স্প’ৰ্টছ ডেস্ক: ক্ৰিকেটপ্ৰেমীসকলৰ বাবে এক দুঃখবৰ ৷ টীম ইণ্ডিয়াৰ অভিজ্ঞ সোঁহতীয়া অফ স্পিনাৰ ৰবিচন্দ্ৰন অশ্বিনক আৰু দেখিবলৈ নাপাব খেলপথাৰত ৷ কিয়নো ক্ৰিকেটাৰগৰাকীয়ে ঘোষণা কৰিছে অৱসৰ ৷
সকলো ধৰণৰ আন্তঃৰাষ্ট্ৰীয় ক্ৰিকেটৰ পৰা বুধবাৰে অৱসৰ ঘোষণা কৰে ক্ৰিকেটাৰগৰাকীয়ে ৷ গাব্বাত অষ্ট্ৰেলিয়াৰ বিৰুদ্ধে তৃতীয় টেষ্ট অমীমাংসিতভাৱে সামৰণি পৰাৰ পিছত এক সংবাদমেল সম্বোধন কৰি অশ্বিনে অৱসৰৰ কথা ৰাজহুৱা কৰে ৷
RAVI ASHWIN ANNOUNCES HIS RETIREMENT.
— Mufaddal Vohra (@mufaddal_vohra) December 18, 2024
- An emotional speech by Ash. 🥹❤️pic.twitter.com/ZkVoKVD0m0
ভাৰত-অষ্ট্ৰেলিয়াৰ তৃতীয়খন টেষ্টৰ অন্তিম দিনটোৰ আৰম্ভণিৰ পৰাই এগৰাকী তাৰকা ভাৰতীয় খেলুৱৈৰ অৱসৰৰ বিষয়ে চৰ্চা চলা পৰিলক্ষিত হৈছিল ৷ বৰষুণ প্ৰভাৱিত ব্ৰীছবেন টেষ্টৰ অন্তিম দিনটোত বিৰাট কোহলীয়ে ৰবিচন্দ্ৰন অশ্বিনক আলিংগন কৰাৰো বিশেষ দৃশ্য পৰিলক্ষিত হৈছিল ।
🫂💙🇮🇳
— Star Sports (@StarSportsIndia) December 18, 2024
Emotional moments from the Indian dressing room 🥹#AUSvINDOnStar #BorderGavaskarTrophy #Ashwin #ViratKohli pic.twitter.com/92a4NqNsyP
খেলখন অমীমাংসিতভাৱে সামৰণি পৰাৰ পিছত অশ্বিনে অৱসৰ ঘোষণা কৰে । 39 বছৰীয়া ভাৰতীয় খেলুৱৈগৰাকীয়ে আকস্মিকভাৱে গ্ৰহণ কৰা অৱসৰৰ ঘোষণাই ক্ৰিকেট অনুৰাগীসকলক হতবাক কৰি তোলে ৷ অষ্ট্ৰেলিয়াৰ বিৰুদ্ধে সদ্যসমাপ্ত গাব্বা টেষ্টেই আছিল ক্ৰিকেটাৰগৰাকীৰ কেৰিয়াৰৰ শেষৰখন আন্তঃৰাষ্ট্ৰীয় মেচ । বৰ্ডাৰ-গাভাস্কাৰ ট্ৰফীৰ এতিয়াও বাকী থকা আন দুখন মেচত দেখা নাযাব অশ্বিনক ৷
অশ্বিনৰ আন্তঃৰাষ্ট্ৰীয় কেৰিয়াৰ
ৰবিচন্দ্ৰন অশ্বিনৰ আন্তঃৰাষ্ট্ৰীয় কেৰিয়াৰ অতি আকৰ্ষণীয় । অশ্বিনৰ নামত আছে 537 টা টেষ্ট উইকেট, 156 টা এদিনীয়া উইকেট আৰু 72 টা টি-20 উইকেট । বিশেষকৈ ক্ৰিকেটৰ সৰ্বাধিক দীঘলীয়া ফৰ্মেটত বেটৰ জৰিয়তে নিজৰ নাম উজ্বলাই তোলা অশ্বিনে 106 খন মেচৰ 151 টা ইনিংছত সংগ্ৰহ কৰিছে মুঠ 3,503 ৰাণ ৷ টেষ্টতো অশ্বিনে 6 টা শতক অৰ্জন কৰিছে । বল আৰু বেটৰ এই দৰ্শনীয় প্ৰদৰ্শনে অশ্বিনক এগৰাকী তাৰকা অলৰাউণ্ডাৰত পৰিণত কৰিছে ।
- 537 wickets in Tests.
— Johns. (@CricCrazyJohns) December 18, 2024
- 156 wickets in ODIs.
- 72 wickets in T20I.
ONE OF THE GREATEST EVER, ASHWIN 🐐 pic.twitter.com/kp72t11huO
বি চি চি আইৰ অভিনন্দন
বি চি চি আইয়ে সামাজিক মাধ্যম এক্সৰ জৰিয়তে এক পোষ্ট প্ৰকাশ কৰি বিশিষ্ট স্পিনাৰগৰাকীৰ যাদুক উচ্চ প্ৰশংসা কৰে ৷ বি চি চি আইয়ে অশ্বিনক উদ্দেশ্যি শ্বেয়াৰ কৰা পোষ্টটোত লিখিছে এনেদৰে, "ধন্যবাদ অশ্বিন । আয়ত্ব, যাদু, প্ৰতিভা আৰু উদ্ভাৱনৰ সমাৰ্থক নাম । #TeamIndia ৰ উৎকৃষ্ট স্পিনাৰ আৰু অমূল্য অলৰাউণ্ডাৰগৰাকীয়ে আন্তঃৰাষ্ট্ৰীয় ক্ৰিকেটৰ পৰা অৱসৰ ঘোষণা কৰে । এক সুন্দৰ কেৰিয়াৰৰ বাবে অভিনন্দন অশ্বিন"।
𝙏𝙝𝙖𝙣𝙠 𝙔𝙤𝙪 𝘼𝙨𝙝𝙬𝙞𝙣 🫡
— BCCI (@BCCI) December 18, 2024
A name synonymous with mastery, wizardry, brilliance, and innovation 👏👏
The ace spinner and #TeamIndia's invaluable all-rounder announces his retirement from international cricket.
Congratulations on a legendary career, @ashwinravi99 ❤️ pic.twitter.com/swSwcP3QXA
লগতে পঢ়ক: ঐতিহাসিক বিজয়ৰ সৈতে এইগৰাকী ফাষ্ট বলাৰৰ 16 বছৰীয়া কেৰিয়াৰৰ সামৰণি
