শিশুৰ পৰা প্ৰাপ্তবয়স্কলৈকে সকলোৱে কাজু বাদাম খাই ভাল পায় ৷ কাজুত আঁহ, আইৰণ, মেগনেছিয়াম, চেলেনিয়াম আদি পুষ্টিকৰ উপাদান থাকে ৷ মানুহে ইমানেই ভাল পায় যে এটা বা দুটা খোৱাৰ পিছত খায়েই থাকে ৷ ইয়াক কেঁচা আৰু ভজা দুয়োটা ধৰণে খাব পাৰি ৷ যদিও কাজু সকলোৰে বাবে উপকাৰী, তথাপিও পুৰুষে বিশেষকৈ কাজু খাদ্যত অন্তৰ্ভুক্ত কৰা উচিত ৷
ৰক্তচাপ নিয়ন্ত্ৰণত ৰাখিব লাগে
অসংপৃক্ত চৰ্বি, আইৰণ, জিংক, ভিটামিন কে, ভিটামিন বি, ভিটামিন ই, তাম আৰু মেগনেছিয়ামৰ দৰে প্ৰয়োজনীয় পুষ্টি কাজুত পোৱা যায়, যিয়ে ৰক্তচাপ আৰু কলেষ্টেৰল নিয়ন্ত্ৰণত ৰখাত সহায় কৰে ৷ দৈনিক কাজু বাদাম সেৱন কৰিলে হাৰ্ট এটেকৰ লগতে আন আন হৃদৰোগৰ পৰাও সুৰক্ষিত হৈ থাকে ৷
বিষ আৰু ফুলাত উপকাৰী
আজিৰ দ্ৰুত গতিৰ জীৱনত অস্বাস্থ্যকৰ জীৱনশৈলীৰ বাবে বেছিভাগ মানুহেই শৰীৰত বিষ আৰু ফুলাৰ অভিযোগ কৰে ৷ এনে পৰিস্থিতিত যদি আপুনি দৈনিক ৫-৮ টা কাজু খায় তেন্তে ইয়াত থকা এন্টি-ইনফ্লেমেটৰী গুণে আপোনাৰ সমস্যাটো হ্ৰাস কৰিব পাৰে ৷
ৰক্ত সঞ্চালন উন্নত কৰা
