ল’ৰা-ছোৱালী ঘৰৰ পৰা ওলাই আহিবলৈ আৰম্ভ কৰিলে স্কুল, পাৰ্ক আদি বহু ঠাইলৈ গৈ বিভিন্ন ধৰণৰ মানুহক লগ পাবলৈ আৰম্ভ কৰে । স্কুলৰ বন্ধু হওক বা সমাজৰ বন্ধু হওক, আমি তেওঁলোকৰ সৈতে আনন্দ কৰো আৰু কেতিয়াবা কিছুমান কথা শিকিবলৈও চেষ্টা কৰো । এই শিক্ষণৰ গতিপথত বহু সময়ত শিশুৱেও বেয়া কথা ক’বলৈ শিকে । যাক শিশুসকলে কেতিয়াবা খং উঠিলে ব্যৱহাৰ কৰে । যদি শিশুৱে গালি-গালাজ কৰিবলৈ শিকিছে তেন্তে তেওঁৰ সৈতে সঠিক ব্যৱহাৰ কৰাটো গুৰুত্বপূৰ্ণ । যাতে ভৱিষ্যতে এই অভ্যাসৰ পুনৰাবৃত্তি নহয় ।
শিশুৱে গালি-গালাজ কৰাটো যিকোনো পিতৃ-মাতৃৰ বাবে এক চিন্তাৰ বিষয় হ’ব পাৰে, কিয়নো ইয়াৰ দ্বাৰা তেওঁলোকৰ সামাজিক আচৰণত প্ৰভাৱ পৰাই নহয়, তেওঁলোকৰ মানসিক বিকাশতো বিৰূপ প্ৰভাৱ পৰিব পাৰে । যদি আপোনাৰ শিশুৱে কথা কওঁতে গালি-গালাজ কৰে বা বেয়া ভাষা প্ৰয়োগ কৰে, তেন্তে তলত দিয়া টিপছসমূহে আপোনাৰ শিশুটিৰ এই অভ্যাস দূৰ কৰাৰ বাবে উপযোগী হ’ব পাৰে ।
শিশুৱে গালি-গালাজ কৰিলে কি কৰিব-
- যেতিয়া আপোনাৰ সন্তানে গালি-গালাজ কৰে তেতিয়া প্ৰথম কামটো হ’ল আপুনি নিজকে শান্ত আৰু সংযমী কৰি ৰখা । খঙেৰে বা খৰখেদাকৈ প্ৰতিক্ৰিয়া দেখুৱালে শিশুৰ ওপৰত নেতিবাচক প্ৰভাৱ পৰিব পাৰে ।
- শিশুটিক বুজাই দিয়াটো গুৰুত্বপূৰ্ণ যে গালি-গালাজ ব্যৱহাৰ কৰিলে আনে কেনেদৰে আঘাত পাব পাৰে । শিশুটিক বুজাব লাগে যে তেওঁৰ এই কথাই আনৰ অনুভৱত প্ৰভাৱ পেলায় ।
- শিশুসকলে প্ৰায়ে চৌপাশৰ মানুহক অনুকৰণ কৰে । আপুনি নিজে যদি ভাল আৰু ইতিবাচক ভাষা ব্যৱহাৰ কৰে তেন্তে ল’ৰা-ছোৱালীয়েও একে ভাষা শিকিব ।
- শিশুসকলক গালি-গালাজৰ পৰিৱৰ্তে নিজৰ অনুভৱ প্ৰকাশৰ ইতিবাচক পদ্ধতি শিকাওক । ইয়াৰ দ্বাৰা শিশুৱে নিজৰ আৱেগক নিয়ন্ত্ৰণ আৰু প্ৰকাশ কৰাৰ উন্নত উপায় লাভ কৰিব ।
- শিশুটিৰ কাম-কাজ আৰু আন শিশুৰ সৈতে কটোৱা সময়বোৰ নিৰীক্ষণ কৰক ইয়াৰ দ্বাৰা আপুনি জানিব পাৰিব যে আপোনাৰ শিশুটিয়ে কেনেধৰণৰ ভাষা আৰু আচৰণ শিকি আছে ।
