খাদ্য বিষক্ৰিয়াৰ বাবে বলীউডৰ অভিনেত্ৰী জাহ্নৱী কাপুৰক ইতিমধ্যে চিকিৎসালয়ত ভৰ্তি কৰোৱা হৈছে । সংবাদ মাধ্যমৰ খবৰ অনুসৰি বুধবাৰে নিশা অভিনেত্ৰীগৰাকীৰ স্বাস্থ্যৰ অৱনতি ঘটাত চিকিৎসালয়লৈ লৈ যোৱা হয় । চিকিৎসকে তেওঁৰ পেটত সংক্ৰমণ হোৱা বুলি ধৰা পেলায় আৰু বৰ্তমান অভিনেত্ৰীগৰাকীৰ চিকিৎসা অব্যাহত আছে । ইফালে চিকিৎসকে দুদিনৰ পিচত তেওঁ ডিচচাৰ্জ দিয়া হ’ব বুলিও জানিবলৈ দিয়ে ।
বাৰিষাৰ সময়ত খাদ্য বিষক্ৰিয়াৰ আশংকা বহু পৰিমাণে বৃদ্ধি পায়। এই ঋতুত খাদ্য আৰু পানীত ভেঁকুৰ তথা বেক্টেৰিয়াই আশ্ৰয় লয় যাৰ ফলত এই ৰোগ হোৱাটো অতি সাধাৰণ হৈ পৰিছে । কিন্তু তাৎক্ষণিকভাৱে চিকিৎসা গ্ৰহণ কৰিলে ২-৩ দিনতেই আৰোগ্য লাভ কৰিব পাৰি ৷ কিন্তু ইয়াৰ বাবে আক্ৰান্ত লোকজনে কেইবাদিনো শৰীৰত দুৰ্বলতাৰ অনুভৱ হ’ব পাৰে । এনে পৰিস্থিতিত ইয়াৰ পৰা পৰিত্ৰাণ লাভ কৰাটো অতি প্ৰয়োজনীয় । সেয়ে আজি আমি এই প্ৰতিবেদনত আপোনালোকক কিছুমান ভুলৰ বিষয়ে ক’বলৈ ওলাইছো যিয়ে আপোনাক খাদ্য বিষক্ৰিয়াত ভোগাৰ পৰা ৰক্ষা কৰিব পাৰে-
এই সময়ছোৱাত পচি যোৱা বা নষ্ট হোৱা খাদ্য খোৱাটো খাদ্য বিষক্ৰিয়াৰ আটাইতকৈ সাধাৰণ কাৰণ । সদায় সতেজ আৰু ভালকৈ সিজোৱা খাদ্যহে আমি খাব লাগে । বাৰিষাকালত কেঁচা শাক-পাচলি খোৱাৰ পৰা বিৰত থাকিব লাগে । কাৰণ এই সময়ছোৱাত শাক-পাচলিত পোক, ভেঁকুৰ বেক্টেৰিয়া আদি যথেষ্ট পৰিমাণে বৃদ্ধি পায় ৷
বিশুদ্ধ পানী নোখোৱা
দূষিত পানী খাদ্য বিষক্ৰিয়াৰ প্ৰধান কাৰণ । খোৱাৰ বাবে সদায় ফিল্টাৰ কৰা বা উতলাইহে পানী খাব লাগে । বাহিৰৰ বৰফ বা ঠাণ্ডা পানীয় পৰিহাৰ কৰক ।
ফল-মূল আৰু শাক-পাচলি সঠিকভাৱে ধুই নোখোৱা
নোধোৱা ফল-মূলত ক্ষতিকাৰক বেক্টেৰিয়া থাকিব পাৰে । এনে অৱস্থাত কেঁচা ফল-মূল খোৱাৰ আগতে পৰিষ্কাৰ পানীৰে ভালদৰে ধুব লাগে ।
হাতৰ পৰিষ্কাৰ-পৰিচ্ছন্নতাৰ যত্ন নোলোৱা
আমাৰ হাতত বীজাণু থাকিব পাৰে, যিবোৰ খাদ্যৰ ভিতৰত সোমাই আমাক অসুস্থ কৰি তুলিব পাৰে । খাদ্য খোৱাৰ আগতে, খাদ্য প্ৰস্তুত কৰাৰ আগতে আৰু পিচত, আৰু শৌচাগাৰ ব্যৱহাৰ কৰাৰ পিচত সদায় চাবোনেৰে ভালদৰে হাত ধুব লাগে ।
খাদ্যৰ উষ্ণতাৰ প্ৰতি গুৰুত্ব নিদিয়া
৪০ ডিগ্ৰী চেলছিয়াছৰ পৰা ১৪০ ডিগ্ৰী চেলছিয়াছৰ উষ্ণতাত বেক্টেৰিয়া দ্ৰুতগতিত বৃদ্ধি পায় । এনে পৰিস্থিতিত সিজোৱা খাদ্য কোঠাৰ উষ্ণতাত বেছি সময় নাৰাখিব । বাকী থকা খাদ্য সোনকালে ফ্ৰীজত থৈ দিব বা পেলাই দিব ।
