স্প’ৰ্টছ ডেস্ক, ১০ ছেপ্টেম্বৰ: ২০২৪ চনৰ পেৰিছ অলিম্পিকত দুৰ্বল প্ৰদৰ্শনৰ পিছত ভাৰতৰ পেৰা এথলীটসকলে পেৰালিম্পিক গেমছত উজ্জ্বল প্ৰদৰ্শন কৰি দেশৰ সন্মান ৰক্ষা কৰে । পেৰিছ পেৰালিম্পিকত ভাৰতে মুঠ ২৯ টা পদক লাভ কৰে । য’ত ৭ টা সোণ, ৯ টা ৰূপ আৰু ১৩ টা ব্ৰঞ্জৰ পদক আছে ৷ এয়া পেৰালিম্পিকৰ ইতিহাসত ভাৰতৰ সৰ্বোত্তম প্ৰদৰ্শন ।
𝐇𝐢𝐦𝐦𝐚𝐭 𝐑𝐚𝐤𝐡 𝐀𝐮𝐫 𝐊𝐚𝐫 𝐅𝐚𝐭𝐚𝐡💪
— SAI Media (@Media_SAI) September 8, 2024
From 1972 Heidelberg🇩🇪 to #Paris2024🇫🇷, we have come a long way🙌🏼
Let's #Cheer4Bharat🇮🇳 and our para stars 🫶🏻, the warriors who have made us proud once again on the international stage🫡#ParisParalympics2024🇫🇷@mansukhmandviya… pic.twitter.com/FlxoFGqn1D
পেৰালিম্পিক পদক বিজয়ী খেলুৱৈলৈ ধনৰ টোপোলা
মঙলবাৰে নতুন দিল্লীত পেৰালিম্পিক পদক বিজয়ীসকলক সম্বৰ্ধনা জনোৱাৰ উদ্দেশ্যে এক বৃহৎ অনুষ্ঠানৰ আয়োজন কৰা হয় । য’ত ক্ৰীড়া মন্ত্ৰী মানসুখ মাণ্ডভিয়াই পেৰিছ পেৰালিম্পিকত পদক লাভ কৰা খেলুৱৈসকললৈ নগদ ধনৰ পুৰস্কাৰ ঘোষণা কৰে ।
স্বৰ্ণ পদক বিজয়ীয়ে লাভ কৰিব ৭৫ লাখ টকা
ক্ৰীড়া মন্ত্ৰীগৰাকীয়ে সোণৰ পদক বিজয়ীক ৭৫ লাখ, ৰূপৰ পদক বিজয়ীক ৫০ লাখ আৰু ব্ৰঞ্জৰ পদক বিজয়ীক ৩০ লাখ টকাৰ নগদ পুৰস্কাৰ প্ৰদান কৰাৰ কথা ঘোষণা কৰিছে । একে সময়তে ধনুৰ্বিদ শীতল দেৱীৰ দৰে মিক্সড টীম ইভেণ্টত পদক লাভ কৰা খেলুৱৈসকলক ২২.৫ লাখ টকাৰ নগদ ধনৰ পুৰস্কাৰ প্ৰদান কৰা হ’ব ।
Paralympics 2024 have been special and historical.
— Narendra Modi (@narendramodi) September 8, 2024
India is overjoyed that our incredible para-athletes have brought home 29 medals, which is the best ever performance since India's debut at the Games.
This achievement is due to the unwavering dedication and indomitable spirit… pic.twitter.com/tME7WkFgS3
পৰৱৰ্তী খেলসমূহৰ বাবে অধিক সুবিধা উপলব্ধ হ’ব
২০২৮ চনৰ লছ এঞ্জেলছ পেৰালিম্পিকত পেৰা এথলীটসকলক অধিক পদক লাভ কৰিবলৈ সম্পূৰ্ণ সহায় আৰু সুবিধা প্ৰদান কৰাৰ প্ৰতিশ্ৰুতিও দিয়ে মাণ্ডভিয়াই । তেওঁ কয়, ‘‘পেৰালিম্পিক আৰু পেৰা স্প’ৰ্টছত দেশখন আগবাঢ়িছে । ২০১৬ চনত ৪ টা পদকৰ পৰা ভাৰতে টকিঅ’ত ১৯ টা, পেৰিছত ২৯ টা পদক লাভ কৰি ১৮ নম্বৰ স্থান দখল কৰে ।’’
মাণ্ডভিয়াই আৰু কয়, ‘‘আমি আমাৰ সকলো পেৰা এথলীটসকলক সকলো সুবিধা প্ৰদান কৰিম যাতে আমি ২০২৮ চনৰ লছ এঞ্জেলছ পেৰালিম্পিকত স্বৰ্ণসহ অধিক পদক লাভ কৰিব পাৰো ।’’
ভাৰতে ৰচনা কৰিলে ইতিহাস
উল্লেখ্য যে, পেৰা এথলীটসকলৰ উজ্জল প্ৰদৰ্শনৰ বাবেই ভাৰতে পেৰালিম্পিক গেমছৰ ইতিহাসত ৫০ টা পদকৰ সীমা অতিক্ৰম কৰিছে । পেৰালিম্পিকত ভাৰতে প্ৰথম পদক লাভ কৰিছিল ১৯৭২ চনৰ গেমছত, য’ত মুৰলীকান্ত পেটকাৰে সাঁতোৰত স্বৰ্ণ পদক লাভ কৰিছিল । ২০২৪ চনৰ গেমছৰ পূৰ্বে ভাৰতে ১২ খন পেৰালিম্পিক গেমছত মুঠ ৩১ টা পদক লাভ কৰিছিল ।
পেৰিছ পেৰালিম্পিকত স্বৰ্ণজয় ভাৰতীয় হাই জাম্পাৰ প্ৰবীণ কুমাৰৰ - Paris Paralympics 2024
