স্প’ৰ্টছ ডেস্ক: এটাৰ পিছত আন এটা বিতৰ্কৰ মাজত সোমাই পৰিছে পাকিস্তান ক্ৰিকেট ব’ৰ্ড (পি চি বি) ৷ গেৰী কাৰ্ষ্টেনৰ পিছত দলটোৰ প্ৰশিক্ষকৰ দায়িত্বত থকা জেছন গিলেস্পীৰ পদত্যাগ সন্দৰ্ভত উত্থাপিত হৈছে বহু প্ৰশ্ন ৷
অৱশ্যে জেছন গিলেস্পীয়ে এই উৰাবাতৰি অস্বীকাৰ কৰিছে ৷ তেওঁ কয় যে "দক্ষিণ আফ্ৰিকাৰ বিৰুদ্ধে অনুষ্ঠিত হ’বলগীয়া দুখনকৈ ৰঙা বলৰ খেলৰ বাবে পাকিস্তান দলৰ প্ৰশিক্ষক হিচাপে কাৰ্যনিৰ্বাহ কৰিব"।
" jason gillespie to be head coach for south africa series." pcb
— Nawaz 🇵🇰 (@Rnawaz31888) November 18, 2024
the pcb said he would coach for the tour of south africa but did not confirm whether he would hold on to the remainder of his contract. pic.twitter.com/BeqjRxq6OL
গিলেস্পীৰ অপসাৰণ অস্বীকাৰ পি চি বি-ৰ
দেওবাৰে কেইবাটাও সংবাদ মাধ্যমৰ প্ৰতিবেদনত গিলেস্পীক পদৰ পৰা অপসাৰণ কৰাৰ খবৰ প্ৰকাশ পোৱাৰ পিছত এই খবৰ অস্বীকাৰ কৰিছে পি চি বিয়ে ৷ লাভ কৰা তথ্য অনুসৰি, পাকিস্তান ক্ৰিকেট ব’ৰ্ডে প্ৰাক্তন দ্ৰুত বলাৰ আৰু পি চি বি বাছনি সমিতিৰ সদস্য আকিব জাভেদক সকলো ফৰ্মেটত পাকিস্তান ক্ৰিকেট দলৰ নতুন প্ৰশিক্ষক হিচাপে নিযুক্তি দিব ৷
PCB strongly refutes the story. As announced previously, Jason Gillespie will continue to coach the Pakistan side for the two red-ball matches against South Africa. https://t.co/J5MYKuq368
— Pakistan Cricket (@TheRealPCB) November 17, 2024
জেছন গিলেস্পীয়ে দিব প্ৰশিক্ষণ: পি চি বি
পি চি বিয়ে এই খবৰ প্ৰকাশ পোৱাৰ পিছতে এক্সৰ জৰিয়তে সদৰী কৰে যে, "পি চি বিয়ে এই খবৰ নস্যাৎ কৰিছে ৷ পূৰ্বতে ঘোষণা কৰাৰ দৰে জেছন গিলেস্পীয়ে দক্ষিণ আফ্ৰিকাৰ বিৰুদ্ধে দুখন ৰঙা বলৰ খেলৰ বাবে পাকিস্তানৰ দলটোক প্ৰশিক্ষক প্ৰদান কৰিব" ৷
কাৰ্ষ্টেনৰ পদত্যাগৰ পিছত নিযুক্তি লাভ কৰিছিল বগা বলৰ প্ৰশিক্ষক হিচাপে
অষ্ট্ৰেলিয়া ভ্ৰমণৰ পূৰ্বে গেৰী কাৰ্ষ্টনে মুখ্য প্ৰশিক্ষকৰ পদৰ পৰা পদত্যাগ কৰাৰ পিছত গিলেস্পীক বগা বলৰ প্ৰশিক্ষক হিচাপে নিযুক্তি দিয়া হয় । এই মাহৰ আৰম্ভণিতে কাৰ্ষ্টেনৰ পদত্যাগ কেইবাটাও বিষয়ত পি চি বিৰ সৈতে হোৱা মতভেদৰ ফলত আৰম্ভ হৈছিল বুলি জনা গৈছে । তেওঁ চুক্তি অনুসৰি নিৰ্ধাৰণ কৰা সময়লৈকে পাকিস্তানত থাকিবলৈ ইচ্ছুক নাছিল ।
🚨 Gary Kirsten is unhappy with the PCB's decisions regarding selections and central contracts.
— 𝙎𝙝𝙚𝙧𝙞 (@CallMeSheri1) October 27, 2024
- When the PCB signed him, they promised full autonomy, but now Aaqib Javed is handling everything. As a result, Gary is furious and has threatened to resign from the post. pic.twitter.com/6qybSuq2Qa
এদিনীয়া শৃংখলাত অষ্ট্ৰেলিয়াক পৰাস্ত কৰি ৰচিলে ইতিহাস
পাকিস্তান ক্ৰিকেট দলটো বৰ্তমান অষ্ট্ৰেলিয়া ভ্ৰমণত ব্যস্ত আছে । 3 খন মেচৰ এদিনীয়া শৃংখলাটোত আয়োজক অষ্ট্ৰেলিয়াক 2-1 ব্যৱধানত পৰাস্ত কৰি ইতিহাস ৰচে পাকিস্তানে ৷ সুদীৰ্ঘ 22 বছৰৰ পিছত অষ্ট্ৰেলিয়াত এয়া পাকিস্তানৰ প্ৰথমটো শৃংখলা জয় ৷ অৱশ্যে চলিত 3 খন মেচৰ টি-20 শৃংখলাটোত অষ্ট্ৰেলিয়াই 2-0 ৰ অগ্ৰগতি লাভ কৰিছে ।
- Beat England 2-1 in a home Test series
— ESPNcricinfo (@ESPNcricinfo) November 10, 2024
- Beat Australia 2-1 in an away ODI series
Back-to-back victories for Pakistan's head coach Jason Gillespie 🏆 #AUSvPAK #ENGvPAK pic.twitter.com/AvV6bs2HwB
পাকিস্তানৰ আগন্তুক শৃংখলা
পাকিস্তানে 24 নৱেম্বৰৰ পৰা 5 ডিচেম্বৰলৈ জিম্বাব’ৱেৰ বিৰুদ্ধে তিনিখন এদিনীয়া আৰু কেইবাখনো টি-20 খেলত অংশগ্ৰহণ কৰিব ৷ ইয়াৰ পিছত 10 ডিচেম্বৰৰ পৰা 7 জানুৱাৰীলৈ দক্ষিণ আফ্ৰিকাৰ বিৰুদ্ধে সকলো ফৰ্মেটৰ এক শৃংখলাত ভাগ ল’ব ৷ শৃংখলাটোত আছে 3 খন টি-20, 3 খন এদিনীয়া আৰু দুখন টেষ্ট মেচ ।
লগতে পঢ়ক: বেকফুটত বি চি চি আই ! চেম্পিয়নছ ট্ৰফীৰ সন্দৰ্ভত পাকিস্তানে লাভ কৰিলে এইখন দেশৰ সমৰ্থন
