স্পৰ্টছ ডেস্ক,৯ আগষ্ট : ভাৰতীয় অলিম্পিক সংস্থাই ঘোষণা কৰা মতে পেৰিছ অলিম্পিক ২০২৪ৰ সামৰণি অনুষ্ঠানত মনু ভাকৰ আৰু পি আৰ শ্ৰীজেশ ভাৰতীয় ধ্বজাবাহক হ'ব । ভাৰতীয় অলিম্পিক সংস্থাই অভিজ্ঞ হকী গ'লকীপাৰ পি আৰ শ্ৰীজেশ আৰু শ্বুটাৰ মনু ভাকৰক যুটীয়া পতাকাবাহক হিচাপে মনোনীত কৰিছে ।
PR Sreejesh & Manu Bhaker will be India's flag bearer in the closing ceremony at the Paris Olympics 💪 [RevSportz] pic.twitter.com/FPwBVF0vcf
— Johns. (@CricCrazyJohns) August 9, 2024
পি আৰ শ্ৰীজেশ আটাইতকৈ জনপ্ৰিয় পছন্দ
ভাৰতীয় অলিম্পিক সংস্থাৰ এক বিজ্ঞপ্তি অনুসৰি সংস্থাৰ সভাপতি ড৹ পিটি ঊষাই কৈছে যে শ্ৰীজেশ, চেফ ডি মিছন গগন নাৰাং আৰু সমগ্ৰ ভাৰতীয় দলক লৈ গঠিত আইঅ'এ নেতৃত্বৰ ভিতৰত এক আৱেগিক আৰু জনপ্ৰিয় পছন্দ আছিল । ড৹ পিটি ঊষাই কয়, "শ্ৰীজেশে ২ দশকৰো অধিক সময় ধৰি সাধাৰণতে ভাৰতীয় হকী আৰু ভাৰতীয় ক্ৰীড়াত সেৱা আগবঢ়াই আহিছে ।"
PT Usha said " i spoke to neeraj chopra, grace with which he agreed that sreejesh should be the flag bearer at the closing ceremony - he told 'mam, even if you had not asked me, i would have suggested sree bhai's name' - it showed the immense respect neeraj has for sree & his… pic.twitter.com/bi8Ab0gnF6
— Johns. (@CricCrazyJohns) August 9, 2024
নীৰজ চোপ্ৰাই শ্ৰীজেশৰ নামত সন্মতি দিছে
ড৹ পিটি ঊষাই কৈছে যে জেভলিন থ্ৰ'ত ৰূপৰ পদক লাভ কৰা তাৰকা খেলুৱৈ নীৰজ চোপ্ৰাৰ সৈতে শ্ৰীজেশৰ পতাকাবাহক সন্দৰ্ভত কথা পাতিছে । ড৹ পিটি ঊষাই কয়, "মই নীৰজ চোপ্ৰাৰ সৈতে কথা পাতিছিলো আৰু নীৰজে সহজভাৱে আৰু অনুগ্ৰহেৰে ইয়াত সন্মতি হৈছিল । তেওঁ মোক কৈছিল মেডাম আপুনি মোক নুসুধিলেও মই শ্ৰীজেশ ভাতৃৰ নাম উল্লেখ কৰিলোহেঁতেন ।"
PT Usha said - " neeraj chopra with grace agreed that sreejesh should be the flag bearer at olympics closing ceremony. he told 'mam, even if you had not asked me, i would have suggested sree bhai's name. it should be the immense respect neeraj has for sreejesh".
— Tanuj Singh (@ImTanujSingh) August 9, 2024
- beautiful. 🇮🇳 pic.twitter.com/1DwAXJ64g1
মনু ভাকৰ ইতিমধ্যে মনোনীত হৈছিল
ভাৰতীয় অলিম্পিক সংস্থাই ইয়াৰ পূৰ্বে মনু ভাকৰক মহিলা পতাকা বাহক হিচাপে নামাকৰণ কৰিছিল । ভাৰতৰ স্বাধীনতাৰ পিচত একেখন অলিম্পিক গেমছত একাধিক পদক লাভ কৰা প্ৰথম এথলীট হৈছে মনু ভাকৰ । মনু ভাকাৰে পেৰিছত মহিলাৰ ১০ মিটাৰ এয়াৰ পিষ্টল আৰু ১০ মিটাৰ এয়াৰ পিষ্টল মিশ্ৰিত দলত ব্ৰঞ্জৰ পদক লাভ কৰিছে ।
