ব্যস্ততাৰে ভৰা জীৱনশৈলীৰ বাবে আজিকালি মানুহে শক্তিৰ মাত্ৰা বজাই ৰাখিবলৈ অসুবিধা অনুভৱ কৰে ৷ অনিয়মিত খাদ্যাভ্যাস আৰু বেয়া জীৱনশৈলীৰ বাবে মানসিক চাপৰ মাত্ৰা বৃদ্ধি পায়, যাৰ ফলত বহুলোক সোনকালে ভাগৰুৱা হৈ পৰো ৷ চাৰি-পাঁচ চিৰি বগাই উশাহ-নিশাহৰ কষ্ট অনুভৱ কৰিবলৈ আৰম্ভ কৰে একাংশ লোকে ৷
অলপ কাম কৰাৰ পিছত শৰীৰটো ভাগৰুৱা অনুভৱ হ’বলৈ আৰম্ভ কৰে ৷ যদি আপুনিও একে সমস্যাৰ সন্মুখীন হ’বলগীয়া হয়, তেন্তে আপোনাৰো ষ্টেমিনাৰ অভাৱ আছে ৷ বহুতে ভাগৰ দূৰ কৰিবলৈ এনাৰ্জি ড্ৰিংক বা চাপ্লিমেণ্ট সেৱন কৰে ৷ কিন্তু কেতিয়াবা ইহঁতৰ অসুবিধাও হ’ব পাৰে ৷ এনে পৰিস্থিতিত প্ৰাকৃতিক খাদ্য অধিক উপকাৰী ৷ অৱসাদ দূৰ কৰিবলৈ কোনবোৰ খাদ্য খাব লাগে জানো আহক-
অটছ
অটচত কাৰ্বহাইড্ৰেট আৰু ফাইবাৰ প্ৰচুৰ পৰিমাণে পোৱা যায় ৷ আপোনাৰ শৰীৰক শক্তি প্ৰদান কৰাৰ উপৰিও ই স্বাস্থ্যৰ বাবেও অতি উপকাৰী ৷ অটচ খালে দীৰ্ঘসময়লৈকে শক্তি পোৱা যায় আৰু লগতে পেট ভৰি পৰে ৷ লগতে ইয়াত থকা আঁহে ষ্টেমিনা বজাই ৰাখে ৷
কল
যদি আপুনি গোটেই দিনটো শৰীৰত শক্তি বজাই ৰাখিব বিচাৰে তেন্তে খাদ্য তালিকাত কল অন্তৰ্ভুক্ত কৰক ৷ আইৰনৰ লগতে পটাছিয়াম, কাৰ্বহাইড্ৰেট আৰু ভিটামিন আদিও কলত পোৱা যায় ৷ ই ইলেক্ট্ৰ’লাইটৰ ভাৰসাম্য বজাই ৰখাত সহায় কৰে ৷ ৱৰ্কআউটৰ আগত আৰু পিচত কল খোৱাটো খুবেই লাভদায়ক ৷ কল খালে পেশীৰ বিষ ৰোধ কৰাত সহায় কৰে ৷
পালেং শাক
পালেং শাকত আইৰন প্ৰচুৰ পৰিমাণে পোৱা যায় ৷ ইয়াৰ বাহিৰেও সমগ্ৰ শৰীৰলৈ অক্সিজেন যোগান ধৰাত ই গুৰুত্বপূৰ্ণ ভূমিকা পালন কৰে ৷ ইয়াৰ ফলত আপুনি ভাগৰুৱা নহয় আৰু শক্তিশালী অনুভৱ কৰে ৷
লগতে পঢ়ক: দৈনিক মুখত এলোভেৰা লগালে কি লাভালাভ হয় ? - Aloe Vera For Face
