰিত হৈছে সংবাদ মাধ্যমত ৷ প্ৰয়াত মন্ত্ৰীগৰাকীৰ পুত্ৰ দিল্লী জিলা ক্ৰিকেট সংস্থাৰ(ডি ডি চি এ) সভাপতি ৰোহন জয়তেলীৰ শিৰত এক নতুন দায়িত্ব শীঘ্ৰে অৰ্পণ কৰাৰ সম্ভাৱনা আছে ৷ এই খবৰ সঁচা হ’লে, ভাৰতীয় ক্ৰিকেট নিয়ন্ত্ৰণ ব'ৰ্ডৰ(বি চি চি আই) ৰ নতুন সম্পাদক হিচাপে কাৰ্যনিৰ্বাহ কৰিব ৰোহনে ৷
সংবাদ মাধ্যমৰ খবৰ অনুসৰি, ৰোহনে বি চি চি আইৰ বৰ্তমানৰ সচিব জয় শ্বাহৰ স্থলাভিষিক্ত হোৱাৰ সম্ভাৱনা আছে ৷ কিয়নো জয় শ্বাহে আন্তঃৰাষ্ট্ৰীয় ক্ৰিকেট পৰিষদৰ(আই চি চি) অধ্যক্ষ হিচাপে নিযুক্তি লাভ কৰাৰ পূৰ্ণ সম্ভাৱনা আছে ।
খবৰ অনুসৰি, শ্বাহে আই চি চি ব’ৰ্ডৰ 16 গৰাকী সদস্যৰ ভিতৰত 15 জনৰে সমৰ্থন লাভ কৰিছে ৷ সেয়েহে এই নিৰ্বাচন মাথো এক আনুষ্ঠানিকতা যেনহে অনুভৱ হৈছে ৷ কিয়নো বিজয়ী প্ৰাৰ্থীৰ বাবে 9 টা ভোটৰ প্ৰয়োজন, যাৰ সাধাৰণ সংখ্যাগৰিষ্ঠতা হৈছে(51%) ৷
আই চি চি-ৰ অধ্যক্ষ পদৰ বাবে মনোনয়ন দাখিল কৰাৰ চূড়ান্ত তাৰিখ হৈছে 27 আগষ্ট । তৃতীয়টো কাৰ্যকালৰ বাবে প্ৰতিদ্বন্দ্বিতা আগবঢ়োৱাৰ সিদ্ধান্ত বাতিল কৰা গ্ৰেগ বাৰ্কলিয়ে নৱেম্বৰৰ শেষত কাৰ্যকাল সমাপ্ত হোৱাৰ পিছত আই চি চিৰ নতুন অধ্যক্ষজনে এক ডিচেম্বৰত দায়িত্ব গ্ৰহণ কৰিব ।
"আই চি চি-ৰ অধ্যক্ষ গ্ৰেগ বাৰ্কলিয়ে ব’ৰ্ডক নিশ্চিত কৰিছিল যে, তেওঁ তৃতীয়টো কাৰ্যকালৰ বাবে প্ৰতিদ্বন্দ্বিতা নকৰে ৷ নৱেম্বৰৰ শেষত তেওঁৰ বৰ্তমানৰ কাৰ্যকাল শেষ হ'লে উক্ত পদৰ পৰা পদত্যাগ কৰিব । 2022 চনত পুনৰ নিৰ্বাচিত হোৱাৰ পূৰ্বে 2020 চনৰ নৱেম্বৰত বাৰ্কলীক স্বতন্ত্ৰভাৱে আই চি চিৰ অধ্যক্ষ হিচাপে নিযুক্তি দিয়া হৈছিল" বুলি আই চি চিয়ে এক সংবাদ মাধ্যমত প্ৰকাশ কৰে ।
শ্বাহ বৰ্তমান আই চি চিৰ বিত্ত আৰু বাণিজ্যিক পৰিক্ৰমা(এফ এণ্ড চি এ) উপ-সমিতিৰো অংশ । যদি শ্বাহক অধ্যক্ষ পদত নিযুক্তি দিয়া হয়, তেন্তে জগমোহন ডালমিয়া, শৰদ পাৱাৰ, এন শ্ৰীনিবাসন আৰু শশাংক মনোহৰৰ পিছত তেওঁ আই চি চিৰ মুৰব্বী হোৱা পঞ্চমগৰাকী ভাৰতীয়ত হ’ব ৷ লগতে 35 বছৰীয়া জয় শ্বাহ বিশ্ব সংস্থাটোৰ সৰ্বকনিষ্ঠ মুৰব্বীতো পৰিগণিত হোৱাৰ সম্ভাৱনা আছে ৷
লগতে পঢ়ক: জয় শ্বাহলৈ নতুন দায়িত্ব ! আই চি চি ৰ অধ্যক্ষ পদত নিযুক্তিৰ সম্ভাৱনা - ICC CHAIRMAN BECOME JAY SHAH
