ইণ্টাৰনেশ্যনেল ডেস্ক,১৬ এপ্ৰিল : ভাৰত আৰু আমেৰিকাৰ বন্ধুত্বপূৰ্ণ সম্পৰ্ক বহু পুৰণি । এই বন্ধুত্ব কিমান গুৰুত্বপূৰ্ণ সেই কথা আমেৰিকা তথা ভাৰতে প্ৰমাণ কৰি আহিছে । আমেৰিকাৰ বাবে ভাৰতৰ এই সম্পৰ্ক কিমান গুৰুত্বপূৰ্ণ সেই কথা পুনৰ এবাৰ স্বীকাৰ কৰিলে বিদেশী ৰাষ্ট্ৰখনৰ প্ৰশাসনে । বিডেন প্ৰশাসনৰ মতে ভাৰত আমেৰিকাৰ এক গুৰুত্বপূৰ্ণ কৌশলগত অংশীদাৰ । এই সম্পৰ্ক অপৰিৱৰ্তিত থাকিব বুলিও আশা কৰিছে আমেৰিকা প্ৰশাসনে ।
লোকসভা নিৰ্বাচনৰ পূৰ্বে প্ৰকাশিত চৰকাৰক সমালোচনা কৰা কিছুমান উদ্বেগজনক প্ৰৱন্ধ সন্দৰ্ভত তেওঁ প্ৰতিক্ৰিয়া প্ৰকাশ কৰে । মিলাৰে কয় যে ভাৰত হৈছে বিশ্বৰ সৰ্ববৃহৎ গণতন্ত্ৰ । যি আমেৰিকাৰ এক গুৰুত্বপূৰ্ণ কৌশলগত অংশীদাৰ আৰু তেওঁ আশা কৰে যে এই সম্পৰ্ক চিৰদিনৰ বাবে থাকিব ।
উল্লেখ্য যে, শেহতীয়াকৈ আমেৰিকাৰ বিষয়াসকলে ভাৰতক অতি গুৰুত্বপূৰ্ণ অংশীদাৰ বুলি অভিহিত কৰি আহিছে আৰু এনেদৰে দুয়োখন দেশৰ মাজৰ সম্পৰ্ক বৃদ্ধি হৈছে । অৱশ্যে, যোৱা বছৰ হোৱাইট হাউচত প্ৰধানমন্ত্ৰী নৰেন্দ্ৰ মোদীৰ ঐতিহাসিক চৰকাৰী ৰাজ্যিক ভ্ৰমণৰ পিচত দ্বিপাক্ষিক সম্পৰ্কত কিছু অস্থিৰতা দেখা গৈছে ।
