নিউজ ডেস্ক: অষ্ট্ৰেলিয়াৰ বিৰুদ্ধে বহু প্ৰতীক্ষিত ব’ৰ্ডাৰ-গাভাস্কাৰ ট্ৰফীৰ পূৰ্বে বৃহৎ প্ৰত্যাহ্বানৰ সন্মুখীন হৈছে ভাৰত ৷ দলটোৰ বেটিং লাইনআপ সন্দৰ্ভত উত্থাপিত হৈছে বহু প্ৰশ্ন ৷ কিয়নো দলটোৰ দুগৰাকীকৈ টপ অৰ্ডাৰ বেটছমেন হৈছে আঘাতপ্ৰাপ্ত ৷
বুঢ়া আঙুলিত আঘাত পাইছে শুভমন গিলে
নেট অনুশীলনৰ সময়ত ভাৰতৰ তিনি নং স্থানৰ বেটছমেন শুভমন গিলে বুঢ়া আঙুলিত আঘাত পায় ৷ যাৰ বাবে খেলপথাৰৰ বাহিৰলৈ যাবলগা হৈছিল ক্ৰিকেটাৰগৰাকী । যোৱাবাৰ অষ্ট্ৰেলিয়াত ভাৰতৰ 2-1 ৰ ৰোমাঞ্চকৰ শৃংখলা জয়ত গুৰুত্বপূৰ্ণ ভূমিকা পালন কৰা 25 বছৰীয়া গিল ভাৰতৰ টেষ্ট দলৰ নিয়মীয়া খেলুৱৈসকলৰ ভিতৰত এজন ।
Shubman Gill doubtful for the 1st Test Vs Australia due to finger injury.
— Mufaddal Vohra (@mufaddal_vohra) November 16, 2024
- A final decision will be taken soon on his participation. (Gaurav Gupta/TOI). pic.twitter.com/9WApXE16Vc
কে এল ৰাহুল ভুগিছে কিলাকুটিৰ আঘাতত
শুভমন গিলৰ আঘাত ভ্ৰমণকাৰী দলটোৰ বাবে একমাত্ৰ চিন্তাৰ বিষয় নহয় । অনুশীলন মেচৰ সময়ত বেটিং কৰোঁতে মিডল অৰ্ডাৰৰ সোঁহতীয়া বেটছমেন কে এল ৰাহুলেও কিলাকুটিত আঘাত পায় । ৰাহুলে এই মাহৰ আৰম্ভণিতে মেলব’ৰ্ণ ক্ৰিকেট গ্ৰাউণ্ডত অষ্ট্ৰেলিয়া এ ৰ বিৰুদ্ধে অনানুষ্ঠানিক টেষ্টত ভাৰত এ ৰ হৈ অংশগ্ৰহণ কৰিছিল ৷
KL Rahul walked off the field after being struck by Prasidh Krishna on his right arm during a practice match at WACA, Perth. pic.twitter.com/PzFv50KTuu
— Sameer Allana (@HitmanCricket) November 15, 2024
কে এল ৰাহুলক ৰক্ষণাবেক্ষণ গম্ভীৰৰ
অষ্ট্ৰেলিয়া ভ্ৰমণলৈ ৰাওনা হোৱাৰ পূৰ্বে সংবাদমেলত ভাৰতৰ মুখ্য প্ৰশিক্ষক গৌতম গম্ভীৰে দুৰ্বল ফৰ্ম অব্যাহত থকা স্বত্বেও কে এল ৰাহুলক এগৰাকী বেটছমেন হিচাপে প্ৰশংসাৰে উপচাই পেলায় ৷
Gautam Gambhir said, " kl rahul can open, he can bat at no.3, he can also bat at no.6. that's a good thing, not many players can offer such options". pic.twitter.com/IpeG4GGrIq
— Mufaddal Vohra (@mufaddal_vohra) November 11, 2024
"এয়াই সেই ব্যক্তিজনৰ গুণ । তেওঁ প্ৰকৃততে ক্ৰমৰ শীৰ্ষত বেটিং কৰিব পাৰে । তেওঁ 3 নম্বৰত বেটিং কৰিব পাৰে । তেওঁ প্ৰকৃততে 6 নম্বৰত বেটিং কৰিব পাৰে । সেয়েহে, এনে ধৰণৰ কাম কৰিবলৈ আপোনাক যথেষ্ট প্ৰতিভাৰ প্ৰয়োজন" বুলি গম্ভীৰে প্ৰকাশ কৰে ৷
কে এল ৰাহুলৰ উচ্চ প্ৰশংসা
গম্ভীৰে লগতে কয়, "তেওঁ এদিনীয়া ফৰ্মেটতো উইকেটকীপাৰৰ দায়িত্ব পালন কৰিছে ৷ গতিকে কল্পনা কৰক যে কে এলৰ দৰে কিমানখন দেশত এনে খেলুৱৈ আছে, যিয়ে প্ৰকৃততে ইনিংছ মুকলি কৰিব পাৰে আৰু 6 নং স্থানতো বেটিং কৰিব পাৰে ? মই ভাবো যদি প্ৰয়োজন হয়, তেওঁ এয়া আমাৰ বাবে কৰিব পাৰে । বিশেষকৈ যদি ৰোহিত প্ৰথম টেষ্টৰ বাবে উপলব্ধ নহয়" ।
অনিশ্চয়তাত ৰোহিত শৰ্মাৰ অংশগ্ৰহণ
টীম ইণ্ডিয়াৰ টেষ্ট দলৰ অধিনায়ক ৰোহিত শৰ্মাই পাৰ্থত অনুষ্ঠিত হ’বলগা প্ৰথমখন টেষ্টত অংশগ্ৰহণ কৰিবনে সেয়া এতিয়াও নিশ্চিত হোৱা নাই ৷ অৱশ্যে বৰ্তমানলৈকে খেলুৱৈগৰাকী উপস্থিত হোৱা নাই অষ্ট্ৰেলিয়াত ৷
শেহতীয়াকৈ ক্ৰিকেটাৰগৰাকীয়ে পুত্ৰ সন্তানৰ পিতৃ হোৱাৰ সৌভাগ্য অৰ্জন কৰিছে ৷ ৰোহিত শৰ্মাৰ অনুপস্থিতিৰ লগতে টপ অৰ্ডাৰ বেটছমেন শুভমন গিল আৰু কে এল ৰাহুলৰ আঘাতৰ বাবে উদ্বেগ বৃদ্ধি পাইছে টীম ইণ্ডিয়াৰ ।
অৱশ্যে দুয়োজনৰ আঘাত কিমান গুৰুতৰ সেই বিষয়ে লাভ কৰা নাই কোনো তথ্য ৷ অনুৰাগীসকলে দুয়োগৰাকী বেটছমেনকে প্ৰথম টেষ্টত দেখাৰ আশা প্ৰকাশ কৰিছে ৷ ভাৰত আৰু অষ্ট্ৰেলিয়াৰ মাজত প্ৰথমখন টেষ্ট 22 নৱেম্বৰৰ পৰা পাৰ্থত আৰম্ভ হ'ব ।
লগতে পঢ়ক: 240 টা বল... 439 ৰাণ... ইতিহাস ৰচনাকাৰী মেচ ! কেনে আছিল মেচখনৰ ফলাফল ?
