গুৱাহাটী,৫ মে': আজি ৫ বজাত অন্ত পৰিব লোকসভা নিৰ্বাচনৰ তৃতীয় পৰ্যায়ৰ নিৰ্বাচনী প্ৰচাৰ । নিৰ্বাচনী প্ৰচাৰ সভা অন্ত পৰাৰ পূৰ্বে জোৰদাৰ হৈছে তৃতীয় পৰ্যায়ৰ নিৰ্বাচনী প্ৰচাৰ । সকলো ৰথী-মহাৰথী নামি পৰিছে তৃতীয় পৰ্যায়ৰ ভোটগ্ৰহণৰ প্ৰচাৰৰ অন্তিম দিনটোত । গুৱাহাটী লোকসভা সমষ্টিৰ প্ৰাৰ্থী বিজুলী কলিতা মেধীক জয়যুক্ত কৰাৰ বাবে উঠিপৰি লাগিছে মুখ্যমন্ত্ৰীকে আদি কৰি শাসকীয় বিজেপি দল ।
বিজুলী কলিতায় হৈ গুৱাহাটী সমষ্টিত মুখ্যমন্ত্ৰী হিমন্ত বিশ্ব শৰ্মাই কেইবাখনো নিৰ্বাচনী প্ৰচাৰ চলোৱাৰ লগতে বিজেপিৰ আন নেতাসকলো প্ৰচাৰত নামি পৰিছে । আজি পুৱাই বিজুলী কলিতা মেধিৰ হৈ ভাৰতীয় জনতা যুৱ মৰ্চাৰ উদ্যোগত খানাপাৰাৰ পশু চিকিৎসা মহবিদ্যালয় খেলপথাৰৰ পৰা লতাশিল খেলপথাৰলৈ বিজেপিয়ে উলিয়ালে এক বিশাল বাইক ৰেলী । গুৱাহাটীত প্ৰচাৰৰ অন্তিম দিনা বাইক ৰেলীত অংশগ্ৰহণ কৰে মুখ্যমন্ত্ৰী ড৹ হিমন্ত বিশ্ব শৰ্মাই ।
খানাপাৰা খেলপথাৰৰ পৰা বাইক ৰেলীৰ শুভ উদ্বোধন কৰে মুখ্যমন্ত্ৰী ড৹ শৰ্মাই । বাইক ৰেলী উদ্বোধন কৰি মুখ্যমন্ত্ৰীগৰাকীয়ে কয় যে আজি নিৰ্বাচন প্ৰচাৰৰ অন্তিম দিন । এইবাৰৰ নিৰ্বাচনত যুৱসমাজৰ মাজত অভূতপূৰ্ব উচাহ উদ্দীপনা দেখা পোৱা গৈছে । অসমৰ মহিলাই ১০০% বিজেপিক ভোট দিয়াৰ সিদ্ধান্ত গ্ৰহণ কৰিছে ।
তৃতীয় পৰ্যায়ৰ নিৰ্বাচনত চাৰিওখন আখন আমি জয়ী হম বুলিও মন্তব্য কৰে মুখ্যমন্ত্ৰী ড৹ হিমন্ত বিশ্ব শৰ্মাই । উল্লেখ্য যে আজিৰ এই বাইক ৰেলীত প্ৰায় ২৫০০ খন বাইকে অংশগ্ৰহণ কৰে । ১১ কিলোমিটাৰজোৰা এই বাইক ৰেলীত কেইবা শতাধিক লোকে অংশগ্ৰহণ কৰা পৰিলক্ষিত হয় ।
লগতে পঢ়ক: গুৱাহাটী লোকসভা সমষ্টিৰ নিৰ্বাচনী সভাত মুখ্যমন্ত্রীৰ প্ৰতিশ্ৰুতিৰ বন্য়া - Lok Sabha Election 2024
গান্ধী পৰিয়াল নাথাকিলে কংগ্ৰেছ শেষ হৈ যাব : ৰণজিৎ কুমাৰ দাস - Lok Sabha Election 2024
