বাদ দিয়ক দামী শ্বেম্পু...আপোনাৰ ঘৰতে আছে ইয়াৰ বিকল্প...চুলিৰ যিকোনো সমস্যা হ’ব দূৰ - Methi Hair Mask

Methi Hair Mask: চুলি সৰাটো খুবেই বিৰক্তিকৰ অনুভৱ হয় । দুৰ্বল আৰু শুকান চুলিনো কোনে বিচাৰে । কিন্তু বহুবাৰ এই সমস্যা দূৰ কৰিবলৈ বহুতে দামী হেয়াৰ ট্ৰিটমেণ্ট বা শ্বেম্পু ব্যৱহাৰ কৰে ৷ এনে পৰিস্থিতিত আপোনাৰ ঘৰতে থকা মেথিৰে তৈয়াৰী এই হেয়াৰ মাস্কসমূহ আপুনি নিশ্চয় তৈয়াৰ কৰি চাব পাৰে ৷ জানো আহক এই মাস্ক লগোৱাৰ উপকাৰিতা তথা তৈয়াৰৰ পদ্ধতি ৷

ইংৰাজীত ফেনুগ্ৰীক নামেৰেও জনাজাত মেথি চুলিৰ বাবে যথেষ্ট উপকাৰী বুলি গণ্য কৰা হয় ৷ এই কাৰণেই ইয়াক চুলিৰ বহু ঘৰুৱা ঔষধত যুগ যুগ ধৰি ব্যৱহাৰ কৰি অহা হৈছে ৷ ইয়াত থকা প্ৰ’টিন, ভিটামিন, খনিজ পদাৰ্থই চুলিক শক্তিশালী কৰাত সহায় কৰে (Hair Growth Tips) ৷

ই চুলি সৰা ৰোধ কৰে আৰু উফিৰ পৰা মুক্তি দিয়াত সহায় কৰে ৷ সেয়ে আজিৰ এই প্ৰতিবেদনত আমি আপোনালোকক ঘৰতে সহজে প্ৰস্তুত কৰিব পৰা মেথি হেয়াৰ মাস্ক কেনেকৈ ঘৰতে তৈয়াৰ কৰিব পাৰি আৰু ইয়াৰ উপকাৰিতা কি সেই বিষয়ে জানিবলৈ চেষ্টা কৰিম ৷ এই হেয়াৰ মাস্কৰ সহায়ত চুলিৰ সৈতে জড়িত বহু সমস্যাৰ সমাধানো আপুনি অতি সহজে পাব পাৰে ৷

চুলিৰ বাবে মেথিৰ উপকাৰিতা (Methi Benefits For Hair)

চুলি শক্তিশালী কৰে- মেথিত প্ৰ’টিন থাকে, যিয়ে চুলিক মজবুত কৰে ৷ ইয়াৰ ফলত চুলি সৰাৰ সমস্যা বহু পৰিমাণে কম হয় ৷

উফি কম কৰে- ইয়াৰ ভেঁকুৰ প্ৰতিৰোধী গুণ আছে, যিয়ে উফিৰ সৃষ্টি কৰা ভেঁকুৰ নিয়ন্ত্ৰণ কৰাত সহায় কৰে ৷

চুলিক পুষ্টি প্ৰদান কৰে- ভিটামিন আৰু খনিজ পদাৰ্থই চুলিক সুস্থ কৰি ৰখাত সহায় কৰে আৰু চুলিক চিকচিকিয়া কৰি ৰাখে ৷

চুলিৰ বৃদ্ধিত সহায় কৰে- মেথিত থকা লেক্টিনে চুলিৰ ছিদ্ৰ সক্ৰিয় কৰাত সহায় কৰিব পাৰে ৷

বাদ দিয়ক দামী শ্বেম্পু...আপোনাৰ ঘৰতে আছে ইয়াৰ বিকল্প...চুলিৰ যিকোনো সমস্যা হ’ব দূৰ (ETV Bharat)

৩ প্ৰকাৰৰ মেথি হেয়াৰ মাস্ক

১/ মেথি আৰু দৈ হেয়াৰ মাস্ক

সামগ্ৰী:

১/৪ কাপ মেথি গুটি

১/৪ কাপ দৈ

পদ্ধতি:

মেথিৰ গুটি পানীত ৰাতি তিয়াই ৰাখিব ৷

ৰাতিপুৱা গুটিখিনি পিচি পেষ্ট বনাই লওক ৷

তাত দৈ দি ভালদৰে মিহলাই লওক ৷

পেষ্টটো চুলিৰ গুৰিত লগাই কিছু সময় থৈ দিয়ক ৷

এতিয়া ঠাণ্ডা পানীৰে ধুই লওক ৷

২/ মেথি আৰু মৌ মাস্ক

সামগ্ৰী:

বাদ দিয়ক দামী শ্বেম্পু...আপোনাৰ ঘৰতে আছে ইয়াৰ বিকল্প...চুলিৰ যিকোনো সমস্যা হ’ব দূৰ (ETV Bharat)

১/৪ কাপ মেথি গুটি

১ চামুচ মৌ

পদ্ধতি:

মেথিৰ গুটি পানীত ৰাতি তিয়াই ৰাখিব ৷

পুৱা গুটি পিহি পেষ্ট তৈয়াৰ কৰক ৷

তাত মৌ দি ভালদৰে মিহলাই লওক ৷

পেষ্টটো চুলিৰ গুৰিত লগাই কিছু সময় থৈ দিয়ক ৷

এতিয়া ঠাণ্ডা পানীৰে ধুই লওক ৷

৩/ মেথি আৰু কণীৰ মাস্ক

সামগ্ৰী:

• ১/৪ কাপ মেথি গুটি
• ১ কণীৰ কুহুম

পদ্ধতি:

• মেথিৰ গুটি পানীত ৰাতিটো তিয়াই ৰাখিব ৷
• পুৱা গুটি পিচি পেষ্ট তৈয়াৰ কৰি লওক ৷
• তাত কণীৰ কুহুম দি ভালদৰে মিহলাই লওক ৷
• পেষ্টটো চুলিৰ গুৰিত লগাই কিছু সময় থৈ দিব ৷
• এতিয়া ঠাণ্ডা পানীৰে ধুই লওক ৷

মেথি হেয়াৰ মাস্ক লগোৱাৰ সময়ত মনত ৰাখিব এই কথা

1. এই মাস্ক সপ্তাহত এবাৰ বা দুবাৰ প্ৰয়োগ কৰিব লাগে ৷
2. মাস্ক লগোৱাৰ পিচত ঠাণ্ডা পানীৰে চুলি ধুই লওক, কিয়নো গৰম পানীয়ে চুলি শুকান কৰিব পাৰে ৷
3. যদি হেয়াৰ মাস্ক ব্যৱহাৰ কৰাৰ পিচত যিকোনো বস্তুৰ প্ৰতি এলাৰ্জী হয় তেন্তে ইয়াক ব্যৱহাৰ নকৰিব ৷
4. নিয়মিতভাৱে চুলিক তেলেৰে মালিচ কৰক, ইয়াৰ ফলত চুলি সদায় সুস্থ হৈ থাকিব ৷ ইচ্ছা কৰিলে আপোনাৰ তেলত মেথি গুটিও দিব পাৰে ৷

লগতে পঢ়ক: চুলিৰ বাবে মহৌষধ এইবিধ বস্তু, কেৱল জানি লওক ইয়াক ব্যৱহাৰৰ উপায়