গ্ৰীষ্মকাল আহি পোৱাৰ লগে লগে অফিচত কাম কৰাসকলৰ বাবে আটাইতকৈ ডাঙৰ প্ৰত্যাহ্বানটো হ’ল কি পিন্ধিব, যাৰ দ্বাৰা তেওঁলোকে গ্ৰীষ্মকালতো আৰামদায়ক অনুভৱ কৰিব পাৰে আৰু লুকটো বিৰক্তিকৰ যেন নালাগে ৷ এনে বতৰত আৰামদায়ক অনুভৱ কৰিবলৈ সাজ-পোছাকৰ ফেব্ৰিক আৰু ৰঙৰ প্ৰতি গুৰুত্ব দিয়াটো গুৰুত্বপূৰ্ণ ৷
পাতল ৰঙৰ কাপোৰে কম তাপ শোষণ কৰি আপোনাৰ শৰীৰটো শীতল কৰি ৰাখে ৷ যদিও গ্ৰীষ্মকালৰ বাবে বগা ৰং সৰ্বোত্তম বুলি গণ্য কৰা হয় ৷ কিন্তু আজি আমি এই প্ৰতিবেদনৰ জৰিয়তে এনে কিছুমান ৰঙৰ পোচাকৰ কথা আলোচনা কৰিবলৈ ওলাইছো যাক আপুনি গৰমৰ দিনত পৰিধান কৰিব পাৰে ৷
বাৰ্গাণ্ডী (Burgundy)
ই গভীৰ, সুন্দৰ ৰং আৰু প্ৰতিখন ছালৰ লগত খাপ খাই পৰে ৷ ইয়াক প্ৰায়ে গাঢ় ৰঙা, বাদামী বা বেঙুনীয়া ৰঙৰ মিশ্ৰণ বুলি গণ্য কৰা হয় আৰু ইয়াক কেতিয়াবা মেৰুণ ৰং বুলি ভবা হয় যদিও বাৰ্গাণ্ডীত মেৰুণতকৈ বেঙুনীয়া ৰঙৰ পৰিমাণ বেছি থাকে ৷ অফিচত পৰিধান কৰিবৰ বাবে অতি উত্তম এই ৰঙৰ কাপোৰ ৷
বেইগী (Beige)
এই ৰং সূক্ষ্ম সৌন্দৰ্য আৰু বহুমুখীতাৰ (versatility) বাবে জনাজাত ৷ ইয়াক পাতল বাদামী আৰু বগাৰ মিশ্ৰণ বুলি কোৱা হয় আৰু কেতিয়াবা হালধীয়া বা পাতল বাদামী ৰঙৰ সৈতে মিহলি কৰা হয় ৷ বেইজ ৰঙক মন-মগজু শান্ত কৰা ৰং বুলি গণ্য কৰা হয় ৷ এই ৰঙৰ কাপোৰ অফিচত পৰিধান কৰিবৰ বাবে সৰ্বোত্তম ৷
পাতল নীলা (Light blue)
এই ৰংটোক শান্তি আৰু স্থিৰতাৰ প্ৰতীক হিচাপে গণ্য কৰা হয় ৷ লগতে শৰীৰ আৰু মন শীতল কৰি ৰাখে ৷ অফিচ হওক বা ছুটী হওক বা স্বাভাৱিক আউটিং হওক, এই ৰং প্ৰতিটো অনুষ্ঠানৰ বাবে হিট আৰু ফিট ৷
টেৰাকোটা (Terracotta)
এই ৰং মাটিৰ ৰঙৰ সৈতে মিল আছে ৷ ই বাদামী আৰু ৰঙা ৰঙৰ মিশ্ৰণ ৷ এই ক্লাছিক ৰংটো গ্ৰীষ্মকালত পিন্ধিবলৈও সৰ্বোত্তম আৰু প্ৰায় প্ৰতিটো অনুষ্ঠানৰ বাবেই উপযুক্ত ৷
সৰিয়হ (Mustard)
এইবিধ ৰং হৈছে হালধীয়া আৰু বাদামী ৰঙৰ মিশ্ৰণ ৷ সৰিয়হ ৰঙক শক্তি, সুখ, সৃষ্টিশীলতাৰ প্ৰতীক হিচাপে গণ্য কৰা হয় ৷ এই ৰঙৰ আটাইতকৈ ভাল কথাটো হ’ল ইয়াক প্ৰতিটো ছালৰ ৰঙৰ লোকৰ ওপৰতে ভাল দেখা যায় ৷ অফিচ হওক, পাৰ্টী হওক বা কেজুৱেল আউটিং হওক... আপুনি এই ৰঙৰ সৈতে যেনেকৈ মন যায় এক্সপেৰিমেন্ট কৰিব পাৰে ৷
লগতে পঢ়ক: গ্ৰীষ্মকালত নিজকে শীতল কৰি ৰাখিব বিচাৰিছে নেকি ? তেন্তে অনুসৰণ কৰক আলিয়া ভাটৰ এই ষ্টাইল - Alia Bhatt
