স্পৰ্টছ ডেস্ক, 3 আগষ্ট : পেৰিছ অলিম্পিক 2024ৰ সপ্তম দিনটো ভাৰতৰ বাবে মিশ্ৰিত ফলাফলেৰে ভৰা আছিল ৷ সপ্তম দিনটোত মহিলাৰ 25 মিটাৰ পিষ্টল ইভেণ্টত উজ্জ্বল প্ৰদৰ্শন আগবঢ়াই ভাৰতীয় শ্বুটাৰ মনু ভাকৰে ফাইনেলত প্ৰৱেশ কৰে ৷ ইয়াৰ লগতে ভাৰতীয় হকী দলটোৱেও শক্তিশালী প্ৰত্যাৱৰ্তনেৰে অষ্ট্ৰেলিয়াক পৰাস্ত কৰে ৷ এতিয়া আমি আপোনালোকক অষ্টম দিনৰ সম্পূৰ্ণ সূচী সম্পৰ্কে জনাবলৈ ওলাইছো ৷
3 আগষ্টত অনুষ্ঠিত হ'বলগীয়া ভাৰতীয় খেলুৱৈৰ প্ৰতিযোগিতা আৰু সময় :
গলফ : ভাৰতৰ হৈ তৃতীয় ৰাউণ্ডৰ গলফ মেচত পুৰুষৰ ব্যক্তিগত ষ্টক প্লে’ ৰাউণ্ড 3ত অংশগ্ৰহণ কৰিব শুভংকৰ শৰ্মা আৰু গগনজীৎ ভুল্লাৰে ৷ বিশ্বৰ 173 নম্বৰ স্থানত থকা শুভংকৰে 17 খন প্ৰতিযোগিতাত অংশগ্ৰহণ কৰিছে, ইয়াৰে 14 খন প্ৰতিযোগিতাত সফলতা লাভ কৰিছে তেওঁ ৷ আনহাতে বিশ্বৰ 295 নম্বৰ স্থানত থকা গগনজীতে যোৱা দুবছৰত কেৱল ইভেণ্টতহে অংশগ্ৰহণ কৰিছে ৷
- পুৰুষৰ ব্যক্তিগত ষ্টক প্লে’ ৰাউণ্ড 3 - (শুভংকৰ শৰ্মা আৰু গগনজীৎ ভুল্লাৰ) - নিশা 12.30 বজাত ৷
শ্বুটিং : ভাৰতে অষ্টম দিনটোৰ আৰম্ভণি কৰিব শ্বুটিং ইভেণ্টৰ জৰিয়তে ৷ পদক লাভৰ আশাৰে ভাৰতৰ হৈ শ্বুটিঙত 25 মিটাৰ পিষ্টল মহিলাৰ ফাইনেলত প্ৰৱেশ কৰিব মনু ভাকৰে ৷ ইয়াৰ লগতে পুৰুষৰ ফাইনেল মেচত স্কীট খেলিব ৷ যদি অনন্তই এই ফাইনেলৰ বাবে যোগ্যতা অৰ্জন কৰে, তেন্তে তেওঁ ভাৰতৰ হৈ পদক দাবী কৰিব পাৰে ৷ ভাৰতৰ বাবে স্কীট মহিলাৰ অৰ্হতাৰ প্ৰথম দিনাই দেখা যাব ৰাইজা ধীলন আৰু মহেশ্বৰী চৌহানক ৷ স্কীট পুৰুষৰ অৰ্হতাৰ দ্বিতীয় দিনা দেখা যাব ভাৰতৰ অনন্ত জীৎ সিং নাৰুকাক ৷
- স্কীট মহিলা অৰ্হতা প্ৰথম দিন (ৰাইজা ধীলন আৰু মহেশ্বৰী চৌহান) - নিশা 12.30 বজাত ৷
- স্কীট পুৰুষৰ অৰ্হতা দ্বিতীয় দিন (অনন্ত জীৎ সিং নাৰুকা) - দিনৰ 1 বজাত ৷
