স্প’ৰ্টছ ডেস্ক, 19 ছেপ্টেম্বৰ: ক্ৰীড়াক্ষেত্ৰত চমকপদ সফলতা অৰ্জন অসমৰ খেলুৱৈৰ ৷ সম্প্ৰতি ফিজিত চলি থকা কমনৱেলথ ভাৰোত্তোলন প্ৰতিযোগিতাত সোণৰ পদক অৰ্জন কৰি উজ্বলিল ডিব্ৰুগড়ৰ এগৰাকী খেলুৱৈ ।
প্ৰাপ্ত তথ্য অনুসৰি, এই প্ৰতিযোগিতাত অংশগ্ৰহণ কৰি 18 ছেপ্টেম্বৰত ডিব্ৰুগড়ৰ মধুপুৰ দেউৰী গাঁৱৰ বেদব্ৰত ভৰালীয়ে অৰ্জন কৰে সোণৰ পদক । দ্বাদশ শ্ৰেণীত অধ্যয়নৰত প্ৰতিভাৱান খেলুৱৈগৰাকীৰ এই সফলতাত উৎফুল্লিত ক্ৰীড়া অনুৰাগীসকল । খেলুৱৈগৰাকীক এই সফলতাৰ বাবে বিভিন্নজনে জনাইছে অভিনন্দন আৰু শুভেচ্ছা ৷ 22 ছেপ্টেম্বৰত ডিব্ৰুগড়ৰ নিজ গৃহত উপস্থিত হ'ব বেদব্ৰত ভৰালী ।
বেদব্ৰত ভৰালীৰ পৰিচয়:
ডিব্ৰুগড় জিলাৰ খোৱাং বিধানসভা সমষ্টিৰ অন্তৰ্গত মধুপুৰ দেউৰী গাঁৱৰ অৰুণ ভৰালীৰ দ্বিতীয় পুত্ৰ বেদব্ৰত ভৰালী । 2007 চনত জন্মগ্ৰহণ কৰা প্ৰতিভাৱান খেলুৱৈগৰাকী সম্প্ৰতি দ্বাদশ শ্ৰেণীত অধ্যয়নৰত । অধ্যয়নৰ মাজতে এগৰাকী প্ৰতিভাৱান ভাৰোত্তোলক হিচাপে নিজকে প্ৰতিষ্ঠা কৰিবলৈ সক্ষম হৈছে বেদব্ৰত ভৰালী নামৰ কিশোৰজন ।
ক্ৰীড়াৰ ক্ষেত্ৰত সফলতা:
অধ্যয়নৰ সমান্তৰালভাৱে খেলৰ প্ৰতি সৰুৰে পৰা আগ্ৰহী আছিল বেদব্ৰত ভৰালী ৷ 2017 চনৰ পৰা ভাৰোত্তোলন খেলা আৰম্ভ কৰা কিশোৰজনে পৰৱৰ্তী সময়ত গ্ৰহণ কৰিছিল প্ৰশিক্ষণ । বৰ্তমানলৈকে 3 টা পদক লাভ কৰি দেশলৈ গৌৰৱ কঢ়িয়াই আনিবলৈ সক্ষম হৈছে বেদব্ৰতে ৷ পদকসমূহ হৈছে ক্ৰমে-
- আলবেনিয়াত অনুষ্ঠিত 2023 য়ুথ ৱৰ্ল্ড চেম্পিয়নশ্বিপত ব্ৰঞ্জৰ পদক
- নয়দাত অনুষ্ঠিত 2023 য়ুথ এছিয়ান এণ্ড কমনৱেলথত সোণৰ পদক
- পেৰুত অনুষ্ঠিত 2024 য়ুথ ৱৰ্ল্ড চেম্পিয়নশ্বিপত সোণৰ পদক
পঞ্জাৱৰ এন এছ এন আই এছ পাটিয়ালাত ভাৰোত্তোলনৰ প্ৰশিক্ষণ গ্ৰহণ কৰি থকা বেদব্ৰত ভৰালীক এই সফলতাৰ বাবে ৰাজ্যৰ প্ৰাক্তন মুখ্যমন্ত্ৰী তথা কেন্দ্ৰীয় মন্ত্ৰী সৰ্বানন্দ সোণোৱালে জনাই শুভেচ্ছা ৷
India's ace lifter, Bedabrat Bharali, a resident of Dibrugarh is making waves in the global #weightlifting scene. 🏋️
— Sarbananda Sonowal (@sarbanandsonwal) September 18, 2024
Delighted to know that he has continued his medal winning streak at the Commonwealth Weightlifting Championships in Fiji. Congratulations and best wishes to him… pic.twitter.com/rbOzN7RRmr
লগতে মুখ্যমন্ত্ৰী হিমন্ত বিশ্ব শৰ্মাৰ কাৰ্যালয়েও সামাজিক মাধ্যমৰ জৰিয়তে জ্ঞাপন কৰিছে শুভেচ্ছা ।
HCM Dr @himantabiswa extends his heartiest congratulations to Bedabrat Bharali for clinching a Gold Medal🥇 at the Commonwealth Weightlifting Championship, Fiji in the 73kg category at the Youth division of the tournament.
— Chief Minister Assam (@CMOfficeAssam) September 18, 2024
HCM wishes him a bright future ahead! pic.twitter.com/DQ3gPtlOrI
লগতে পঢ়ক: মেচৰ মাজতে ঋষভ পন্ত আৰু লিটন দাসৰ বাকযুদ্ধ, ভিডিঅ’ ভাইৰেল - IND VS BAN 1ST TEST
