স্প’ৰ্টছ ডেস্ক, 16 ছেপ্টেম্বৰ: বৰ্তমান বিৰাট কোহলী আৰু ৰোহিত শৰ্মাৰ কান্ধত আছে ভাৰতীয় ক্ৰিকেট দলৰ ভাৰ । এই দুয়োজন ক্ৰিকেটাৰক বৰ্তমান শতিকাৰ ক্ৰিকেটৰ ছুপাৰষ্টাৰ বুলি গণ্য কৰা হয় । দুয়োগৰাকীয়ে শেহতীয়াকৈ টি-20 ক্ৰিকেটৰ পৰা অৱসৰ গ্ৰহণ কৰিছে, অনাগত কেইবছৰমানৰ ভিতৰতে দুয়োজনে অৱসৰ ল’ব এদিনীয়া আৰু টেষ্ট ক্ৰিকেটৰ পৰা ।
ভাৰতীয় ক্ৰিকেট দলত এই দুজন খেলুৱৈৰ স্থান কোনে ল’ব, তাক লৈও চলিছে জল্পনা-কল্পনা ৷ পৰৱৰ্তী সময়ত কোন হ’ব টীম ইণ্ডিয়াৰ ছুপাৰষ্টাৰ ৷
কোন হ’ব টীম ইণ্ডিয়াৰ পৰৱৰ্তী ছুপাৰষ্টাৰ
শেহতীয়াকৈ অষ্ট্ৰেলিয়া ক্ৰিকেট দলৰ খেলুৱৈসকলক ভাৰতৰ নতুন প্ৰজন্মৰ ছুপাৰষ্টাৰ খেলুৱৈগৰাকীৰ বিষয়ে সোধা হৈছিল । এই সন্দৰ্ভত অষ্ট্ৰেলিয়াৰ সকলো ক্ৰিকেটাৰে বেলেগ বেলেগ উত্তৰ দিয়ে । আটাইকেইজনেই ভাৰতৰ নতুন প্ৰজন্মৰ ছুপাৰষ্টাৰ খেলুৱৈ হিচাপে যশস্বী জয়ছোৱাল আৰু শুভমন গিলক বাছি লৈছিল ।
অৱশ্যে অষ্ট্ৰেলিয়ান ক্ৰিকেটাৰসকলৰ অধিকাংশৰ প্ৰথম পছন্দ আছিল বাওঁহতীয়া বেটছমেন যশস্বী জয়ছোৱাল ৷ এই অষ্ট্ৰেলিয়ান খেলুৱৈসকলৰ ভিতৰত মিচেল ষ্টাৰ্ক, ষ্টিভ স্মিথ, জ’ছ হেজলউডৰ দৰে অভিজ্ঞ আৰু তাৰকা খেলুৱৈসকলো উপস্থিত আছিল ।
ৰোহিত-বিৰাটৰ ঠাইত যশস্বী আৰু গিল
ভাৰতীয় অনুৰাগীয়ে এসময়ত ভাবিছিল যে, যদি কপিলদেৱ আৰু সুনীল গাভাস্কাৰৰ দৰে খেলুৱৈয়ে টীম ইণ্ডিয়াৰ পৰা অৱসৰ গ্ৰহণ কৰে, তেন্তে কোনে ল’ব তেওঁলোকৰ স্থান । অৱশ্যে সেই সময়ত দলৰ উত্তৰসূৰী হিচাপে ভাৰতে শচীন তেণ্ডুলকাৰ, ৰাহুল দ্ৰাবিড় আৰু সৌৰভ গাংগুলীৰ দৰে খেলুৱৈ লাভ কৰে ।
শচীন আৰু ৰাহুলৰ দৰে খেলুৱৈৰ অৱসৰৰ পিছত অনুৰাগীয়ে ভাবিছিল, তেওঁলোকৰ ঠাই কোনে ল’ব ৷ এনে পৰিস্থিতিত দলত অন্তৰ্ভুক্ত হৈছিল ৰোহিত শৰ্মা আৰু বিৰাট কোহলীৰ দৰে তাৰকা ক্ৰিকেটাৰসকল, যিয়ে এই মহান খেলুৱৈসকলৰ শূন্যতা পূৰণ কৰিছিল ।
এতিয়া যশস্বী জয়ছোৱাল আৰু শুভমন গিলৰ দৰে খেলুৱৈসকলে দলত বিৰাট কোহলী আৰু ৰোহিত শৰ্মাৰ স্থান ল’ব । তেওঁলোকে টীম ইণ্ডিয়াৰ ভৱিষ্যত গঢ় দিব আৰু আগন্তুক প্ৰজন্মৰ তাৰকা খেলুৱৈ হিচাপে আত্মপ্ৰকাশ কৰিব । অষ্ট্ৰেলিয়াৰ ক্ৰিকেটাৰসকলেও এই খেলুৱৈ দুজনক টীম ইণ্ডিয়াৰ সুকীয়া ছুপাৰষ্টাৰ হিচাপে গণ্য কৰে ।
Jaiswal & Gill தான் #TeamIndia-வின் அடுத்த Super Stars - Australian Players👏 #BorderGavaskarTrophy #ToughestRivalry #BGTOnStar pic.twitter.com/o4I7FoES3M
— Star Sports Tamil (@StarSportsTamil) September 15, 2024
যশস্বী আৰু গিলৰ কেৰিয়াৰ
- ভাৰতৰ হৈ যশস্বীয়ে বৰ্তমানলৈকে 3 টা শতক আৰু 4 টা অৰ্ধশতকৰ সৈতে 9 খন টেষ্টত সংগ্ৰহ কৰিছে 1,028 ৰাণ ৷ খেলুৱৈগৰাকীৰ নামত আছে এটা দ্বৈত শতক । জয়ছোৱালে ভাৰতৰ হৈ 23 খন টি-20 মেচত এটা শতক আৰু 5 টা অৰ্ধশতকৰ সহায়ত 723 ৰাণ সংগ্ৰহ কৰিছে । অৱশ্যে খেলুৱৈগৰাকীয়ে বৰ্তমানলৈকে অংশগ্ৰহণ কৰা নাই এদিনীয়া মেচত ৷
- টীম ইণ্ডিয়াৰ হৈ 25 খন টেষ্ট মেচৰ 46 টা ইনিংছত 4 টা শতক আৰু 6 টা অৰ্ধশতকৰে 1,492 ৰাণ সংগ্ৰহ কৰিবলৈ সক্ষম হৈছে শুভমন গিলে । 47 খন এদিনীয়াত তেওঁ 6 টা শতক আৰু 13 টা অৰ্ধশতকৰে 2,328 ৰাণ সংগ্ৰহ কৰিছে । এদিনীয়া খেলতো তেওঁৰ নামত আছে দ্বৈত শতক । শুভমনে ভাৰতৰ হৈ 21 খন খেলত এটা শতক আৰু 23 টা অৰ্ধশতকৰ সৈতে সংগ্ৰহ কৰিছে 578 ৰাণ ।
লগতে পঢ়ক: দুলীপ ট্ৰফীত ভাৰতীয় বলাৰসকলৰ অনুপস্থিতিক লৈ দুখ প্ৰকাশ সুনীল গাভাস্কাৰৰ - DULEEP TROPHY 2024