- 25 মিটাৰ পিষ্টল মহিলাৰ ফাইনেল (মুন ভাকৰ) - দুপৰীয়া 1 বজাত ৷
- স্কীট পুৰুষৰ ফাইনেল - সন্ধিয়া 7 বজাত ৷
আৰ্চাৰী : মহিলাৰ ব্যক্তিগত 1/8 এলিমিনেচন ৰাউণ্ডত ভাৰতৰ দীপিকা কুমাৰীয়ে জাৰ্মানীৰ মিচেল ক্ৰপেনৰ বিৰুদ্ধে খেলিব, আনহাতে ভজন কৌৰে ইণ্ডোনেছিয়াৰ দায়নন্দ কইৰুনিছাৰ বিৰুদ্ধে খেলিব ৷ ইয়াত জয়লাভ কৰিলে দুয়োগৰাকীয়ে ফাইনেলত প্ৰৱেশ কৰি ভাৰতৰ হৈ খেলা দেখা যাব ৷
- মহিলাৰ ব্যক্তিগত 16 ৰাউণ্ডৰ পদক মেচ - 1 বজাত ৷
- মহিলাৰ ব্যক্তিগত 1/8 এলিমিনেচন ৰাউণ্ড (দীপিকা কুমাৰী) - দুপৰীয়া 1.52 বজাত ৷
- মহিলাৰ ব্যক্তিগত 1/8 এলিমিনেচন ৰাউণ্ড (ভজন কৌৰ) - 2.5 বজাত ৷
লগতে পঢ়ক : ২৫ মিটাৰ পিষ্টল ফাইনেলৰ বাবে যোগ্যতা অৰ্জন মনু ভাকৰৰ : আন এক পদক লাভৰ আশা - Paris Olympics 2024
চেইলিং : ভাৰতৰ হৈ পুৰুষৰ চেইলিং ইভেণ্টত দেখা যাব খেলুৱৈ বিষ্ণু সৰৱননক ৷ ভাৰতৰ হৈ মহিলাৰ চেইলিং প্ৰতিযোগিতাত নেত্ৰ কুমাননক দেখা যাব ৷ পেৰিছ অলিম্পিক 22024 ৰ অষ্টম দিনটোত দুয়োজনে ৰেছ 5 আৰু ৰেছ 6 ত অংশগ্ৰহণ কৰিব |
- পুৰুষৰ চেইলিং ৰেছ 5 আৰু ৰেছ 6 (বিষ্ণু সৰৱনন) - বিয়লি 3.45 বজাত ৷
- মহিলাৰ চেইলিং ৰেছ 5 আৰু ৰেছ 6 (নেত্ৰ কুমানন) - 5.55 বজাত ৷
বক্সিং : ভাৰতৰ নিশান্ত দেৱক বক্সিংত দেখা যাব ৷ পুৰুষৰ 71 কেজি কোৱাৰ্টাৰ ফাইনেলত নিশান্তক মেক্সিকোৰ আলভাৰেজ মাৰ্কো এল’নছ’ ভাৰ্ডেৰ সৈতে খেলা দেখা যাব ৷ যদি নিশান্ত এই মেচত জয়ী হয়, তেন্তে তেওঁ পোনপটীয়াকৈ ছেমি ফাইনেলত প্ৰৱেশ কৰিব আৰু যদি তেওঁ ছেমি ফাইনেলত প্ৰৱেশ কৰে তেন্তে ভাৰতৰ বাবে আন এক পদক নিশ্চিত হ’ব ৷
- পুৰুষৰ 71 কেজি কোৱাৰ্টাৰ ফাইনেল (নিশান্ত দেৱ) - নিশা 12.02 বজাত ৷
লগতে পঢ়ক : ইতিহাস ৰচিলে ভাৰতীয় হকী দলে : ৫২ বছৰৰ পাচত অলিম্পিকত পৰাস্ত কৰিলে অষ্ট্ৰেলিয়াক - Paris Olympics 2024
