ধেমাজি, 7 এপ্ৰিল: 12 নং লক্ষীমপুৰ লোকসভা সমষ্টিৰ ইণ্ডিয়া মিত্ৰজোঁটৰ ভাৰতীয় জাতীয় কংগ্ৰেছৰ মনোনীত প্ৰাৰ্থী উদয় শংকৰ হাজৰিকাৰ নিৰ্বাচনী প্ৰচাৰ সভাত অংশগ্ৰহণ কৰে অসম প্ৰদেশ কংগ্ৰেছৰ সভাপতি ভূপেন বৰা আৰু বিধায়ক অখিল গগৈয়ে ৷ গোগামুখ মহৰিকেম্প গ্ৰাম্য ক্ৰীড়া প্ৰকল্পৰ খেলপথাৰত আয়োজন কৰা হয় এই নিৰ্বাচনী সভাৰ ৷ বিৰোধী ঐক্য মঞ্চৰ কংগ্ৰেছ প্ৰাৰ্থী উদয় শংকৰ হাজৰিকাৰ হৈ প্ৰচাৰ অভিযানত অংশ লৈ ভূপেন বৰা আৰু অখিল গগৈয়ে শাসনাধিষ্ঠিত বিজেপিৰ বিৰুদ্ধে সৰৱ হৈ পৰে ।
ভাষণত অখিল গগৈয়ে মূল্যবৃদ্ধিৰ প্ৰসংগ উল্লেখ কৰাৰ লগতে নকল অৰুণোদয় ফৰ্ম লৈ বিজেপিয়ে ঘৰে ঘৰে যাব লগা হোৱা প্ৰসংগ উল্লেখ কৰি বিজেপিক কঠোৰ ভাষাৰে সমালোচনা কৰে ৷ নদীবান্ধৰ বিৰোধিতা কৰাসকলক বিজেপিক ভোট নিদিবলৈ আহ্বান জনায় বিধায়ক অখিল গগৈয়ে ।
আনহাতে, জাতীয় সমস্যাবোৰৰ পৰা ৰাইজৰ দৃষ্টি আঁতৰাই ৰাখিবলৈহে ৰাজ্যৰ মুখ্যমন্ত্ৰী হিমন্ত বিশ্ব শৰ্মাই 'মুখ্যমন্ত্ৰী কোন হ’ব' জাতীয় প্ৰশ্ন সংবাদ মাধ্যমৰ উল্লেখ কৰি আহিছে বুলি প্ৰদেশ কংগ্ৰেছৰ সভাপতি ভূপেন বৰাই কয় ৷ ইয়াৰ লগতে প্ৰদেশ কংগ্ৰেছৰ সভাপতিগৰাকীয়ে মুখ্যমন্ত্ৰীৰ 'ৰাজ্যৰ পৰৱৰ্তী মুখ্যমন্ত্ৰী কোন হ’ব' ইয়াৰ বাহিৰে আন কোনো কথাৰেই চিন্তা নাই বুলি মুখ্যমন্ত্ৰী শৰ্মাক কটাক্ষ কৰে ৷
আনহাতে, নিৰ্বাচনী প্ৰচাৰ তুংগত কৰিছে 14 নং যোৰহাট লোকসভা সমষ্টিৰ বিৰোধী ঐক্যমঞ্চৰ সমৰ্থিত প্ৰাৰ্থী গৌৰৱ গগৈয়ে ৷ শনিবাৰে টীয়কৰ কাকজান দ’ গাঁও, উত্তৰদুলীয়া গাঁওকে ধৰি কেইবাটাও স্থানত অনুষ্ঠিত হয় গৌৰৱ গগৈৰ নিৰ্বাচনী প্ৰচাৰ সভা । উক্ত সভাত অসম প্ৰদেশ কংগ্ৰেছৰ সাধাৰণ সম্পাদিকা পল্লৱী গগৈ, ব্লক সভাপতি-সম্পাদক, যুৱ কংগ্ৰেছৰ সভাপতি-সম্পাদক, মহিলা কংগ্ৰেছৰ বিষয়ববীয়াকে প্ৰমুখ্য কৰি ভালেসংখ্যক কৰ্মী-সমৰ্থক উপস্থিত থাকে ৷
- " class="align-text-top noRightClick twitterSection" data="">
গগৈয়ে কংগ্ৰেছ চৰকাৰ আহিলে প্ৰথমে অংগনৱাড়ী কৰ্মী সহায়িকাক প্ৰাপ্য মজুৰি বৃদ্ধি কৰা হ’ব বুলি আশ্বাস প্ৰদান কৰে । ৰাইজক কেৱল আঁচনি প্ৰদানেৰে এতিয়া আৰু বিজেপিয়ে আকৰ্ষিত কৰিব নোৱাৰে বুলি উল্লেখ কৰি অত্যধিক নিত্য ব্যৱহাৰ্য সামগ্ৰীৰ মূল্যবৃদ্ধি হ্ৰাস কৰাৰ প্ৰতিশ্ৰুতি প্ৰদান কৰে ।
লগতে পঢ়ক: অৰুণোদয় প্ৰ-পত্ৰৰ জালিয়াতি ! গোচৰ তৰিব অসম জাতীয় পৰিষদে - Lok Sabha Election 2024
