ব্যস্ততাৰে ভৰা এই জীৱনত সকলোৱে কোনোবা নহয় কোনোবা ৰোগত আক্ৰান্ত হয় ৷ সময়মতে খাদ্য নোখোৱা, কাম কৰি থাকোতে সোনকালে ভাগৰুৱা হোৱা আদি বিভিন্ন ৰোগৰ কাৰণ হ’ব পাৰে ৷ এই সন্দৰ্ভত বিশেষজ্ঞসকলে কয় যে, এইবোৰেই হৈছে যকৃতৰ ক্ষতিৰ প্ৰাৰম্ভিক লক্ষণ ৷
যকৃতৰ ক্ষতিৰ লক্ষণ
বহুতে হৃদযন্ত্ৰ আৰু বৃক্কক সুস্থ কৰি ৰাখিবলৈ বহু সাৱধানতা অৱলম্বন কৰে যদিও শৰীৰৰ আটাইতকৈ গুৰুত্বপূৰ্ণ অংগ যকৃতৰ প্ৰতি মানুহে বিশেষ গুৰুত্ব নিদিয়ে ৷ যকৃতে তেজৰ পৰা বিষাক্ত পদাৰ্থ আঁতৰোৱাত সহায় কৰে ৷ খোৱা খাদ্য হজমতো সহায় কৰে ৷ শৰ্কৰাৰ মাত্ৰা বজাই ৰখাতো সহায় কৰে যকৃতে ৷ ক’বলৈ গ’লে একেলগে বহু কাম কৰে যকৃতে ৷
এনে পৰিস্থিতিত যকৃতক সুস্থ কৰি ৰখাটো অতিকৈ প্ৰয়োজনীয় ৷ যদি আপুনিও আপোনাৰ শৰীৰত তলত উল্লেখিত এই লক্ষণসমূহ দেখা দিয়ে তেন্তে আজিয়েই সাৱধান হওক আৰু চিকিৎসকৰ পৰামৰ্শ গ্ৰহণ কৰক-
অত্যন্ত ক্লান্তি
কেৱল কামৰ প্ৰেচাৰৰ বাবেউ নহয়, লিভাৰ বেয়া হ’লেও আপুনি অত্যন্ত ভাগৰুৱা অনুভৱ কৰিব পাৰে ৷ অস্ত্ৰোপচাৰ গেষ্ট্ৰ’এণ্টেৰ’লজিষ্ট ডাঃ টি কে লক্ষ্মীকান্তৰ মতে, যেতিয়া আপুনি অকাৰণে অনবৰতে ভাগৰুৱা অনুভৱ কৰে তেতিয়া তৎক্ষণাত কোনো পলম নকৰাকৈ চিকিৎসকৰ পৰামৰ্শ লৈ চিকিৎসা গ্ৰহণ কৰা উচিত ৷
জণ্ডিচ
কোৱা হয় যে যদি আপুনি যকৃতৰ সৈতে জড়িত সমস্যাত আক্ৰান্ত হৈছে তেন্তে আপোনাৰ চকু আৰু ছালৰ ৰং সলনি হ’ব পাৰে ৷ যদি ই সেউজীয়া হয় তেন্তে ইয়াৰ অৰ্থ হ’ল লিভাৰৰ সমস্যা ৷ অৰ্থাৎ জণ্ডিচেও যকৃতৰ সমস্যাৰ ইংগিত দিয়ে ৷ গতিকে যদি আপুনিও একেধৰণৰ লক্ষণ দেখা পায় তেন্তে আপুনি তৎক্ষণাত সজাগ হোৱাটো জৰুৰী ৷
ভোক কমি যোৱা
ডাঃ টি লক্ষ্মীকান্তৰ মতে, লিভাৰ সমস্যাৰ আন এটা লক্ষণ হ’ল ভোক নলগা ৷ যদি আপুনিও কেইবাদিন ধৰি ভোক অনুভৱ নকৰে, তেন্তে সজাগ হওক আৰু সময় নষ্ট নকৰাকৈ চিকিৎসকৰ পৰামৰ্শ লওক ৷
প্ৰস্ৰাৱৰ ৰং সলনি হয়
সাধাৰণতে প্ৰস্ৰাৱৰ ৰং চাই আমি সুস্থ হয় নে নহয় জানিব পাৰো, কিন্তু যকৃতে সঠিকভাৱে কাম কৰি আছে নে নাই সেয়া জনাটোও গুৰুত্বপূৰ্ণ ৷ বিশেষজ্ঞসকলে কয় যে, বিশেষকৈ যদি প্ৰস্ৰাৱ সাধাৰণ ৰঙৰ পৰিৱৰ্তে ডাঠ বা আন যিকোনো ৰং দেখা যায় তেন্তে সেয়া বিপদৰ বিষয় ৷ কাৰণ এয়া যকৃতত সমস্যা হোৱাৰ লক্ষণ হ’ব পাৰে ৷
ওকট পাকট লগা বা বমি ভাৱ
যদি আপুনি বাৰে বাৰে বমি আৰু ওকট পাকট লগাৰ দৰে লক্ষণ অনুভৱ কৰে, তেন্তে বিশেষজ্ঞসকলে আপোনাক সাৱধান হ’বলৈ পৰামৰ্শ দিয়ে ৷ কাৰণ সেই লক্ষণবোৰে যকৃতৰ সমস্যাৰ ইংগিত দিয়ে ৷ ইয়াৰ উপৰিও বহুতে খাদ্য খোৱাৰ লগে লগে বমি ভাৱ অনুভৱ কৰে ৷ ইয়াক যকৃতৰ সমস্যাৰ লক্ষণ বুলিও গণ্য কৰা হয় ৷
কোষ্ঠকাঠিন্য
এই লক্ষণক যকৃতৰ সমস্যাৰ আন এক গুৰুত্বপূৰ্ণ লক্ষণ বুলিও গণ্য কৰা হয় ৷ কাৰণ যকৃতত কিবা সমস্যা হ’লে হজম শক্তিত প্ৰভাৱ পৰে আৰু কোষ্ঠকাঠিন্যৰ দৰে সমস্যাৰ সৃষ্টি হয় ৷
ছালৰ সৈতে জড়িত সমস্যা
খজুৱতি আৰু ফোহা আদি ছালৰ সমস্যাত আপুনি ভুগিছে নেকি ? গতিকে এনে ক্ষেত্ৰত আপুনি সজাগ হোৱা উচিত ৷ অৱশ্যে ডাঃ টি লক্ষ্মীকান্তই বুজাইছে যে ই যকৃতৰ সমস্যাৰ লক্ষণো হ’ব পাৰে ৷ এনে ক্ষেত্ৰত ছালত ৰঙা দাগ গঠন হয় ৷ বিশেষজ্ঞসকলেও কয় যে, ইয়াৰ উপৰিও যদি যকৃতত কোনো সমস্যা হয় তেন্তে পেটৰ বিষ, সঘনাই জ্বৰ হোৱা, একাগ্ৰতাৰ অভাৱ, ডায়েৰিয়া আৰু মুখৰ দুৰ্গন্ধ আদি লক্ষণো সাধাৰণতে দেখা যায় ৷
